ឃាត់ខ្លួនជនសង្ស័យម្នាក់ពាក់ព័ន្ធករណីគ្រឿងញៀនបញ្ជូនទៅតុលការ!

ព្រៃវែង៖រត់រឺម៉កកង់បីមិនសូវបានលុយចង់មានឆាប់ពេកបែកគំនិតលក់ថ្នាំញៀនត្រូវបានសមត្ថិច្ចឃាត់ខ្លួនបញ្ជូនទៅដេកគុក។
យោងតាមរបាយការណ៍សមត្ថកិច្ចកងរាជអាវុធហត្ថបានអោយដឹងថា៖
នៅវេលាម៉ោង១៤:២០ នាទី ថ្ងៃទី១៤ ខែកញ្ញា ឆ្នាំ២០១៧ កំលាំងមន្ទីរយុត្តិធម៌កងរាជអាវុធហត្ថខេត្តព្រៃវែង បានចុះបង្រ្កាបករណីរជួញដូរ គ្រឿងញៀននៅចំនុចរង្វង់មូលក្បាលស្ពានអ្នកលឿងត្រើយខាងកើតស្ថិតក្នុងភូមិ០១ ឃុំព្រែកខ្សាយ(ខ) ស្រុកពាមរក៏ ខេត្តព្រៃវែង។ឃាត់ខ្លួនជនសង្ស័យម្នាក់ ឈ្មោះ គួយ ដន ភេទប្រុស អាយុ៣៤ ឆ្នាំ មុខរបរ រត់រឺម៉កកង់បី ស្រុកកំណើត ភូមិជង្រុះ ឃុំរំចេក ស្រុកព្រះស្ដេចខេត្តព្រៃវែង បច្ចុប្បន្នស្នាក់ផ្ទះជួលសង្កាត់ចាក់អង្រែក្រោម ខណ្ឌមានជយ័ រាជធានី ភ្នំពេញ។
ចាប់យកវត្ថុតាងរួមមាន៖
១-ម្សៅក្រាម០១ កញ្ចប់ ទម្ងន់ 4.56 ក្រាម
២-ទូរស័ព្ទ០១ គ្រឿង។
បច្ចុប្បន្នជនសង្ស័យរួមនិងវត្ថុតាងត្រូវបានបញ្ជូនមកបញ្ជាការដ្ឋានកងរាជអាវុធហត្ថខេត្តដើម្បីកសាងសំណុំរឿង និងបញ្ជួនទៅសាលាដំបូងខេត្តដើម្បីចាត់ការតាមនិតិវិធី៕