ឃាត់ខ្លួនជនសង្ស័យពាក់ព័ន្ធនិងគ្រឿងញៀនចំនួន៤នាក់រឹបអូសបានថ្នាំញៀន១២កញ្ចប់!

ខេត្តប៉ៃលិន៖ជន សង្ស័យពាក់ព័ន្ធ  និងគ្រឿង ចំនួន៤នាក់ ត្រូវបានសមត្ថកិច្ច  នគរបាលខេត្តប៉ៃលិន  ឃាត់ខ្លួន  និងរឹបអូស វត្ថុតាង ថ្នាំញៀន-ម្សៅក្រាមព៌ណសថ្លា (ម៉ាទឹកកកICE) ចំនួន១២កញ្ចប់តូច ទំងន់ស្មើនឹង២,៨១ក្រាម បញ្ជូនទៅកាន់តុលាការ។

កាលពីវេលាម៉ោង ១២នឹង០០នាទី ថ្ងៃព្រហស្បតិ៍ ០៨កើត ខែកក្តិត ឆ្នាំច សំរិទ្ធិស័ក ព.ស២៥៦២  ត្រូវនឹងថ្ងៃទី១៥ ខែវិច្ឆកា ឆ្នាំ២០១៨ កម្លាំងជំនាញការិយាល័យប្រឆាំងបទល្មើសគ្រឿងញៀន បានធ្វើការចុះបង្រ្កាបករណីជួញដូរ និងប្រើប្រាស់នូវសារធាតុញៀនខុសច្បាប់មួយកន្លែង ស្ថិតនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

និងឃាត់ខ្លួនបានជនសង្ស័យ ០៤នាក់៖
      ១-ឈ្មោះ តឿ ទី ហៅអាទី ភេទ ប្រុស អាយុ ១៩ឆ្នាំ មុខរបរ រត់ម៉ូតូឌុប
      ២-ឈ្មោះ ផាន់ ឌីន ភេទ ប្រុស អាយុ១៩ឆ្នាំ មុខរបរ កម្មករ
      ៣-ឈ្មោះ ជិន ប្រុស ហៅអាម៉ាប់ ភេទ ប្រុស អាយុ ៣២ឆ្នាំ មុខរបរ សន្តិសុខខារ៉ាអូខេ SENSE
      អ្នកទាំងបីរស់នៅភូមិឃុំកើតហេតុខាងលើ។
      ៤-ឈ្មោះ ឡុក ភីលាភ ភេទ ប្រុស អាយុ ២០ឆ្នាំ មុខរបរ មិនពិតប្រាកដ បច្ចុប្បន្នរស់អូរតាពុកក្រោម សង្កាត់ទួលល្វា ក្រុងប៉ៃលិន ខេត្តប៉ៃលិន។ និងដកហូតបានវត្ថុតាងនឹងសម្ភារៈមួយចំនួនរួមមាន៖
    -ម្សៅក្រាមព៌ណសថ្លា (ម៉ាទឹកកកICE) ចំនួន១២កញ្ចប់តូច ទំងន់ស្មើនឹង២,៨១ក្រាម ថ្លឹងទាំងសំបកថង់ប្លាស្ទិច ។
    -ឧបករណ៍សម្រាប់ជក់ អំពូលទែម៉ូមែត០២ ដែកកេះ០២ ទុយយូ០១ និងកញ្ចប់បារី០២។
     ករណីខាងលើកម្លាំងជំនាញយើងបាននាំខ្លួនជនសង្ស័យមកកាន់ការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តប៉ៃលិនដើម្បីសាកសួរ និងកសាងសុំុំណុំរឿងចាត់ការតាមនិតីវិធីច្បាប់។