បន្ទាយមានជ័យ៖ពោះវៀនជ្រូកខូចគុណភាពជិត៨០០គិឡូក្រាមដែលឈ្មួញខិលខុចលួចបង្កប់តាមរទេះដឹកចេញពីផ្សាររោងក្លឿទឹកដីថៃតាមច្រកទ្វារអន្តរជាតិប៉ោយប៉ែតចូលមកកាន់កម្ពុជា ត្រូវបានសមត្ដកិច្ចជលផលបង្ក្រាបសង្ស័យខូចគុណភាពហើយប្រគល់អោយជំនាញតែកាំកុងត្រូលថាមិនខូចទេប្រជាពលរដ្ឋមិនទុកចិត្ត។ 

ការបង្ក្រាបនេះធ្វើឡើងកាលពីវេលាម៉ោង៤និង៤០នាទីល្ងាចថ្ងៃទី១៧ខែតុលាឆ្នាំ២០១៨ នៅត្រង់ចំណុចម្តុំដើមពោធិ៍លាងឡាន  ស្ថិតក្នុងភូមិក្បាលកោះសង្កាត់ប៉ោយប៉ែតខេត្តបន្ទាយមានជ័យ។ ប្រភពព័ត៌មានបានអោយដឹងថា៖នៅវេលាកើតហេតុខាងលើមានរទេះមួយគ្រឿងបានអូសឆ្លងកាត់ពីច្រកទ្វារអន្តរជាតិប៉ោយប៉ែតមកដល់ខមណុចកើតហេតុខាងលើដោយមានការសង្ស័យសមត្ថកិច្ចជលផលក៏បានធ្វើឆែកកេសដែលនៅលើរទេះក៏ប្រទះឃើញពោះវៀននិងគ្រឿងក្នុងជ្រូកដែលសង្ស័យជាអាហារខូចគុណភាពក៏រាយការណ៍បន្តទៅអោយមន្ត្រីជំនាញកាំកុងត្រូល ធ្វើការបង្ក្រាបតែម្តង ។លោកសានវិជ្ជាសារ៉ាវុធ ប្រធានស្នាក់ការ  កាំកុងត្រូលខេត្តបន្ទាយមានជ័យបានប្រាប់អោយដឹងថា៖ដោយសារតែម្ចាស់ភ័យពេកនៅពេកក៏រត់គេចបាត់ព្រោះឃើញសមត្ថកិច្ចឆែកឆេរព្រោះលួចដឹកគេចពន្ធ។ តែបើតាមការត្រួតពិនិត្យតាមផ្នែកបច្ចេកទេសឃើញថា៖គ្រឿងពោះវៀនជ្រូកដែលសមត្ថកិច្ចនេះគឺមិនខូចគុណភាពនោះទេគ្រាន់លួចដឹកគេចពន្ធប៉ុណ្ណោះ។ព្រោះការវេចខ្ចប់ត្រឹមត្រូវហើយក៏គ្មានមន្ថែមសារធាតុគីមីបណ្តាលអោយប៉ះពាល់សុខភាពពលរដ្ឋឡើយ។ហើយពេលនេះលោកកំពុងសុំយោបល់ព្រះរាជអាជ្ញាសិនថាត្រូវអ្វីបន្តទៀត។ទោះជាយ៉ាងណាមជ្ឈដ្ឋាននានានូវតែមិនទុកចិត្តចំពោះមន្ត្រីជំនាញកាំកុងត្រូលច្រកទ្វារអន្តរជាតិប៉ោយប៉ែតនេះឡើយ។ ព្រោះតែកន្លងមកចំណីអាហារខូចគុណភាណដែលឈ្មួញលួចដឹកទៅចែកចាយនៅតាមបណ្តាខេត្តនានានៅពេលដែលសមត្ថកិច្ចចាប់បានភាគច្រើនសុទ្ធតែខូចគុណភាព៕