មន្ត្រីពន្ធដារខេត្ត បន្ទាយមានជ័យរងការរិះគន់ថាបំរើសេវាមិនបានល្អ!
បន្ទាយមានជ័យ: ស្របពេលដែល រាជរដ្ឋាភិបាល កំពុងតែយកចិត្តទុកដាក់ទៅលើការអនុគ្រោះជូនពលរដ្ឋដោយ សម្រួលការបង់ពន្ធផ្ទេរ អចលនទ្រព្យបន្តគ្នាច្រើនដងប្រថាប់ត្រាតែម្តងប៉ុណ្ណោះគឺរួចរាល់តែប្រជាពលរដ្ឋ រិះគន់ មន្ត្រីពន្ធដា សាខា ខេត្ត បន្ទាយមានជ័យ ថា បំរើសេវាជូនពលរដ្ឋមិនបានល្អ ដោយមានការយឺតយ៉ាវនិងមិនប្រកបដោយក្រមសិលធម៌
ខ្សោយក្នុងការ ទំនាក់ទំនងនិងធ្វើបដិសណ្ឋារកិច្ចធ្វើអោយពួកគាត់អាក់អន់ស្រពន់ចិត្តខណះដែលពួកគាត់យកមកបង់ពន្ធចូលរដ្ឋសោះបែជាមន្ត្រីដែលជាអ្នកបំរើរសេវារដ្ឋនេះមិនចេះទទួលភ្ញៀវ។ប្រជាពលរដ្ឋតែងតែត្អូញត្អែរប្រាប់អ្នកសារព័ត៌មានខ្មែរជាយដែន យើងជាញ៉ឹកញាប់ថា មន្ត្រីពន្ធដារខេត្តបន្ទាយមានជ័យដ៏ល្បីល្បាញខាងប្រើពាក្យសម្តីគំរោះ គំរើយ មកលើពួកគាត់នោះ គេស្គាល់ឈ្មោះថា លោកសឿងសីហា ដែលមានឋានះជា អនុប្រធានមន្ទីពន្ធដាតែម្តង។
ប្រភពបានបន្តអោយដឹងទៀតថា: មន្ត្រីបំរើសេវា រដ្ឋ គួរតែចេះប្រើភាសានិងសំដីទន់ភ្លន់មកលើ ពលរដ្ឋ ព្រោះគាត់មកបំពេញ កតព្វកិច្ចបង់ពន្ធជូនរដ្ឋដែលទង្វើរទាំងនេះវាផ្ទុយទៅហ្នឹងការខិតខំប្រឹងប្រែងរបស់ប្រមុខ រដ្ឋាភិបាលជាពិសេសសម្តេច អគ្គះមហាសេនាបតី តេជោ(ហ៊ុន សែន)ដែលតែងតែគិតគូរបំរើប្រជាពលរដ្ឋ ដោយលោក យកចិត្តទុកដាក់ទៅលើការអនុគ្រោះជូនពលរដ្ឋដោយ សម្រួលការបង់ពន្ធផ្ទេរ អចលនទ្រព្យបន្តគ្នាច្រើនដងប្រថាប់ត្រាតែម្តងប៉ុណ្ណោះគឺរួចរាល់។
គួរបញ្ជាក់ថា៖កាលពីថ្ងៃទី៣០ ឧសភា ២០១៨នេះ លោក ឃួង ស្រេង អភិបាលរាជធានីភ្នំពេញ បានលើកឡើងថា ដោយពិនិត្យឃើញពីការលំបាករបស់បងប្អូនប្រជាពលរដ្ឋ និងដើម្បីជួយសម្រួលដល់ម្ចាស់កម្មសិទ្ធិអចលនទ្រព្យចុងក្រោយ ដែលពុំមានលទ្ធភាពបង់ពន្ធ ប្រថាប់ត្រាច្រើនដង គ្រប់ដំណាក់កាលនៃការផ្ទេរអចលនទ្រព្យ សម្តេចតេជោនាយករដ្ឋមន្ត្រី បានអនុញ្ញាតឯកភាពជាគោលការណ៍ ដើម្បីបន្តផ្តល់ការអនុគ្រោះបង់ពន្ធប្រថាប់ត្រាតែម្ដង លើការផ្ទេរកម្មសិទ្ធិអចលនទ្រព្យ បន្តដៃគ្នាពីម្នាក់ទៅម្នាក់ច្រើនដងនៅត្រឹមថ្នាក់សង្កាត់ខណ្ឌ ត្រឹមថ្ងៃទី៣១ ខែធ្នូ ឆ្នាំ២០១៨ប៉ុណ្ណោះ ដែលអាជ្ញាធរគ្រប់លំដាប់ថ្នាក់ត្រូវធ្វើការផ្សាព្វផ្សាយឲ្យបានទូលំទូលាយដល់ប្រជាពលរដ្ទទូទៅនៅទូទាំងប្រទេស។
លោក ឃួង ស្រេង បានជំរុញឲ្យអាជ្ញាធរខណ្ឌសង្កាត់ បើកការប្រជុំតាមភូមិ ហើយរដ្ឋបាលរាជធានីភ្នំពេញ ត្រូវធ្វើលិខិតជំនួយស្មារតីទៅភូមិ ដើម្បីផ្សព្វផ្សាទៅប្រជាពលរដ្ឋ សំខាន់កុំជះទឹកដាក់គ្នា ត្រូវតែរួមគ្នាធ្វើការងារនេះឲ្យបានល្អ ការផ្សព្វផ្សាយឲ្យប្រជាជនបានដឹង ឮដល់កម្រិតណានោះ អាជ្ញាធរខណ្ឌត្រូវរាយការណ៍មកក្រុងវិញ ដើម្បីរាយការណ៍បន្តទៅក្រសួងមហាផ្ទៃ។ លោក ឃួង ស្រេង បានបញ្ជាក់ថា កន្លងមក មានមន្ត្រីសុរិយោដីនៅខណ្ឌ វាស់វែងដីជូនប្រជាពលរដ្ឋមានការយឺតយ៉ាវ ហើយមានមន្ត្រីខ្លះមានការទារលុយគេថែមទៀត សូមឲ្យប្រយ័ត្នប្រយែងខ្លួន សូមកុំបង្កការលំបាកឲ្យប្រជាពលរដ្ឋទៀត។
ទោះជាយ៉ាងណាមជ្ឈដ្ឋាននានាលើកឡើងថាមន្ត្រីជាអ្នកបំរើរាស្ត្រមិនមែនជាចៅហ្វាយរាស្ត្រនោះទេ គម្បីត្រូវតែយកចិត្តទុកដាក់បំរើសេវាជូនពួកគាត់អោយបានល្អ មិនត្រូវប្រើពាក្យអសុរស គំរោះគំរើយឈ្លើយដាក់ពលរដ្ឋដូច
មន្ត្រីពន្ធដាសាខាខេត្តបន្ទាយមានជ័យនេះឡើយហើយពួកគាត់សង្ឃឹមថាលោកព្រឹមសាលីដែលជាប្រធាននោះនឹងត្រួតអិនិត្យលើទង្វើរបស់កូនចៅផងកុំអោយមានអាស្រូវបែបនេះតទៅទៀត៕អ៊ុងថាប់រាំង
![]()
![]()
![]()