ជនជាតិចិន ៥០នាក់ ត្រូវនគរបាលឃាត់ខ្លួន ពាក់ព័ន្ធគ្មានលិខិតឆ្លងដែន និងចាប់ជំរិតតាមប្រព័ន្ធអ៊ីនធើណិត(VOIP)

ភ្នំពេញ ៖កម្លាំងការិយាល័យគ្រប់គ្រងជនបរទេស នៃស្នងការដ្ឋាននគរបាលរាជធានីភ្នំពេញសហការជាមួយនាយកដ្ឋានស៊ើបអង្កេត និងអនុវត្តនីតិវីធី នៃអគ្គនាយកដ្ឋាអន្តោប្រវេសន៍ អាជ្ញាធរមូលដ្ឋានខណ្ឌចំការមនដែលដឹកនាំដោយលោក សៀង សុខ ព្រះរាជអាជ្ញារងនៃអយ្យការរងអមសាលាដំបូងរាជធានីភ្នំពេញ បានធ្វើការឃាត់ខ្លួន ជនជាតិចិន ៥០នាក់ ពាក់ព័ន្ធគ្មានលិខិតឆ្លងដែន និងចាប់ជំរិតតាមប្រព័ន្ធអ៊ីនធើណិត(VOIP)។
ប្រតិបត្រការនេះធ្វើឡើងនៅវេលាម៉ោង ១០និង៣០នាទីថ្ងៃទី១៦ ខែកញ្ញា ឆ្នាំ២០១៧ ។
សមត្ថកិច្ចបានឲ្យដឹងថា៖កម្លាំងសមត្ថកិច្ចបានចុះត្រួតពិនិត្យជនបររទេស ដែលលួចឆ្លងដែន និងកំពុងលួចស្នាក់នៅគ្មានលិខិតឆ្លងដែន និងចាប់ជំរិតតាមប្រពន្ធ័ អុិនធឺណិត(VIOP) នៅទីតាំងចំនួន ០៣ គោលដៅ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

លោកវរសេនីយ៍ត្រី អ៊ា ភក្តី នាយរងការិយាល័យគ្រប់គ្រងជនបរទេសបានឲ្យដឹងថា បានពិនិត្យឃើញជនបរទេស ជនជាតិ ចិនចំនួន ៥០នាក់ ស្រី ៧នាក់ ត្រូវបានបញ្ជូនទៅអគ្គនាយកដ្ឋានអន្តោប្រវេសន៍ដើម្បីបន្តនីតិវិធី ៕