លោក អង្គវង្ស វឌ្ឍនា រដ្ឋមន្រ្តីក្រសួងយុត្តិធម៌ សម្លឹងមើលតុលាការ ខេត្តបន្ទាយមានជ័យ

បន្ទាយមានជ័យៈ  ករណីទំនាស់ដីធ្លី ដែលកំពុងនៅកកស្ទះ នៅសាលាខេត្តបន្ទាយមានជ័យ ជិត ៣០០ករណី ដែលមិនទាន់ដោះស្រាយចប់នៅឡើយ ហើយក្នុងអាណត្តិចៅហ្វាយ ខេត្តរូប ដោះស្រាយ បានមួយរឿង ខ្លះរឿងធំ និងខ្លះរឿងតូច ។ ប្រជាពលរដ្ឋតំណាងសហគមន៍រងការចោទប្រកាន់ពីតុលាការ ខេត្តបន្ទាយមានជ័យ រាប់សិបករណី ហើយការចោទប្រកាន់របស់តុលាការគំរូមួយនេះ បែរកំពុងតែត្រូវអ្នកមានលុយមានអំណាចទៅវិញ ។  

អ្នកតំណាងសហគមន៍ដីធ្លី ជាច្រើននាក់ កំពុងតែរង់ការចោទប្រកាន់ ពីសំណាក់តុលាការ ខេត្តបន្ទាយមានជ័យ ដោយសារតែករណីទំនាស់ដីធ្លី អាជ្ញាធរដែនដីមិនមានការដោះស្រាយ ។ ដូចករណីទំនាស់ ដីធ្លីចំណុចភូមិថ្នល់បត់ ឃុំអូរបីជាន់ ស្រុកអូរជ្រៅ និង ភូមិបឹងស្នោរ ឃុំស្លក្រាម ស្រុកអូរជ្រៅ ខេត្ត បន្ទាយមានជ័យ ចំណុចដីតែមួយ ដែលមានទំនាស់អូសបន្លាយពេលជាច្រើនឆ្នាំ  ករណីទំនាស់ ដីធ្លី  បានក្លាយទៅជាការចោទប្រកាន់ ពីបទល្មើសព្រហ្មទណ្ឌ ក្នុងនោះដែរ  ក៍មានតំណាងសហគមន៍ ដូច អ្នកស្រី ឡុង សុគន្ធី ត្រូវបានតុលាការ ធ្វើការចោទប្រកាន់រហូតដល់ ១២ ករណី ហើយនិងសម្រេចឃុំ ខ្លួនបណ្តោះអាសន្ន ២ ករណីទៀតផង ក្នុងនោះមានប្រជាពលរដ្ឋ ១១ នាក់ក៍ត្រូវខបានតុលាការ ខេត្ត បន្ទាយមានជ័យ ក្នុងម្នាក់ៗ ត្រូវបានតុលាការចោទប្រកាន់ ចាប់ ២ ករណីរហូតដល់ ១២ ករណី ។ ចំណែកសហគមន៍ ថ្មពួក សហគមន៍ក្តឹបថ្ម សហគមន៍ ទួលពង្រ សហគមន៍តាគង់ និងតំណាងប្រជា ពលរដ្ឋស្ទឹងបត់ ក្រុងប៉ោយប៉ែត ក៏កំពុងតែរង់ការចោទប្រកាន់ ជាច្រើនករណីដែរ ហើយការចោទ ប្រ កាន់នេះ កំពុងតែកើនឡើងជាលំដាប់ ។

មន្ត្រីអង្គការសង្គមស៊ីវិល បានមានប្រសាសន៍ថាៈ អ្នកមានលុយមានអំណាច តែងតែទទួលបាននូវ ភាពស្របច្បាប់ក្នុងការបំពេញនូវលិខិតផ្សេងៗ ដោយសារតែមន្ត្រីទាំងអស់នោះ ជាគ្នាគេ ចំណែក ប្រជាពលរដ្ឋ​ គ្មានលុយកាក់ គ្មានអំណាចតែងតែទទួលបាននូវភាពអយុត្តិធម៌ ដោយសារតែតុលាការ ចោទប្រកាន់សំអាងទៅលើឯកសារ និងភស្តុតាង តាមពិតប្រជាពលរដ្ឋជាម្ចាស់ដីពិតប្រាកដ ។

ក្រុមអ្នកច្បាប់ និង មេធាវី បានលើកឡើងថាៈ ចំពោះការចោទប្រកាន់ដែល កើតឡើងអំពីទំនាស់ដីធ្លី ជារឿងរដ្ឋប្បវេណី តែការអូសបន្លាយពេលជាយូរឆ្នាំ នឹងមានការកើតឡើងនូវបទល្មើសព្រហ្មទណ្ឌ  ដូចជាៈ បទ ប៉ៈពាល់កម្មសិទ្ធិឯកជន. អ្នកចូលកាន់កាប់ថ្មីលើអចលវត្ថុឯកជន ហិង្សាដោយចេតនា លើ អ្នកកាន់ច្បាប់ស្រប បទបរិហាកេរ្តិ៍ និង បទ មិនអនុវត្តតាមសេចក្តីសម្រេចរបស់ តុលាការ ជាដើម ។

សាលាដំបូង ខេត្តបន្ទាយមានជ័យ ត្រូវបានប្រជាពលរដ្ឋរងការចោទប្រកាន់ បាននិយាយថាៈ ជាឈ្នាន់ សម្រាប់អ្នកមានលុយ និង មានអំណាច ដែលមិនបានផ្តល់យុត្តិធម៌ជូនដល់ពួកគាត់ឡើយ ពួកគាត់ បានសំណូមពរ ដល់សម្តេច តេជោ នាយករដ្ឋមន្ត្រី នៃព្រះរាជាណាចក្រកម្ពុជា  និង លោក អង្គវង្សវឌ្ឍនា រដ្ឋមន្ត្រីក្រសួងយុត្តិធម៌ សូមជួយអន្តរាគមន៍ ដើម្បីទម្លាក់ការចោទប្រកាន់ របស់សាលាដំបូង ខេត្តបន្ទាយមានជ័យ មកលើប្រជាពលរដ្ឋ និងតំណាងសហគមន៍ទាំងអស់ ៕