យោធា បើកដៃអោយម៉ូតូក្តៅចេញតាមច្រក របៀងគយបង្រ្កាបយកតែលុយ!
បន្ទាយមានជ័យ៖ ម៉ូតូ PCX ចំនួន២គ្រឿង ត្រូវបានកម្លាំងគយចល័ត របស់ច្រកបឹងត្រកួន ធ្វើិការបង្ក្រាបបាននៅលើផ្លូវជាតិលេខ៥៨ ត្រង់ចំណុច មាត់ ច្រក របៀង ចំការគរ នៅក្នុងភូមិចំការ ឃុំស្វាយចេក ស្រុកស្វាយចេក ខេត្តបន្ទាយមានជ័យទាំងព្រលឹម។
កាលពីវេលា៨និង៤០នាទីព្រឹកថ្ងៃទី ១៥ខែ តុលាឆ្នាំ ២០១៨ នេះ អ្នកសារព័ត៌មាន ខ្មែរជាយដែន បានធ្វើការចុះយក ព័ត៌មានតាមខ្សែរបន្ទាត់ព្រំដែន កម្ពុជា-ថៃ មកដល់ក្នុងភូមិសាស្រ្ត តំបន់៥ ក្នុងឃុំអូរបីជាន់ ស្រាប់តែ
មានសេចក្តីរាយការណ៍ពី ប្រជាពលរដ្ឋ ថា៖ មានម៉ូតូក្តៅ ដែលចោរលួចចេញពីទឹកដីថៃ មកបានចេញតាមច្រករបៀងតំបន់៥ ដែលគ្រប់គ្រងដោយយោធា វរៈកាពារព្រំដែន ៥០៣របស់ លោកឧត្តមសេនិយ៍ ឃួនជឿន ដោយមានការបើកដៃ ពី សមត្ថកិច្ចគយ ខេត្ត ដែលដាក់ប៉ុស្តិ៍នៅក្បែរ រង្វង់មូលអូរបីជាន់។
ពេលនោះគេបានឃើញម៉ូតូម៉ាកCPX ចំនួន២គ្រឿង ដែលមានស៊េរី ទំនើបពណ៌ ស មួយគ្រឿងនិង ពណ៌ខ្មៅមួយគ្រឿងបាន បោះពួយយ៉ាងលឿនចេញពី ច្រករបៀងតំបន់៥ ឆ្ពោះទៅទិសខាងជើងជិះលើផ្លូវជាតិលេខ៥៨
លុះមកដល់ចំណុច ក្បែរមាត់ច្រក ចំការគរ ត្រូវបានកម្លាំងរបស់ សមត្ថកិច្ចគយ ច្រកបឹងត្រកួន ដែលគ្រប់គ្រងដោយលោក ញ៉ឹកប៊ុនឡេង បានស្ទាក់និងបង្ក្រាបបាន។
ទោះជាយ៉ាងណា ប្រជាពលរដ្ឋនៅតំបន់ជាយដែនកម្ពុជា-ថៃ បានបញ្ជាក់ថា៖ដោយសារតែមានការបើកដៃ ពីសំណាក់យោធា ការពារ ព្រំដែន៥០៣ដែលគ្របគ្រងដោយលោកឃួនជឿន ដូចជាច្រករបៀងតំបន់ ៥ ច្រកចំការគរ ជាដើម តែងតែ លួចបង្ហូរចេញនូវទំនិញគេចពន្ធនិងជាប់កម្មសិទ្ធ ពលករឆ្លងដែន និងបង្ហូរចូលវិញនូវទំនិញគេចពន្ធសព្វសារពើររួមមានម៉ូតូក្តៅ ដែលចោរលួចចេញពីទឹកដីថៃ សត្វព្រៃ ជីកសិកម្មនិងអាហារខូចគុណភាពផងដែរ។ពួកគាត់បន្តទៀតថា៖ទោះបីឃើញការបង្ក្រាបទៅម៉ូតូក្តៅតាមច្រករបៀងមែនតែធ្វើឡើងដើម្បីតែផលប្រយោជន៍ប្រាក់ដាក់ហោប៉ៅប៉ុណ្ណោះបើបង់ប្រាក់អោយមួយម៉ោងមិនទាន់គឺគេដោះលែងវិញភ្លាម៕
![]()
![]()
![]()