លោកស្នងការខេត្តបន្ទាយមានជ័យចាប់បានរថយន្តគ្រោះថ្នាក់ចរាចរដែលផ្ទុកទៅដោយឈើគ្រញ៉ូង
បន្ទាយមានជ័យ៖ ពិតជាស្មានមិនដល់មែនការពិត រថយន្ត១គ្រឿងដឹកសឺទែនប្រេងដែលបានបង្កគ្រោះថ្នាក់ ចរាចរណ៍ បណ្តាលឱ្យអ្នកជិះម៉ូតូស្លាប់ម្នាក់ របួសធ្ងន់ម្នាក់ ដែលបានអូសមករក្សារទុកក្នុងស្នងការជាង៧ខែគ្មានអ្នកចូលដោះស្រាយសមត្ថកិច្ចសង្ស័យបានសម្រេចវះសុីទែនប្រេងលេីរថយន្ដមើលឃើញសុទ្ធតែឈើគ្រញូងរថយន្តនោះបានក្លែងបន្លំដឹកផ្ទុកឈើគ្រញូងរាប់សិបតោន ។
ហេតុការណ៍ ដ៏គួរអោយភ្ញាក់ផ្អើលនេះបានផ្ទុះឡើងនៅសរៀលថ្ងៃទី១៩ ខែមករា ២០១៨នេះ
ក្រោយពី នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តបន្ទាយមានជ័យ និងព្រះរាជ្ញារងអមសាលាដំបូងខេត្តបន្ទាយមានជ័យ បានសម្រេចចិត្តវះកាត់សឺទែនធ្វើការត្រួតពិនិត្យ ។
លោកវរសេនីយ៍ឯក សន គឹមសួរ នាយការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលខេត្តបន្ទាយមានជ័យបានប្រាប់ថា កាលពីអំឡុង ខែឧសភា ឆ្នាំ២០១៧ មានគ្រោះថ្នាក់ចរាចរណ៍បានកើតឡើង បង្កដោយរថយន្តដឹកសឺទែនប្រេងពាក់ស្លាក់លេខ ភ្នំពេញ 3C-0213 ខូចហើយចតចោល លើចិញ្ចើមផ្លូវពេលយប់គ្មានដាក់ ស្លាកសញ្ញាត្រឹមត្រូវបានធ្វេីអោយអ្នកជិះម៉ូតូ១គ្រឿងមានគ្នា២នាក់ជិះបុកពីក្រោយបណ្តាលស្លាប់ម្នាក់នៅកន្លែង កើតហេតុ ចំណែកម្នាក់ទៀតរបួសធ្ងន់ហើយអ្នកបើកបានរត់គេចខ្លួនបាត់ស្រម៉ោល ត្រូវបានកម្លាំងនគរបាលចរាចរណ៍ជើងគោក ខេត្តបន្ទាយមានជ័យ ធ្វើការវាស់វែង ហើយយកមករក្សាទុកនៅស្នងការនគរបាលខេត្តបន្ទាយមានជ័យ។
លោកបានបញ្ជាក់ទៀតថា៖ ក្រោយពេលដែលកម្លាំងនគរបាលជំនាញ យករថយន្តដែលបង្កគ្រោះថ្នាក់មករក្សាទុក នៅស្នងការនគរបាលខេត្ត ដើម្បីអោយម្ចាស់រថយន្ត ចូលមកដោះស្រាយតែមិនឃើញចូលខ្លួន មកដោះស្រាយរហូតជាង៧ខែ។
ដោយមានការណែនាំពីលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានអោយបង្កើតគណៈកម្មការធ្វើការត្រួតពិនិត្យដោយមានវត្តមានលោក តេង សម័យ ព្រះរាជអាជ្ញារងសាលាដំបូងខេត្ត និងមន្ត្រីអយ្យការនិងកម្លាំងនគរបាលជំនាញបានធ្វើការវះសឺទែនប្រេងត្រួតពិនិត្យឃើញសុទ្ធតែឈើគ្រញូង។
លោកវរសេនីយ៍ឯក ឆេន សុវត្ថិ នាយការិយាល័យនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យ បានប្រាប់ថា ការត្រួតពិនិត្យជំហ៊ានដំបូង រកឃើញឈើក្រញូងចំនួន៣៥៥ដុំ ក្នុងមួយដុំមានទម្ងន់មួយគីឡូក្រាមទៅមួយគីឡូក្រាមកន្លះ។ ហើយដោយពេលល្ងាចគណៈកម្មាការបានផ្សាបិតសឺទែនប្រេងនៅរងចាំបន្តការត្រួតពិនិត្យរាប់ជាក់ស្តែងនៅព្រឹកថ្ងៃទី២០ ខែមករា ឆ្នាំ២០១៨ ចំណែកឈើរើហើយដឹកទៅរក្សាទុកនៅសាលាដំបូងខេត្តបន្ទាយមានជ័យដេីម្បីចំណាត់ការតាមនិតិវិធីច្បាប់៕
![]()
![]()
![]()