ប្រជាបលរដ្ឋសំណូមពរអង្គភាពប្រឆាំងអំពើពុករលួយបើកការស៉ើបអង្កេតក្រោយបែកធ្លាយលោក សាន វិជ្ជាសារ៉ាវុធបើកដៃឲ្យឈ្មួញ ដឹកសាច់មាន់ និងឆ្អឹងមាន់និង ប្រហិតហួសការបរិច្ឆេត (ខូចគុណភាព) ចូលកម្ពុជារាប់តោនក្នុង មួយថ្ងៃៗជាថ្នូរនិងលុយក្រោមតុ!
បន្ទាយមានជ័យ៖ ប្រជាពលរដ្ឋក្រុងប៉ោយប៉ែតសូមអំពាវនាវលោក ម៉ក់ពេជ្ជរិទ្ធ អគ្គនាយកនៃអគ្គនាយកដ្ឋានកាំកុងត្រូល និងឯកឧត្តម ឱម យិនទៀង រដ្ឋមន្ត្រីប្រឆាំងអំពើពុករលួយ គួរតែបើកការសើុបអង្កេតទៅសកម្មភាព
ពុករលួយរបស់លោក សាន វិជ្ជាសារ៉ាវុធ ជាបន្ទាន់ផងទាន!ខណៈមានសេចក្តីរាយការណ៍ថាសាច់មាន់ ឆ្អឹងមាន់ កោះមាន់ និងគ្រឿងក្នុងជ្រូក ដែលសង្ស័យថាខូចគុណភាពជាច្រើនតោនបានដឹកតាមរទេះចូលមកកម្ពុជាជារៀងរាល់ថ្ងៃតាមច្រកទ្វារអន្តរជាតិប៉ោយប៉ែតបានដោយរលូន គេមិនដែលឃើញមន្រ្តីជំនាញធ្វើការទប់ស្កាត់នោះទេ ដោយមន្ត្រីជំនាញសាខាកាំកុងត្រួលខេត្តបន្ទាយជ័យគឺស្ថិតនៅក្រោមការ គ្រប់គ្រងរបស់លោក សាន វិជ្ជាសារ៉ាវុធកំពុងតែល្បីល្បាញថាបានឃុបឃិតគ្នាប្រព្រឹត្តអំពើរពុករលួយ យ៉ាងពេញបន្ទុកក្នុងការបើកដៃឲ្យឈ្មួញ ដឹកសាច់មាន់ និងឆ្អឹងមាន់
និង ប្រហិតហួសការបរិច្ឆេត (ខូចគុណភាព) ចូលកម្ពុជារាប់តោនក្នុងមួយថ្ងៃៗដោយមិនខ្វល់អំពីការប៉ះពាល់សុខភាពពលរដ្ឋឡើយ។
ប្រជាពលរដ្ឋដែលរស់នៅក្នុងខេត្តបន្ទាយមានជ័យ គឺកំពុងព្រួយបារម្មណ៍អំពីសុខភាព និងអាយុជីវិតរបស់ពួកគាត់ ខណះដែលគេសង្កេតឃើញថាសព្វថ្ងៃនេះគឺមានការលំហូរចូលសាច់មាន់ សាច់ជ្រូក និងគ្រឿងក្នុង ចូលមកក្នុងប្រទេសកម្ពុជាដោយមិនដែរឃើញមន្ត្រីកាំកុងត្រួលចុះត្រួតពិនិត្យ រឺក៏ធ្វើការឃាត់ឡើយ។ តើអនាគត
ប្រជាជនកម្ពុជា និងអាចប្រឈមទៅនិងជម្ងឺអ្វីខ្លះទៅ បើមន្ត្រីកាំកុងត្រួលមិនខ្វល់ខ្វាយយកចិត្តទុកដាក់ក្នុងការត្រួតពិនិត្យគុណភាព ហើយអង្គុយចាំតែប្រមូលលុយទុកចែកគ្នាធ្វើមានធ្វើបានយ៉ាងដូច្នេះ?
