បែកធ្លាយចាងហ្វាងនិងបុគ្គលិកកាសែតបាត់ដំបងប៉ុស្តិ៍ជំរិតទារប្រាក់ពីឈ្មួញដឹកជ្រូក មិនបានបែរជាបង្ខូចថាគេសូកលុយទៅវិញ!
បន្ទាយមានជ័យៈ ខណៈពេលដែលក្រសួងព័ត៌មាន បាននឹងកំពុងរឹតបន្តឹងច្បាប់ស្តីពី របប សារព័ត៌មាននិងបានលុបចោល នូវអាជ្ញាប័ន កាសែត ទស្សនាវដ្ដីជាង៣០០ អង្គភាព ចោល ដើម្បីងាយស្រួលក្នុងការគ្រប់គ្រង ជៀសវាងមានបុគ្គលខិលខូចចំនួន ជ្រកក្រោមស្លាកជា អ្នក សារព័ត៌មានប្រព្រឹត្តនូវទង្វើ មិនគួរគប្បី ដើម្បីផលប្រយោជន៍ផ្ទាល់ខ្លួនដែលខុសក្រមវិជ្ជាជីវៈនោះ។ ថ្មីៗនេះបែកធ្លាយ ព័ត៌មានថា មានចាងហ្វាងនិងកូនចៅក្នុងអង្គភាព បាត់ដំបងប៉ុស្តិ៍ និងបុគ្គលិក សារព័ត៌មាន សំឡេងជាយដែន បានធ្វើសកម្មភាព ក្រឡុក តាមខ្សែបន្ទាត់ព្រំដែន កម្ពុជា -ថៃ។ ដោយបានធ្វើជំរិតទារប្រាក់ពី ឈ្មួញ ដែល បានចេញទំនិញផ្សេងពីច្រករបៀង ដោយសំអាង លេសថា៖ ការចេញទំនិញបែបនេះផ្ទុយពីគោលការក្រសួងមហាផ្ទៃនិងបទបញ្ជារ សម្តេចក្រឡា ហោម ស ខេង ប្រភព ពីអាជីវករ នាំចូលជ្រូកពីច្រករបៀងអូរបីជាន់ បានសំដែងការហួសចិត្ត ខណៈពេលដែល លោកសែមឌីយ៉ា ចាងហ្វាង សារព័ត៌មាន បាត់ដំបងប៉ុស្តិ៍ និងម្នាក់ទៀត ជា បុគ្គលិក ឈ្មោះ ប៊ុនថា ម្នាក់ទៀតមិនស្គាល់ឈ្មោះ តែបានប្រាប់ថា រូបគេជាបុគ្គលិក សារព័ត៌មាន សំឡេងជាយដែន បានជិះយន្ត មួយគ្រឿង ម៉ាក កាមរី ស៊េរីឆ្នាំ១៩៩៣ ពណ៌ស មួយគ្រឿងមកដល់បាមថតយកសកម្មភាព រថយន្តដឹកជ្រូក រួច ទារប្រាក់ពីតៃកុងរថយន្តដឹក១០០ដុល្លា ដោយសារថៅកែមិននៅ ក្រុមអ្នកកាសែតនោះបាន ជំរិតទារប្រាក់ ពីឈ្មួញ ដោយទារថ្លៃសាំង តែដោយសារតែម្ចាស់ជ្រូកនៅឆ្ងាយ គេក៏បាន ប្រាប់អោយខ្ចីប្រាក់គេយកមកអោយក្រុម ខ្លួនទៀត។ដោយមានការព្រមព្រៀងគ្នាចាំជួបគ្នានៅប៉ោយប៉ែតពេលល្ងាចឬស្អែក។លុះព្រឹកឡើង ថៅកែជ្រូកបានវេរប្រាក់តាមទ្រូម៉ានីចំនួន១៥០០០០(ដប់ប្រាំម៉ឺនរៀល) អោយទៅក្រុម សារព័ត៌មានតាមការសន្យា។បែជា លោកសែមឌីយ៉ាចាងហ្វាងសារព័ត៌មានបាត់ដំបងប៉ុស្តិ៍ មានការខឹងសម្បាដោយសារ បញ្ជារ លោកហ៊ុយទូច មកចាប់ជ្រូក របស់លោក ដែលមានច្បាប់ អនុញ្ញាតិនិងបានពិនិត្យ សុខភាពរួចរាល់មមិនបាន។ បែជាលោកសែមឌីយ៉ា និងលោកប៊ុនថា ទាំងចាងហ្វាងនិងបុគ្គលិកបាត់ដំបងប៉ុស្តិ៍ បែជាធ្វើ សន្និសីទកាសែត មួលបង្កាច់ថា រូបលោកជា អ្នកយក លុយទៅសូកដើម្បីបិទបាំងព័ត៌មាន តែធាតុពិតគឺពួកគាត់មកជំរិតទារប្រាក់សោះ។ ពាក់ព័ន្ធនឹងករណីនេះដែរក៏មានព័ត៌មាន ថា បុគ្គល ឈ្មោះប៊ុនថា នេះគឺធ្លាប់មានរឿងអាស្រូវជាច្រើន ពាក់ព័ន្ធនឹងការជំរិតទារ ប្រាក់ ពី ក្រុមរទេះជនពិការដឹកសាច់មាន់ពីច្រក ទ្វារប៉ោយប៉ែត រហូត កម្មករក្តៅក្រហាយមកវាយអ្នកាសែតព្រះច័ន្ទដែលមិនដឹងរឿងអីទៅវិញ។ ថារឿងកូនចៅអញ្ចឹង ទៅហើយបែជាលោកចាងហ្វាង បាត់ដំបងប៉ុស្តិ៍ មិនណែនាំក្រមសិលធម៌ដល់កូនចៅបែជា មកបំពានខ្លួនឯងដែរចំជាជារកគ្នា ឃើញមែនខូចទាំងមេទាំងកូនតែម្តង។
អ្នកសារព័ត៌មាន បំពេញតួនាទីក្រមសីលធម៌ វិជ្ជាជីវៈ ដោយចុះយកពត៌មាន ធ្វើពត៌មាន ផ្សាយ ពត៌មានអំពីបញ្ហា សន្តិសុខ សណ្តាប់ធ្នាប់ របៀបរៀបរយសង្គម ហើយជាកញ្ចក់ឆ្លុះបញ្ចាំងអំពី សង្គម ។ សារព័ត៌មានជាអំណាចទី៤ នៅក្នុងសង្គមប្រជាធិបតេយ្យ ជួយតម្រង់ទិសដៅនៃអ្នកដឹក នាំ ឆ្ពោះទៅរកភាពរីកចំរើន និង អភិវឌ្ឍន៍ចំគោលដៅ ។
ជុំវិញករណីខាងលើនេះដែរ អ្នកសារព័ត៌មានជាច្រើន ដែលប្រកប វិជ្ជាជីវៈខ្ជាប់ខ្ជួនបានសំណូមពរ ដល់រដ្ឋមន្ត្រីក្រសួងព័ត៌មាន គួរតែត្រួតពិនិត្យ មើលទង្វើរបស់ ចាងហ្វាងកាសែតបាត់ដំបងប៉ុស្តិ៍ នេះផងកុំអោយ ប្រព្រឹត្តខុស វិជ្ជាជីវៈ នេះតទៅទៀតចៀសវាង ប៉ះពាល់ដល់អ្នកផ្សេងដែលគេល្អដូចពាក្យ ថាត្រីមួយកន្ត្រក់ ស្អុយមួយស្អុយទាំងអស់៕
![]()
![]()
![]()