លោក ឃួន សៅរុំ អភិបាលស្រុកបរិបូណ៍យកដីស្រែខ្មែរទុកឲ្យយួន ជាថ្នូរ ឲ្យយួនឡើងគោក
កំពង់ឆ្នាំងៈ ប្រជាពលរដ្ឋខ្មែរ នៅក្នុងស្រុកបរិបូណ៍ ដែល មានដីស្រែ ជាប់និងផ្លូវចុះ ទៅបឹងទន្លេសាប កំពុងតែ មានការព្រួយបារម្ភយ៉ាងខ្លាំង ក្នុងការបាត់បង់ដីធ្លី ដែលលោក ចៅហ្វាយស្រុកបរិបូណ៍ បានដកបង្គោលដីស្រែ របស់ពួកគាត់ ដែលធ្លាប់ អាស្រ័យផលរាល់ឆ្នាំ យកដីទៅឲ្យយួនឡើងគោក ។
អ្នកស្រី ឈ្មោះពុត អ៊ូ អាយុ៥០ឆ្នាំ ជាដើមបណ្តឹង បានរៀបរាប់ប្រាប់ថា កាលពីវេលាម៉ោង១០និង២៥នាទីព្រឹក ថ្ងៃទី១៣ ខែវិច្ឆិកា ឆ្នាំ២០១៨ លោកឈុំ សាំ ជំទប់ទី១ឃុំខុនរ៉ង លោកទឹម សុផាត មេប៉ុស្តិ៍ និងលោកកែម ណុំ នាយរងប៉ុស្តិ៍រដ្ឋបាលឃុំខុនរ៉ង បានមកបញ្ជាឱ្យ ប្រជាការពារភូមិ ធ្វើការដកបង្គោលរបងចំនួន១០៤ដើម ដែលព័ទ្ធដីស្រែរបស់ពួកគាត់ ដែលពួកគាត់បានកាប់កាប់អាស្រ័យផលតាំងពីឆ្នាំ១៩៨៩ យកទៅទុកនៅសាលាឃុំ។ មិនតែប៉ុណ្ណោះ លោកជំទប់ទី១ និងលោកមេប៉ុស្តិ៍ បានទាំងយកដីស្រែរបស់ពួកគាត់ ទៅចែកឱ្យប្រជាពលរដ្ឋរស់នៅលើផ្ទះបណ្តែតទឹក ដែលត្រូវអាជ្ញាធរឱ្យឡើងមករស់នៅលើគោក។
ក្នុងស្រុកបរិបូណ៍ ប្រជាពលរដ្ឋ ដែលមានផ្ទៃដីស្រែ ក្នុងតំបន់ ៣ មាន ឃុំត្រពាំងចាន់ ឃុំ ចក ឃុំ ស្វាយ គយ ឃុំ ខុនរ៉ង ឃុំមេលំ .....ជាដើម ដែលអាស្រ័យផលលើដីស្រែនេះ តាំងពីឆ្នាំ១៩៧៩ មក ។ តែថ្មីនេះ ឃុំដែលត្រូវបានលោក ចៅហ្វាយស្រុក ត្រូវអនុវត្តមុនគេ គឺឃុំ ខុនរ៉ង ដែលជាឃុំមានសក្តានុពល ជាងគេ ដែលមានព្រំប្រទល់ជាប់ ឃុំឆ្នុកទ្រូ បឹងទន្លេសាប ។ ក្នុងការបំលាស់ទីលំនៅជនជាតិយួន ចេញពីបឹងទន្លេសាបនេះ អាជ្ញាធរ ដែនដី មិនទាន់បានត្រៀមខ្លួនប្រាណជាមុន សិក្សាអំពីផលប៉ៈពាល់ របស់ប្រជាពលរដ្ឋកម្ពុជានៅឡើយទេ ។ ក្រុមគណកម្មការ ដែលនដឹកនាំដោយ លោក ឃួន សៅរុំ នោះ គឺធ្វើតាមបញ្ជាមេ តៗគ្នា ដូចលោក ឈុំ សាំ ជំទប់ទី១ ឃុំខុនរ៉ង បានដកបង្គោលដីស្រែ ដើម្បី យកដីឲ្យយួននោះ គឺតាមបញ្ជារបស់លោក ឃួន សៅរុំ អភិបាលស្រុកបរិបូណ៍ ។ លោក ឃួន សៅរុំ ធ្វើតាមបញ្ជារបស់មន្ត្រីថ្នាក់លើៗ ដែលបញ្ជាតៗគ្នា ដោយលោក ឃួន សៅរុំ មិនទាំងទាន់បានសិក្សាអំ ពីផលប៉ៈពាល់របស់ប្រជាពលរដ្ឋ ដែលកំពុងតែអាស្រ័យផលដីស្រែរបស់ពួកគាត់ ។ ជនជាតិវៀតណាម (យួន) ទោះបីនៅក្នុងទឹក ឬ លើកគោក ក៍មិនមានបញ្ហាអ្វីដែរ ដោយសារតែជនជាតិមួយនេះ បានបន្សាំ ខ្លួនប្រាណ នៅស្រុកខ្មែរយូរហើយ គ្រួសារខ្លះមានកូនធ្វើជាអភិបាលរងខេត្ត ជាចៅក្រម ជាព្រះរាជអាជ្ញា និងអ្នកខ្លះមានតួនាទីនៅក្នុងជួរយោធា ទៀតផង ។ នៅក្នុងស្រុកបរិបូណ៍ គេឃើញក្រុមជនជាតិ វៀតណាម (យួន)នេះ បានគ្នាជាច្រើន ទៅរស់នៅតំបន់ភ្នំគុក ជាប់ព្រំដែនខេត្តពោធិសាត់ និង កន្លែង កំសាន្ត ច្រកល្អៀង (យោក) ក្នុងទឹកដីខេត្តពោធិសាត់ ក៏ត្រូវបានយួនម៉ៅការផ្តាច់មុខ ទាំងលក់សំបុត្រ និងមិនឲ្យរបស់ហូបចុកចូលទេ តម្រូវឲ្យទិញនៅទីនោះ ។ នៅក្នុងឃុំពន្លៃ ក៏មានយួនកាន់តែច្រើន ឡើងដែរ នៅភូមិកែវឡាត ស្ទើរនិងក្លាយជាភូមិយួនហើយ ។
ប្រជាពលរដ្ឋបានសំណូមពរ សូមឲ្យសម្តេចក្រឡាហោម ស ខេង ជួយអន្តរាគមន៍ ដែលអាជ្ញាធរស្រុក បរិបូណ៌ យកដីស្រែកំពុងតែអាស្រ័យ ទៅឲ្យវៀតណាម(យួន) ថ្នូរនឹងការឡើងមករស់នៅលើគោកនេះ៕