កន្លងទៅថ្មីៗនេះមានប្រព័ន្ធផ្សព្វផ្សាយក្នុងស្រុកជាច្រើនក៏បានចុះផ្សាយពីភាពអសកម្មការងាររបស់លោក សាន វិជ្ជាសារ៉ាវុធ ប្រធានសាខាកាំកុងត្រួលផងដែរថា តាំងតែមកកាន់តំណែងជាប្រធានសាខាកាំកុងត្រួលជំនួសលោក ស៊ាន សុីណាត គឺមិនដែរឃើញធ្វើសកម្មភាពចុះបង្រ្កាបក្រុមឈ្មួញដែលរកសុីដឹកសាច់មាន់ សាច់ជ្រូក គ្រឿងក្នុងជ្រូក ម្តងណាឡើយ គឺមានតែឃុបឃិតគ្នាបើកដៃអោយនាំចូលរាប់តោនក្នុង១ថ្ងៃៗ ជាថ្នូរនិងប្រាក់ទៅវិញ។
តាមប្រភពមួយបានអោយដឹងថា កន្លងទៅថ្មីៗនេះផងដែរលោក សាន វិជ្ជាសារ៉ាវុធ ក៏ត្រូវបានថ្នាក់លើចុះមកស្តីបន្ទោសនិងព្រមានអោយកែចរឹកដឮផងដែរ ក្រោយពីប្រធានកាំកុងត្រួលម្នាក់បានប្រើក្បាច់គុណបក្សពួកនិយម
ដោយដកមន្រ្តីក្រោមឱវាទដែលជាមន្ត្រីក្នុងក្របខ័ណ្ឌអោយទៅដើរទៅត្រួតពិនិត្យរទេះ ហើយជួលសាច់ញាតិរបស់ខ្លួនដែលគ្មានតួនាទីអ្វីសោះ(ពលរដ្ឋធម្មតា) អោយទៅអង្គុយកៅអីក្នុងការិយាល័យធ្វើការជំនួសវិញ។
ប្រភពបន្តថាថ្នាក់លើក៏បានស្តីបន្ទោសផងដែរអំពីភាពអសកម្មការងាររបស់លោក សាន វិជ្ជាសារ៉ាវុធ ក្នុងការបង្រ្កាបបទល្មើសតាំងតែមកកាន់តំណែងជាប្រធានសាខាមក យូៗម្តងគេឃើញអស់លោកមន្ត្រីជំនាញនោះធ្វើជាទៅត្រួតពិនិត្យអាហាខូចគុណភាពនៅក្នុងផ្សារដោយចាប់បានចំណីរអាហារខូចគុណភាពបន្តិចបន្តួចរួចហៅទូរទស្សន៍កាសែតក្នុងស្រុកមកផ្សាយព្រោងព្រាតដើម្បីបង្អួតស្នាដៃអោយមេកើយបានឃើញថាខ្លួនបានប្រឹងប្រែងធ្វើការទប់ស្កាត់បទល្មើសសម្បើមណាស់តែធាតុពិតលួចលាក់ឃុំឃិតបើកដៃអោយចំណីអាហារខូចគុណភាពមានសាច់មាន់សាច់ជ្រូកនិងគ្រឿងក្នុងរួមទាំងប្រហិតគ្រប់ប្រភេទហូរចូលក្នុង១ថ្ងៃរាប់តោន។ដោយមើលឃើញបែបនេះប្រជាពលរដ្ឋក្រុងប៉ោយប៉ែតសូមអំពាវនាវលោក ម៉ក់ ពេជ្ជរិទ្ធ អគ្គនាយកនៃអគ្គនាយកដ្ឋានកាំកុងត្រូល និងឯកឧត្តម ឱម យិនទៀង រដ្ឋមន្ត្រីប្រឆាំងអំពើពុករលួយ គួរតែបើកការសើុបអង្កេតទៅសកម្មភាពពុករលួយរបស់លោក សាន វិជ្ជាសារ៉ាវុធ ជាបន្ទាន់ផងចុះកុំបណ្តែតបណ្តោយអោយលោកប្រធានសាខាកាំកុងត្រូលម្នាក់ជិះសេះលែង
ដៃយ៉ាងដូច្នេះតទៅទៀត៕
![]()
![]()
![]()