បំផ្ទុះរំសេវច្នៃក្រោមផ្ទះ នៅស្រុកភ្នំស្រួចសំណាងគ្មានមនុស្សបួស !
កំពង់ស្ពឺ ៖ សង្ស័យរឿងគំនុំផ្ទះមួយខ្នងត្រូវបានគេបំផ្ទុះរំសេវច្នៃក្រោមផ្ទះ
ប៉ងផ្ទាច់ជីវិត្ត មនុស្សរស់នៅក្នុងនោះតែ សំណាងល្អគ្មានមនុស្សណាម្នាករងរបួសគ្រាន់តែខូចខាតទ្រព្យសម្បត្តិមួយចំនួនតូចប៉ុណ្ណោះ។
សមត្ថកិច្ចមូលដ្ឋានបានរាយការណឲ្យដឹងថាវេលាម៉ោង២និង៣០នាទីថ្ងៃទី២៦ ខែសីហា ឆ្នាំ២០១៧មានករណីបំផ្ទុះរំសេវច្នៃមួយ បានកើតឡើងបង្កអោយ មានការភ្ញាក់ផ្អើលដល់ប្រជារដ្ឋ នៅ នៅចំណុចផ្ទះរបស់ឈ្មោះ មាស ឆិល នៅភូមិព្រំតោស ឃុំព្រៃរំដួល ស្រុកភ្នំស្រួច ខេត្តកំពង់ស្ពឺ។
លោកឧត្តមសេនីយ៍ត្រី ញ៉ែម សៅ ស្នងការរងខេត្តកំពង់ស្ពឺបានឲ្យដឹងថា ម្ចាស់ផ្ទះរងគ្រោះឈ្មោះ មាស ឆិល ភេទប្រុស អាយុ ៦៣ឆ្នាំ ប្រពន្ធឈ្មោះ កុយ រ៉ុម អាយុ ៦៤ឆ្នាំ នៅភូមិព្រំតោស ឃុំព្រៃរំដួល ស្រុកភ្នំស្រួច ខេត្តកំពង់ស្ពឺ។
លោកបន្តថាផ្ទះជនរងគ្រោះមានទំហំ ៤X៥ម៉ែត្រ មានមនុស្ស សម្រាកនៅខាងក្នុងផ្ទះ ចំនួន ០៧នាក់ រួមមាន ទី១-ឈ្មោះ កុយ រ៉ុម ភេទស្រី អាយុ ៦៤ឆ្នាំ (ម្ដាយ), ទី២-ឈ្មោះ ឆិល វិសិដ្ឋ ភេទប្រុសអាយុ ២៥ឆ្នាំ (កូន), ទី៣-ឈ្មោះ ឆិល មករា ភេទស្រី អាយុ ១៥ឆ្នាំ (កូន), ទី៤-ឈ្មោះ ឆិល វិសាល ភេទប្រុស អាយុ ២១ឆ្នាំ (កូន), ទី៥-ឈ្មោះ មាន សុភ័ត្រា ភេទស្រី អាយុ ១៨ឆ្នាំ (កូន), ទី៦-ឈ្មោះ ឆិល បុប្ផា ភេទស្រី អាយុ ១ឆ្នាំ ៩ខែ (ចៅ), និងទី៧-ឈ្មោះ ឆិល សុខសឿង ភេទប្រុស អាយុ ៨ខែ (ចៅ)។
សម្ភារៈខូចខាតមានៈ ម៉ូតូ មួយគ្រឿង ម៉ាកហុងដាទ្រីម C125 ពណ៌ខ្មៅ សេរី២០១៣ ពាក់ស្លាក លេខសៀមរាប 1B-9986 ខូចខាតផ្នែកខាងក្រោយ, របើកស័ង្កសី ដំបូលយ៉ាកផ្ទះ ២សន្លឹក, បែកថ្មសាបមុខផ្ទះ ក្រហូងដី។ ក្នុងហេតុការណ៍ខាងលើមិនបណ្តាលឲ្យមានរបួសដល់មនុស្សទេ។
យោងតាមការសន្និដ្ឋានរបស់សមត្ថកិច្ចជំនាញករណីនេះជារឿងគំនុំ ព្រោះបំផ្ទុះរំសេវក្នុងគោលបំណងបង្ករបួសដល់ម្ចាស់ផ្ទះ។
បច្ចុប្បន្នកម្លាំងជំនាញកំពុងស្វែងរកជនល្មើស ដើម្បីយកមកផ្តន្ទាទោសតាមផ្លូវច្បាប់ ៕
![]()
![]()
![]()