សង្ស័យចចារគ្នាត្រូវរ៉ូវជាមួយមន្ត្រីជំនាញទើបឈ្មួញហ៊ានសម្រុកដឹកគ្រឿងក្នុងជ្រូកដែលស្ទះនៅក្នុងទឹកដីថៃរាប់តោនចូលតាមច្រកទ្វារអន្តរជាតិប៉ោយប៉ែត!
បន្ទាយមានជ័យ៖នៅព្រឹកថ្ងៃទី៤ខែវិច្ឆិការឆ្នាំ២០១៨ មានសេចក្តីរាយការណ៍ពី ភ្នាក់ងារ សារព័ត៌មានខ្មែរជាយដែនប្រចាំនៅតំបន់ប៉ោយប៉ែតបានអោយដឹងថា៖គ្រឿងក្នុងជ្រូកមានក្រពះពោះវៀនអណ្តាតជាច្រើនតោនដែលឈ្មួញដឹកមកស្តុបទុកនៅក្នុងផ្សាររោងក្លឿ នៃស្រុកអរ័ញ្ញប្រទេសថៃ២ទៅ៣ថ្ងៃដោយចេញមិនរួចព្រោះតែមានអ្នកសារព័ត៌មានមួយក្រុមតាមប្រម៉ាញ់និងរាយការណ៍អោយមន្ត្រីជំនាញនៃច្រកទ្វារអន្តរជាតិប៉ោយប៉ែតបង្ក្រាបនោះសង្ស័យចចារគ្នាត្រូវរ៉ូវជាមួយសមត្ថកិច្ចហើយទើបនៅព្រឹកមិញនេះឈ្មួញខិលខូចទាំងនោះបានអោយរទេះដឹកឆ្លងកាត់ច្រកអន្តរជាតិប៉ោយប៉ែតជាច្រើនរទេះដើម្បីមកលាក់ទុកក្នុងឃ្លាំងមួយនៅក្បែរ សាលាសង្កាត់ ប៉ោយប៉ែត ស្ថិតនៅក្នុងភូមិ មិត្តភាព សង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យដើម្បីចែកចាយបន្តទៅកាន់បណ្តាខេត្តនានា។
ប្រភពបានបន្តអោយដឹងទៀតថា៖ផ្ទះដែលស្តុបគ្រឿងក្នុងជ្រូកនោះត្រូវបានគេស្គាល់ថាជារបស់ឈ្មោះ អេងជាភេទប្រុសជនជាតិខ្មែរ។
នៅពេលដែលស៉ើបបានទីតាំងដែលស្តុបគ្រឿងក្នុងជ្រូកនោះភ្លាមអ្នកសារព័ត៌មានយើងព្យាយាមរាយការណ៍ដោយតេ ទូរសព្ទទៅប្រាប់លោក សានវិជ្ជាសារ៉ាវុធ ប្រធានស្នាក់ការកាំកុងត្រូលខេត្តបន្ទាយមានជ័យដើម្បីអោយមកបង្ក្រាបតែទូរស័ព្ទចូលគ្មានង្នកទទួល។
ទោះជាយ៉ាងណាបើតាមការអោយដឹងពីក្រុមអ្នកអូសរទេះបានប្រាប់ភ្នាក់ងារយើងថា៖ក្នុងការដឹកគ្រឿងក្នុងជ្រូកនេះគឺគេអោយថ្លៃឈ្នួលពួកគាត់ក្នុង១ការ៉ុងប្រហែល៦០គីឡូ តំលៃ៥០បាតដោយមួយរទេះដឹកបាន២៥ការុងក្នុង១ការ៉ុងដោយឈ្មួញប្រាប់ថា៖ពួកគេបានរត់ការបង់លុយកាក់អោយមន្រ្តីជំនាញកាំកុងត្រូលរួចរាល់អស់ទៅហើយ។ក្នុងមួយថ្ងៃនេះគេឃើញមានទេះដឹកគ្រឿងក្នុងជ្រូកនោះចូលចំនួន២រទេះកន្លះសរុបទៅជាង៦០ការ៉ុងប្រហែលជាង៣តោន។ ប្រភពបន្តអោយដឹងទៀតថាមូលហេតុដែលថ្ងៃនេះមានការនាំចូលច្រើនជាងសព្វដងក៏ព្រោះតែ២ទៅ៣ថ្ងៃនេះមានក្រុមអ្នកកាសែតបានប្រម៉ាញ់និងរាយការណ៍អោយជំនាញចាប់ទើបធ្វើអោយឈ្មួញដែលនាំគ្រឿងក្នុងជ្រូកទាំងនេះមិនហ៊ាននាំចូលដោយស្តុបទុកក្នុងផ្សាររ៉ោងក្លឿចំនួន២ទៅ៣ថ្ងៃមកហើយដោយរងចាំសភាពការណ៍ស្ងប់ស្ងាត់និងចចារជាមួយជំនាញរួចរាល់ទើបសម្រុកដឹកចេញតែម្តងទើបមានសភាពច្រើនបែបនេះ។
