វត្តមានជនជាតិចិនច្រើនពលរដ្ឋបារម្ភតែអាជ្ញាធរនិងសមត្ថកិច្ចសំងំជួលផ្ទះនិងបើកអនឡាញ!
បន្ទាយមានជ័យ៖ តាំងពីមានវត្តមានជនជាតិចិន កាន់តែច្រើននៅលើទឹកដីនៃ ក្រុងប៉ោយប៉ែត ប្រជាពលរដ្ឋ កំពុងតែ ប្រឈមនឹងភាព អសន្តិសុខ
មិនថាតែ បញ្ហាគ្រឿងញៀន អំពើរចោរកម្ម នឹងការវាយកាប់ចាក់គ្នាក៏កំពុងកើតមានពេញបន្ទុកតែម្តង។ចំណែកសមត្ថកិច្ចពាក់ព័ន្ធមិនខ្ចីខ្វល់ ដោយសារ
តែសំងំកើបលុយពីជួលផ្ទះ នឹងខ្លះទៀតបើកកាស៉ីណូ នឹងបើកអនឡាញដើម្បីអោយជនជាតិចិនលេងយ៉ាងត្រជាក់ចិត្តទៅវិញ។
ប្រភពព័ត៌មានពីពលរដ្ឋ រស់នៅក្រុងប៉ោយប៉ែត តែងតែ រអ៊ូរទាំប្រាប់អ្នកសារព័ត៌មានខ្មែរជាយដែន ថា៖ បច្ចុប្បន្ននេះ ទីក្រុងប៉ោយប៉ែតមិនចាញ់ក្រុងព្រះសីហនុ ប៉ុន្មានទេបញ្ហា ជនជាតិចិន ចូលមកជួលផ្ទះជួលកន្លែង
បើកល្បែងស៉ីសង អនឡាញជាដើមនិងខ្លះមកស្នាក់នៅដើម្បីប្រើប្រាស់ជួញដូរថ្នាំញៀននិងលេងល្បែងក្នុងកាស៉ីណូផងដែរ។
ដោយបង្ករអោយក្រុងប៉ោយប៉ែតអសន្តិសុខជាខ្លាំងដោយសារតែក្រុមជនជាតិវ័យក្មេងទាំងនោះជាក្រុអ្នកលេងឫគេហៅថា(ម៉ាហ្វៀ )ពេលខ្លះពួកគេលក់ឬជក់ថ្នាំញៀនតាមក្លឹបកំសាន្ត ពេលខ្លះគេដេញវាយកាប់ចាក់គ្នា ខ្លះប្រព្រឹត្តបទល្មើស ចាប់ជំរិតតាមអនឡាញផងដែរធ្វើអោយសមត្ថកិច្ចខ្មែរវិលក្បុងដោយសារភាពអាណាធិបតេយ្យរបស់ជនជាតិចិនទាំងនេះដែលប្រព្រឹត្តបទល្មើស។
តែក៏មានសមត្ថកិច្ចមួយក្រុមក៏បានទទួលផលពីវត្តមានជនជាតិចិននេះផងដែរដូចជាលោក បោនប៊ិនមេបញ្ជាការកងរាជអាវុធហត្ថខេត្តបន្ទាយមានជ័យគឺគាត់បានជួលផ្ទះអោយគេបើកកាស៊ីណូ ដែលភ្ញៀវភាគច្រើនជាជនជាតិចិននិងមានជនជាតិខ្មែរតិចតួចចូលលេងផងដែរ។ចំណែកលោក នួននីណារ៉ូមេបញ្ជាការកងរាជអាវុធហត្ថក្រុងប៉ោយប៉ែតនេះក៏បានបើកល្បែងស៊ីសងតាមអនឡាញអោយចិនលេងផងដែរទើបចេះតែសំងំបណ្តោយអោយជនជាតិបង្ករព្យុះភ្លៀងតាមចិត្ត។
ប្រភពបន្តអោយដឹងទៀតថាមូលហេតុដែលលោកសានស៊ានហូ ចៅហ្វាយក្រុងប៉ោយប៉ែតដែលគេប្រសិទ្ធនាមអោយថាជាបុរសមាត់ឆៅនោះក៏មិនហ៊ានក្អកជាមួយចិនដែរព្រោះគាត់បានផលប្រយោជន៍ដោយសារជួលបុរីអោយជនជាតិចិនទោះបីជាពួកម៉ាហ្វៀជនជាតិចិនទាំងនោះបង្ករភាពអនាធិបតេយ្យយ៉ាងកក្រើកក្រុងប៉ោយប៉ែតយ៉ាងក៏គាត់ធ្វើភ្នែកខ្វាក់នឹងត្រចៀកថ្លង់មើលមិហឃើញស្តាប់មិនឭផងដែរព្រោះខ្លាចបាត់បង់ផលប្រយោជន៍។ទោះជាយ៉ាងណាជុំវិញការចោទប្រកាន់របស់ពលរដ្ឋនេះសារព័ត៌មានយើងមិនអាចទំនាក់ទំនងសុំការបំភ្លឺពីអ្នកពាក់ព័ន្ធបាននៅឡើយទេតែយើងរងចាំការបកស្រាយពីអស់លោកជានិច្ច៕
![]()
![]()
![]()