បន្ទាយមានជ័យ៖  ដូចពាក្យចាស់មួយឃ្លាបានចែងថា៖ ត្រីមួយកន្ត្រក ស្អុយ១ ស្អុយទាំងអស់ យ៉ាងណាមិញ កម្លាំងនគរបាល ជាតិ បានបូជាកម្លាំងកាយចិត្ត ដើម្បីជាតិមាតុភូមិជាពិសេសប៉ូលិស ចរាចរណ៍ខេត្តបន្ទាយមានជ័យ តែម្តង។ដោយបានតស៊ូ ឈរហាលខ្យល់ហាលថ្ងៃដោយមិនបានសំរាកបើទោះបីជា មានពិពីបុណ្យទានក៏ដោយតែការលះបង់នេះបែជាត្រូវបានមជ្ឈដ្ឋានខ្លះរិះគន់ថាធ្វើឡើងដើម្បីតែប្រយោជន៍ពោលគឺប្រាក់ដាក់ហោប៉ៅប៉ុណ្ណោះ។

 ប្រភពព័ត៌មាន  បានរាយការណ៍អោយ អ្នកសារព័ត៌មានខ្មែរជាយដែនអោយដឹងថា៖ ក្នុងកំឡុងពេលបុណ្យទាននេះគេសង្កេតឃើញថា៖ កម្លាំងនគរបាលចរាចរណ៍ខេត្តបន្ទាយមានជ័យចែកចាយកម្លាំងដាក់ប៉ុស្តិ៍ត្រួតពិនិត្យស្ទើរគ្រប់ទិស ដើម្បីការពារសណ្តាប់ធ្នាប់  គោលដៅខាងលិចស្ពានទឹកថ្លា គោលដៅខាងត្បូង ក្បែរមន្ទីរសុខាភិបាល  គោលដៅខាងកើត ស្ពានសាលាក្រៅ  តែអ្វីដែលគួរអោយកត់សម្គាល់នោះគឺ គេឃើញតែកាក់រថយន្តតូចធំដើម្បីទារប្រាក់ប៉ុណ្ណោះគឺមិនបានរឹតបន្តឹងច្បាប់ចរាចរណ៍អ្វីនោះទេ។  គឺអោយតែហុចលុយអោយរថយន្តតាក់ស៊ីចង់ដឹកសំពីងសំពោងយ៉ាងណាក៏អត់បញ្ហាដែរហើយដែលទង្វើរទាំងនេះហើយទើបបានជាជះក្លិនមិនល្អប៉ះពាល់ដល់មន្ត្រីល្អៗជាច្រើនទៀតគេលះបង់បំរើរពលរដ្ឋដោយស្មោះនោះ។ពាក់ព័ន្ធបញ្ហានេះដែរមជ្ឈដ្ឋាននានាបានលើកឡើងថា៖តាមពិតទៅគេឃើញថាសមត្ថកិច្ចពិតជាមាននការលះបង់ខ្ពស់ណាស់សំរាប់ជាតិនិងមាតុភូមិដោយសុខចិត្តលះបង់សេចក្តីសុខផ្ទាល់ខ្លួនដើម្បីការពារសន្តិសុខនិងសណ្តាប់ធ្នាប់ពលរដ្ឋតែដោយសារទង្វើរពុករលួយរបស់មន្ត្រីចរាចរណ៍ខិលខូចក្នុងខេត្តបន្ទាយមានជ័យមួយចំនួនដែលដាក់ប៉ុស្តិ៍ត្រួតពិនិត្យតែលុយមិនគិតថ្ងៃបុណ្យជាតិក៏ឆ្លៀតសង្កត់ករាស្ត្រមិនលើកលែងនេះបានធ្វើអោយជះក្លិនមិនល្អដល់មន្ត្រីល្អជាច្រើនទៀតនៅក្នុងស្នងការនវដែលលោកអាត់ខែមគួរតែដុុះក្លែលចេញម្តងហើយ៕