លោក ង៉ោ ម៉េនជ្រួន បានយកលេសគ្រប់បែបយ៉ាង ដើម្បីវាយប្រហារស្ត្រីជាប្រធានក្រុមប្រឹក្សា សង្កាត់ផ្សារកណ្តាល ក្រុងប៉ោយប៉ែត !

បន្ទាយមានជ័យៈ កាលពីថ្ងៃទី ០៤ ខែ កញ្ញា ឆ្នាំ២០១៧ មានកិច្ចប្រជុំគណអភិបាលក្រុងប៉ោយ ប៉ែត ដែលមានការចូលរួមគ្រប់សមាសភាពទាំងអស់ រួមទាំងចៅសង្កាត់ពីរមកពីគណបក្ស សង្គ្រោះ ក៏បានចូលរួមដែរ ។ នៅក្នុងអង្គប្រជុំអ្នកស្រី ឃុន ចន្ទី បានលើកអំពីបញ្ហាសំណូមពរ របស់ប្រជាពលរដ្ឋ នៅក្នុងសង្កាត់ ដាក់ជូនអង្គប្រជុំ តែត្រូវបានលោក ង៉ោ ម៉េនជ្រួនជាអភិបាល មិនបានយកត្រចៀក ស្តាប់ឡើយ បែរទៅជាស្តីបន្ទោសអ្នកស្រី នៅក្នុងអង្គប្រជុំទៀតផង ។

បើតាមសំដីអ្នកដែលបានចូលរួមក្នុងអង្គប្រជុំនោះ បាននិយាយថាៈ អ្នកស្រី ឃុន ចន្ទី លើកបញ្ហា ជាសំណូមពររបស់ប្រជាពលរដ្ឋនៅក្នុងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមាន ជ័យ តែលោកអភិបាលក្រុងប៉ោយប៉ែត លោក ង៉ោម៉េងជ្រួន មិនបានយកចិត្តទុកដាក់អំពីផល លំបាករបស់ប្រជាពលរដ្ឋទេ បែរទៅជាស្តីបន្ទោសអ្នកស្រីខ្លាំងៗ ហាក់ដូចជាចាត់ទុកថា អ្នកស្រី ជាសត្រូវរបស់ខ្លួន ។ ដោយសារតែសំណូមពររបស់អ្នកស្រី មិនត្រូវបានលោកអភិបាលក្រុងស្តាប់ នោះ ទើបអ្នកស្រី បានក្រោកចេញពីសាលប្រជុំត្រឡប់មកសង្កាត់វិញ ។នេះ ជាលើកទី២ ហើយ ដែលលោក អភិបាលក្រុងប៉ោយប៉ែត បានធ្វើទុក្ខបុម្នេញដល់ចៅសង្កាត់ផ្សារកណ្តាលជាស្ត្រី កូតា គណបក្សសង្គ្រោះជាតិ ។

នៅក្នុងបណ្តាញទំនាក់ទំនងសង្គម ដែលមានអាខោន សុខ ពេញណន បានសរសេរថាៈក្តៅ-ក្តៅ លោក ង៉ោ ម៉េងជ្រួន អភិបាលក្រុងប៉ោយប៉ែត បណ្តេញចៅសង្កាត់ទំនើង ចេញពីអង្គប្រជុំ ក្រុមប្រឹក្សាក្រុង(ក្រុងប៉ោយប៉ែត), ក្រោយពីមានការលើកឡើងរបស់អង្គក្រុមប្រឹក្សាក្រុង អំពីទង្វើ សកម្មភាព មិនគោរពបទបញ្ជាផ្ទៃក្នុងកិច្ចប្រជុំ របស់លោកស្រីឃុន ចន្ទី ចៅសង្កាត់ផ្សារកណ្តាល ក្នុងកិច្ចប្រជុំក្រុមប្រឹក្សាក្រុងនាថ្ងៃទី០៤ ខែកញ្ញា ឆ្នាំ២០១៧នេះ លោកង៉ោ ម៉េងជ្រួន អភិបាល ក្រុងប៉ោយប៉ែត បានបណ្តេញលោកស្រីឃុន ចន្ទី ចេញពីអង្គប្រជុំក្រុមប្រឹក្សាក្រុងដោយមូលហេតុ មិនគោរពម៉ោងការងារ ចង់ចេញចូលតាមទំនើងចិត្ត ។

ចំណែកប្រជាពលរដ្ឋអ្នកលក់គ្រឿងទេស បាននិយាយថាៈ លោកអភិបាលក្រុង ព្រមមន្ត្រីក្រោម ឱវាទ មានចរិកអន់ណាស់ សូម្បីជាមួយស្រីក៏ឈ្លោះដែរ !  ប្រហែលមានគំនុំដោយសារតែចាញ់ឆ្នោត មើលទៅ ចាំឆ្នាំ២០១៨ ប្រហែលមិនត្រឹមកៅអីទេ សូម្បីតុគ្មានអង្គុយដែរ ។

ចំពោះការចោទប្រកាន់ថា មិនយកចិត្តទុកដាក់ស្តាប់ រវល់តែលេងទូរស័ព្ទនោះ  អ្នកស្រីមិនបានប្រព្រឹត្តដូចគេចោទទេ ដោយចង់បង្ហាញរូបភាព និង ទុក្ខលំបាករបស់ប្រជាពលរដ្ឋបានលើកឡើងប៉ុណ្ណោះ ។ 

ទោះជាឆែកទូរស័ព្ទប៉ុណ្ណឹង មិនគួរណាលោក ង៉ោ ម៉េងជ្រួន ខឹងសម្បារខ្លាំងដែរ មើលកិច្ចប្រជុំនៅខេត្តបន្ទាយមានជ័យ ម្តងៗ តើមានមន្ត្រីណាខ្លះ ស្តាប៉អភិបាលរងខេត្ត ៕