គណបក្សសង្គ្រោះជាតិ បានបើកយុទ្ធនាការជាទ្រង់ទ្រាយធំ ធ្វើការតស៊ូមតិ
ភ្នំពេញៈ នៅខែ កញ្ញា ឆ្នាំ ២០១៧ ក្រោយពីចាប់ លោក កឹម សុខា ប្រធានគណបក្សសង្គ្រោះជាតិ ហើយតុលាការសម្រេចឃុំខ្លួនបណ្តោះអាសន្នក្នុងពន្ធនាគារមក សមាជិក សមាជិកា របស់ គណបក្សប្រឆាំង ធ្លាប់មានកំលាំងសាច់ដុំចូលរួមប្រគួតជាមួយ ដៃគូររបស់ខ្លួន ជាគណបក្សប្រជាជនកម្ពុជា ដែលធ្វើឲ្យគណបក្សប្រជាជនកម្ពុជា ព្រួយបារម្ភ ខ្លាចចាញ់គូរប្រគួតស្ទើរតែដេកមិនលក់នោះ បានរៀបចំយុទ្ធនាការដ៏ធំ ដោយលើកស្លាក គ្រប់ខេត្តទាំងអស់ ដោយស្នើសុំដោះលែងលោក កឹម សុខា ប្រធានគណបក្សសង្គ្រោះជាតិ នៅតាមផ្លូវធំ ផ្លូវកែង ច្រក តូច តាច ក៍គេបានឃើញនូវសារនេះដែរ ។
ក្នុងខណៈពេលស្ថានភាពនយោបាយតានតឹង ហើយមេបក្សរបស់គណបក្សប្រឆាំង ត្រូវបានតុលាការ សម្រេចឃុំខ្លួននោះ ខាងសមាជិកសមាជិកា ដូចជាមិនមានការខ្លាចអ្វីឡើយ ។ សមាជិក របស់គណបក្ស សង្គ្រោះជាតិ ដែលកំពុងតែលើកស្លាក ទាមទារសុំឲ្យដោះលែង លោក កឹម សុខា ដោយពួកគាត់បានអះ អាងថាៈ លោក កឹម សុខា មិនមានកំហុសទេ សម្តីរបស់គាត់ដែលបាននិយាយនោះ ជាសម្តីនិងជាយុទ្ធ សាស្ត្រ ក្នុងការបញ្ចេញមតិ ដែលស្របទៅតាមប្រទេសកាន់ លទ្ធិប្រជាធិបតេយ្យ ។
លោក សុខ ឥសាន្តធ្លាប់បានផ្តល់បទសំភាសន៍ជាមួយវិទ្យុបរទេស ដោយមានប្រសាសន៍ថាៈគណបក្សនេះ កំពុងតែដើរជាប់ជុច” ។
លោក សុន ឆ័យ អ្នកតំណាងរាស្ត្រគណបក្សសង្គ្រោះជាតិ បានឆ្លើយតបភ្លាមថា” ការលើកស្លាក បដា ស្នើ សុំឲ្យដោះលែងលោក កឹម សុខា ជាការបញ្ចេញមតិ មនុស្ស មិនមែនជាសត្វដើរទៅជាប់ជុចនោះទេ ។
ក្នុងប្រទេសកម្ពុជា មានគណបក្សធំៗពីរ ដែលកំពុងតែប្រគួតប្រជែងគ្នា គណបក្សប្រជាជនកម្ពុជាជាបក្ស កាន់អំណាច ហើយជាម្ចាស់ខ្សែក្រវ៉ាត់ ហើយចំណែកគណបក្សសង្គ្រោះជាតិជាអ្នកចូលប្រគួតយកខ្សែ ក្រវ៉ាត់ ។ នៅក្នុងឆ្នាំ២០១៨ ខាងមុខនេះ នឹងមានការប្រគួតប្រជែងដ៏ធំមួយ ដែលក្នុងរយៈពេល ៥ ឆ្នាំម្តង ។ ក្នុងការលើកបដា ស្នើសុំឲ្យមានការដោះលែងលោក កឹម សុខា ជាចលនាចាប់ផ្តើមទៅមុខ ហើយបាន ទាក់ទាញបេះដូងប្រជាពលរដ្ឋ ដែលបានធ្លាប់គាំទ្រ ហើយបដានោះ ក្លាយជាចំណុចទាក់ទាញយ៉ាងខ្លាំង ក្នុងពេលបោះឆ្នោតខាងមុខ ៕
