កាំកុងត្រូលចាប់បានសាច់មាន់មួយរទេះរួចដោះលែងវិញពលរដ្ឋសង្ស័យថា៖មានអំពើរពុករលួយ!
បន្ទាយមានជ័យ៖ ពិតជារឿងមួយដ៏គួរអោយ ហួសចិត្តមែនទែនខណះដែលគ្រឿងក្នុងមាន់ ស្លាបមាន់ ព្រមទាំង ប្រហិត ជាច្រើនតោនដែលក្រុមឈ្មួញបានដឹកតាមរទេះចេញពីប្រទេសថៃចូលមកកម្ពុជា តាមច្រកទ្វាអន្តរជាតិប៉ោយប៉ែត ត្រូវបានលោក សាន វិជ្ជាសារ៉ាវុធ ប្រធានសាខាកាំកុងត្រូលខេត្តបន្ទាយមានជ័យ បានត្រឹមតែធ្វើកិច្ចសន្យាហើយដោះលែងវិញ ដែលគេសង្ស័យថា៖មានអំពើរពុករលួយនៅពីក្រោយនៃរឿងនេះ។
ប្រភព ព័ត៌មានបានរាយការណ៍ ពីសកម្មភាព នៃដឹកជញ្ជូនសាច់មាន់ឆ្អឹងមាន់គ្រឿងក្នុងមាន់ សាច់ជ្រូកពោះជ្រូក ខូចគុណភាព ក្រោមការបើកភ្លើងខៀវពីសំណាក់ មន្ត្រីជំនាញ នៅតែបន្តហូរចូលតាមច្រកទ្វារ អន្តជាតិប៉ោយប៉ែតក្នុងមួយថ្ងៃៗរាប់តោន ដោយគ្មានការទប់ស្កាត់ឡើយ។ អំពើរ ពុករលួយនេះត្រូវបានគេមើលឃើញយ៉ាងច្បាស់ដោយសារតែការអនុវត្តន៍របស់ មន្ត្រីជំនាញ នេះអនុវត្តន៍តាមរបៀបអោយលុយគឺមិនខូចគុណភាព តែមិនអោយលុយគឺខូចគុណភាពហើយ។
ជាក់ស្តែងនៅវេលាម៉ោងជាង១១និង៤០នាទីព្រឹកថ្ងៃទី១ ខែវិច្ឆិកា ឆ្នាំ២០១៨ នេះដោយមានសេចក្តីរាយការណ៍ពីក្រុមអ្នកសារព័ត៌មាន បានប្រាប់ថាមានប្រហិត សាច់មាន់ គ្រឿងក្នុងមាន់ ត្រូវបានគេលួចបង្កប់តាមរទេះចេញពីច្រកទ្វារ អន្តជាតិប៉ោយប៉ែតមកចំនុចផ្ទះសំណាក់ គួង ហាប់ ខាងកើតបេនឡានក្រុង ស្ថិតក្នុងភូមិបាលិលេយ្យ១ សង្កាត់ប៉ោយប៉ែតក្រុងប៉ោយប៉ែត ខេត្តបន្ទាយមានជ័យ។
នៅពេលនោះ សមត្ថកិច្ចជំនាញបានដឹកនាំកម្លាំងចុះទៅចាប់មកដាក់ស្នាក់ការ កាំកុងត្រូល តែអ្វីដែលគេហួសចិត្តនោះគឺនោះរសៀលម៉ោង៤ថ្ងៃដដែលនោះបែរជាមានការដោះលែងទៅវិញដោយលោក សាន វិជ្ជាសារ៉ាវុធ បានអះអាងថា គ្រឿងក្នុងមាន់ ស្លាបមាន់ និងប្រហិតទាំងនោះ គឺមានការវិចខ្ចប់ត្រឹមត្រូវ ដោយឈ្មួញបានខុសត្រង់មិនបានសុំច្បាប់អនុញ្ញាតិ ដឹកជញ្ជួនរឺនាំចូលប្រទេស អោយបានត្រឹមត្រូវ តាមច្បាប់ពាណិជ្ជកម្មតែប៉ុណ្ណោះ។
ទោះជាយ៉ាងណា មជ្ឈដ្ឋាននានាបានលើកឡើងថា៖តាមពិតទៅ មន្ត្រីជំនាញកាំកុងត្រូលនេះគឺជាមិនបានយកចិត្តទុកដាក់ត្រួតពិនិត្យលើចំណីអាហារខូចគុណភាពដើម្បីសុវត្ថភាពចំណីអាហារជូនប្រជាពលរដ្ឋដោយភាពស្មោះត្រង់នោះទេគេគិតតែប្រយោជន៍ផ្ទាល់ខ្លួនដើម្បីបានប្រាក់ដាក់ប៉ៅប៉ុណ្ណោះដូចពាក្យថា បើ អោយលុយ គឺមានគុណភាពបើមិនអោយលុយគឺគេចោទថាខូចគុណភាពហើយ ដោយសារតែភាពពុករលួយនេះទើបមានឈ្មួញខ្លះបានដាក់លក់សាច់មាន់ឆ្អឹង មាន់ខូចគុណភាពពាសពេញនៃក្រុងប៉ោយប៉ែតរហូតមានការឈ្លោះប្រកែកគ្នារវាងអ្នកបង់លុយអោយកាំកុងត្រូលកាងមិនអោយអ្នកដែលមិនបានបង់លុយអោយកាំកុងត្រូលមកលក់ក្នុងផ្សារឡើយ ដោយជេរគ្នាផ្អើលផ្សារតែម្តង។
ជុំវិញបញ្ហានេះពួកគាត់សំណូមពរអោយអង្គភាពប្រឆាំងអំពើរពុករលួយបើកការស៊ើបអង្កេតលើបញ្ហានេះផងទាន៕
![]()
![]()
![]()