សាហាវព្រៃណាស់រំលោភបងស្រី ប្អូនបានឃើញ និងស្រែកខ្លាចធ្វើឲ្យបែកការណ៍ ជនសង្ស័យបានយកខ្នើយ សង្កត់ដង្ហើមបណ្តាលឲ្យស្លាប់ទាំង ២នាក់តែម្តង!
ខេត្តកំពង់ឆ្នាំង ៖ ពិតជា ឈាមស្រែកស្បែកហៅមែនទីបំផុតឃាតកររំលោភសម្លាប់ក្មេងស្រី២នាក់បងប្អូនបង្កើតនៅស្រុកបរិបូរណ៍ខេត្តកំពង់ឆ្នាំងត្រូវសមត្ថកិច្ចជំនាញវែកមុខចាប់ឃាតករបានហើយតាមពិតឪពុកមា និងម្តាយមីងរបស់ក្មេងស្រីរងគ្រោះ មិនពាក់ព័ន្ធនោះទេហើយ ឃាតករដៃឆៅគឺជាអ្នកជិតខាងក្មេងស្រីរងគ្រោះនោះតែម្តង។
លោកឧត្តមសេនីយ៍ទោ ឡុច វណ្ណារ៉ា ស្នងការនគរបាលខេត្តកំពង់ឆ្នាំង បានបញ្ជាក់ប្រាប់ នៅរសៀលថ្ងៃទី២១ ខែតុលានេះថា ជនដៃដល់ ដែលសម្លាប់ក្មេងស្រីបងប្អូនបង្កើត ២នាក់ នៅស្រុកបរិបូរណ៌ ខេត្តកំពង់ឆ្នាំង ត្រូវបានកម្លាំងនគរបាល ឃាត់ខ្លួនបានហើយ បន្ទាប់ពីការសួរនាំរយៈពេល ២ថ្ងៃ។ លោកស្នងការបានបន្តថា ការសម្លាប់ក្មេងស្រីទាំង ២នាក់នេះ បានកើតឡើងពីករណីរំលោភ ហើយសម្លាប់ចោលតែម្តង។
ជនដៃដល់មានឈ្មោះ ឆុំ ពយ គឺជាអ្នកជិតខាងក្មេងស្រីរងគ្រោះ។ ជនសង្ស័យរូបនេះ បានឡើងទៅរំលោភក្មេងស្រីជាបង តែខណៈនោះ ក្មេងស្រីជាប្អូនបានឃើញ និងស្រែក ហើយដោយសារខ្លាចធ្វើឲ្យបែកការណ៍ ជនសង្ស័យបានយកខ្នើយ សង្កត់ដង្ហើមបណ្តាលឲ្យស្លាប់ទាំង ២នាក់ភ្លាមៗ។
លោកបន្តថា ពីដំបូងជនសង្ស័យ ប្រកែកមិនព្រមសារភាពនោះទេ តែទីបំផុតដោយសារការប្រើប្រាស់ជំនាញ របស់សមត្ថកិច្ចជនសង្ស័យក៏បានសារភាព។ ផ្ទុយទៅវិញ ឪពុកមា និងម្តាយមីងរបស់ក្មេងស្រីរងគ្រោះ មិនពាក់ព័ន្ធនោះទេ។
![]()
![]()
![]()