បុរសញៀនថ្នាំប្រច័ណ្ឌប្រពន្ធ ទាយកាំបិតប៉័ងតោកាប់ ប្រពន្ធស្លាប់ ហើយអាកខ្លួនឯង តែមិនស្លាប់!

ខេត្តបាត់ដំបង៖ភ្លើង ប្រច័ណ្ឌបុរសញៀនថ្នាំម្នាក់យកកាំបិតប៉័ងតោកាប់ប្រពន្ធស្លាប់ក្នុងថ្លុក ឈាមរួចសម្រេចចិត្តអាកខ្លួនឯង ប៉ុន្តែមិនស្លាប់ ដោយមានអ្នកជិតខាងជួយទាន់។ហេតុការណ៍នេះបានកើតឡើងនៅ វេលាម៉ោង ១ និង៣០នាទី រំលង អាធ្រាត្រ ថ្ងៃទី ៣១ សីហាឆ្នាំ ២០១៧  នៅចំណុចក្រុមទី២២ ភូមិច្រាបក្រសាំង សង្កាត់វត្តគរ ក្រុងបាត់ដំបងខេត្តបាត់ដំបង។
ប្រភពព័ត៌មានបានអោយដឹងថាក្រោយទទួលបានដំណឹងនេះ លោកវរសេនីយ៍ទោ  ប៉ាង ហៀង អធិការនគរបាលក្រុង បាត់ដំបង និង លោកអនុសេនីយ៍ឯក ដាំ មករា អធិការរងទទួលយុត្តិធម៏ បានដឹកនាំកម្លាំងចុះទៅដល់ ទីតាំងកើតហេតុភ្លាមៗផងដែរ។
លោកវរសេនីយ៍ទោ  ប៉ាង ហៀង អធិការនគរបាលក្រុងបាត់ដំបង ប្រាប់  អោយដឹងថា ស្ត្រីជនរងគ្រោះ ឈ្មោះ ឌុង សាវ័ន អាយុ២៧ឆ្នាំ មានទីលំនៅកន្លែងកើតហេតុខាងលើ (ស្លាប់នៅកន្លែងកើត ហេតុ)។ ចំណែកបុរសសង្ស័យ ជាប្តី ឈ្មោះ ស្រ៊ុន គឹមជូ អាយុ ៣៣ឆ្នាំ មុខរបរកាប់ ជ្រូកលក់ ទីលំនៅក្រុមទី២២ រស់នៅភូមិច្រាបក្រសាំង ក្រុង / ខេត្តបា ត់ដំបង (របួសធ្ងន់ត្រង់កមុខក្រោយ)ដឹកមក សង្គ្រោះនៅមន្ទីរ ពេទ្យពពីរ នៃភូមិភាគ៥ ខេត្តបាត់ដំបង។
សមត្ថកិច្ចបញ្ជាក់ថា ករណីនេះកើតឡើងដោយសារ បុរសជាប្តីប្រច័ណ្ទប្រពន្ធ និងជាមនុស្ស ញៀនថ្នាំ ញៀនទៀតផង មុនពេលកើតហេតុប្តី បានឈ្លោះគ្នាជាមួយជនរងគ្រោះ បន្ទាប់មកបុរសជាប្តី បានយក កាំបិតបុ័ងតោ កាប់ទៅលើជនរងគ្រោះ (ប្រពន្ធ)បណ្តាលឲ្យស្លាប់ភ្លាមៗ នៅក្នុងថ្លុកឈាមនៅ និងផ្ទះ តែម្តងរួចបានយកកាំបិទនោះអារកខ្លួនឯងតែមិនស្លាប់គ្រានតែរបួសធ្ងន់។
សមត្ថកិច្ចបញ្ជាក់បន្ថែមទៀតថា ជនសង្ស័យ (ប្តី)ធ្លាប់ប្រើប្រាស់អំពើហិង្សាក្នុងគ្រួសារជាញឹកញាប់ផង ដែរ។