មន្ត្រីខ្មែរព្រមទទួលយកអាណិកជនខ្លួនឯងពីអាមេរិក ត្រឡប់មកប្រទេសកម្ពុជា ដើម្បីជាថ្នូរនិងការផ្តល់ទិដ្ឋាការជូន រដ្ឋមន្ត្រីក្រសួងការបរទេសខ្មែរ អាចចេញចូលប្រទេស អាមេរិក បាន
ភ្នំពេញ ៖ នៅព្រឹកថ្ងៃទី១៤ កញ្ញា ២០១៧ នេះ លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា បានលើកឡើងថា កម្ពុជាសម្រេចបន្តទទួលយកជនជាតិកម្ពុជា ដែលបញ្ជូនមកពីសហរដ្ឋអាមេរិកវិញ ទៅតាមអនុស្សារណៈនៃការយោគយល់គ្នា (MoU) ចេញកាលពីឆ្នាំ២០០២ ដោយអនុញ្ញាតឲ្យសហរដ្ឋអាមេរិក និរទេសជនជាតិខ្មែរ ដែលត្រូវបានកាត់ទោសពីបទឧក្រិដ្ឋនៅអាមេរិកត្រឡប់មកកម្ពុជាវិញ។
ការលើកឡើងរបស់លោក ប្រាក់ សុខុន នាព្រឹកព្រហស្បត្តិ៍នេះ ធ្វើឡើងបន្ទាប់ពីស្ថានទូតសហរដ្ឋអាមេរិកប្រចាំកម្ពុជា កាលពីថ្ងៃទី ១៣ ខែកញ្ញា ឆ្នាំ២០១៧ ប្រកាសផ្អាកផ្តល់ទិដ្ឋាការប្រភេទមិនមែនអន្តោប្រវេសន៍ ដល់មន្ត្រីជាន់ខ្ពស់នៃក្រសួងការបរទេសកម្ពុជា ។ ការផ្អាកនេះ ស្របពេលដែលសហរដ្ឋអាមេរិក បានប្រកាសរឹតបន្តឹង ក្នុងការផ្តល់ទិដ្ឋាការដល់ប្រទេសចំនួន៤ ក្នុងនោះមានកម្ពុជាផងដែរ កាលពីពេលថ្មីៗនេះ ។
បើតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំនៅកម្ពុជា នៅថ្ងៃទី១៣ ខែកញ្ញា ២០១៧នេះ អោយដឹងថា ចាប់ពីថ្ងៃទី១៣កញ្ញា នេះតទៅ ស្ថានទូតសហរដ្ឋអាមេរិកប្រចាំទីក្រុងភ្នំពេញ នឹងផ្អាកលែងចេញទិដ្ឋាការប្រភេទ B1 ប្រភេទ B2 និងប្រភេទ B1/B2 (ទិដ្ឋាការទេសចរ និងអ្នកធ្វើដំណើរបំពេញការងារជាដើម) ដល់មន្ត្រីនៃក្រសួងការបរទេសកម្ពុជាដែលមានតួនាទីចាប់ពីថ្នាក់អគ្គនាយករហូតដល់ថ្នាក់ដឹកនាំកំពូល(រដ្ឋមន្ត្រី)នៃក្រសួងនេះ ។ មិនត្រឹមតែប៉ុណ្ណោះ ប្រទេសមហាអំណាចមួយនេះ ក៏ផ្អាកផ្តល់ទិដ្ឋាការប្រភេទដូចគ្នានេះដែរ ចំពោះក្រុមគ្រួសាររបស់មន្ត្រីទាំងនោះផងដែរ ។
ក្នុងការសុំឲ្យអោយសហរដ្ឋអាមេរិក ដកនូវបំរាមដល់មន្ត្រីក្រសួនការបទេសកម្ពុជា ដោយមានការ ចុះអនុស្សារណៈយោគយោគយល់ ក្នុងការបញ្ជូនឧក្រិដ្ឋជនកម្ពុជា ដែលបានប្រព្រឹត្តល្មើសលើ ទឹកដីសហរដ្ឋអាមេរិក មកកម្ពុជាជាវិញ ។
ជាទស្សនៈ របស់ផ្ទាល់ខ្លួនរបស់លោក ជូ ជុងងឺ មេធាវីរបស់គណបក្សសង្គ្រោះជាតិ បានសរសេរ នៅលើបណ្តាញទំនាក់ទំនងសង្គមហ្វេសប៊ុក ថាៈបើដើម្បីប្រយោជន៍ជាតិ គឺជាការប្រសើរ ប៉ុន្តែប្រសិនបើដើម្បីអាមេរិកយល់ព្រមផ្តល់ទិដ្ឋាការដល់មន្ត្រីក្រសួងការបរទេស និងក្រុមគ្រួសារ បានទៅអាមេរិក នោះគឺជាគំនិតទុច្ចរិត គិតពីប្រយោជន៍ផ្ទាល់ខ្លួន និងបក្សពួក។
ចំពោះស្ថានភាពនយោបាយក្នុងការទំនាក់ទំនង រវាងកម្ពុជា និង សហរដ្ឋអាមេរិក ហាក់ដូចជា បានបោះជំហ៊ានដើរចេញពីគ្នា បន្តិចម្តង ។ សហរដ្ឋអាមេរិក គ្រាន់ផ្អាកផ្តល់ទិដ្ឋាការដល់មន្ត្រី ក្រសួងការបរទេសកម្ពុជា បានធ្វើឲ្យមន្ត្រីធំៗមួយចំនួន មានការព្រួយបារម្ភយ៉ាងខ្លាំង ដោយសារ មានមន្ត្រីខ្លះ មានសាច់ញាតិ ឬ គ្រួសារ កំពុងតែរស់នៅឯប្រទេសអាមេរិក ៕
![]()
![]()
![]()