ចតរថយន្តក្រៅផ្ទះចោរលួចបានដោយសុវត្ថភាព!
ខេត្តបន្ទាយមានជ័យ៖ប្រហែសមិនបានទេស្រុកយើង ឥឡូវសូម្បីរថយន្តកញ្ចាស់ក៏វាមិនលើកលែងដែរស្ងាត់ៗចោរចូលលួចរថយន្តកាមរី១គ្រឿងនៅជាប់ហាងថតរូបមីុមុីយកទៅបានដោយសុវត្តិភាពម្ចាស់ចតនៅក្រៅផ្ទះ។
មានសេចក្តីរាយការណ៍ថា៖រថយន្តCamaryសេរីឆ្នាំ 1993ចង្កូតស្តាំ ពណ៌សំបកឪឡឹក ពាក់ស្លាកលេខ 2A-1703មួយគ្រឿងទុកចោលនៅមុខផ្ទះត្រូវបានចោរចូលលួចយកទៅបាត់ដោយសុវត្តិភាព។លោកវរសេនីយ៍ត្រីយ៉ាន់សុវណ្ណមេបញ្ជាការមូលដ្ឋានកងរាជអាវុធហត្ថក្រុងសិរីសោភ័ណបានប្រាប់ឲ្យដឹងថាបើមើលមើលតាមការ៉ាសុវត្តិភាពរថយន្តដែលបាត់នោះនៅវេលាម៉ោង១យប់ ចូលថ្ងៃទី១០ ខែមករា ឆ្នាំ២០១៨ នៅចំចុណមុខផ្ទះអ្នកលក់បោះពុម្ពនិងលក់ដុំនិងរាយ អាវកីឡាអាវយ៉ឺតនិងសម្ភារៈកីឡាជាប់និងហាងថតរូបម៉ីម៉ីស្ថិតក្នុងភូមិគោដ្ឋានសង្កាត់អូអំបិលក្រុងសិរីសោភ័ណខេត្តបន្ទាយមានជ័យ។
លោកវរសេនីយ៍ត្រីយ៉ាន់សុវណ្ណបានបញ្ជាក់ឲ្យដឹងទៀតថានៅមុនពេលកើតហេតុនោះឈ្មោះញាណ កែវ ប្រុស អាយុ៤៦ឆ្នាំ រស់នៅភូមិសូភីសង្កាត់កំពង់ស្វាយ ក្រុងសិរីសោភ័ណខេត្តបន្ទាយមានជ័យម្ចាស់ហាងលក់ខោអាវបានខ្ចីរថយន្តរបស់ប្អូនថ្លៃម្ចាស់កម្មសិទ្ធិនៅក្នុងកាតគ្រីឈ្មោះសំឌីរស់នៅភូមិកំពងស្វាយសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ យកមកជិះរួចយកមកទុកនៅមុខហាងរបស់ខ្លួន លុះនៅម៉ោង៧យប់ខ្លួនបានចេញពីហាង
និងបានជិះរថយន្តនោះទេហើយម៉ោ១២យប់ខ្លួនបានចូលមកហាងវិញរថយន្តនៅចតនៅមុខហាងដដែល។លោកវរសេនីយ៍ត្រីយ៉ាន់សុវណ្ណបានបញ្ជាក់ឲ្យដឹងទៀតថាលុះព្រឹកបើកទ្វារហាងលក់ឥវ៉ាន់ស្រាប់បាត់រថយន្តតែម្តងបើមើលតាមការា៉សុវត្តិភាពរថយន្តដែលបាត់នោះនៅវេលាម៉ោង១យប់មានចោរមានគ្នាចំនួន៣នាក់បានជិះម៉ូតូមកលួចម្នាក់ចូលលួច២ចាំមើលក្រោយ ។
ពេលដែលលួចបានហើយចោរ២នាក់បានជិះម៉ូតូចេញទៅតាមផ្លូវផ្សារសិរីសោភ័ណចំណែកចោរម្នាក់ទៀតចូលជិះរថយន្តចេញតាមក្រោយទៅបាត់ដោយសុវត្តិភាពផងដែរ។លោកវរសេនីយ៍ត្រីយ៉ាន់សុវណ្ណបានបញ្ជាក់ឲ្យដឹងទៀតថាក្រោយពីកើតហេតុរួចហើយសមត្ថកិច្ចកំពង់ដុតដៃដុតជើងស្វែងរកចោរទាំង៣នាក់នោះយកមកផ្តន្ទាទោសទៅតាមច្បាប់ឲ្យទាល់តែបាននៅថ្ងៃខាងមុខនេះ ។
ទោះជាយ៉ាងណាមជ្ឈដ្ឋាននានាលើកលើងថាប្រហែសមិនបានទេស្រុកយើងឥឡូវសូម្បីរថយន្តកញ្ចាស់ក៏វាមិនលើកលែងដែរ៕
![]()
![]()
![]()