កម្លាំងនគរបាលក្រុងច្បារមនធ្វើការឃាត់ខ្លួនមុខសញ្ញាសង្ស័យពាក់ព័ន្ធករណីជួញដូរគ្រឿងញៀនម្នាក់ទៅតុលាការ!
កំពង់ស្ពឺ ៖ មុខសញ្ញាសង្ស័យពាក់ព័ន្ធករណីជួញដូរគ្រឿងញៀនម្នាក់ត្រូវបានកម្លាំងនគរបាលក្រុងច្បារមនធ្វើការឃាត់ខ្លួនរួមជាមួយវត្ថុតាង ឧបករណ៍សំរាប់ប្រើប្រាស់គ្រឿងញៀន បញ្ជូនទៅកាន់តុលាការ។
កាលពីថ្ងៃអាទិត្យ ៩កើត ខែមិគ សិរ ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី១៦ ខែធ្នូ ឆ្នាំ ២០១៨,វេលាម៉ោង០៩,១០នាទីកម្លាំងនគរបាលជំនាញប្រឆាំងគ្រឿងញៀនក្រុងច្បារមន ចុះដឹកនាំសហការបង្រ្កាបមុខសញ្ញាសង្ស័យពាក់ព័ន្ធករណីជួញដូរសារធាតុញៀនខុសច្បាប់ នៅចំណុចតូបលក់ឥវ៉ាន់ ស្ថិតក្នុងភូមិរលួស សង្កាត់ច្បារមន ក្រុងច្បារមន ខេត្តកំពង់ស្ពឺ មុខសញ្ញាសង្ស័យ ឈ្មោះ ហេង ស្រីធី ភេទប្រុស អាយុ ២០ឆ្នាំ មានទីលំនៅភូមិទួលធ្នង់ សង្កាត់រការធំ ក្រុងច្បារមន ខេត្តកំពង់ស្ពឺ មុខរបរ មិនពិតប្រាកដ។
ក្នុងកិច្ចប្រតិបត្តិការករណីខាងលេីធ្វើការដកហូតវត្ថុតាងរួមមាន ៖
-ម្ស៉ៅក្រាមពណ៌សថ្លា សង្ស័យជាគ្រឿងញៀន ចំនួន ០៦ កញ្ចប់ (មធ្យម ០១កញ្ចប់)ស្មើនឹង ៨,៤២ ក្រាម
- ទូរស័ព្ទ ០១គ្រឿង ជាមធ្យោបាយទំនាក់ទំនង
- ឧបករណ៍សំរាប់ប្រើប្រាស់ បច្ចុប្បន្នមុខសញ្ញាសង្ស័យខាងលើ ត្រូវបានផ្នែកប្រឆាំងគ្រឿងញៀនក្រុងច្បារមន កសាងសំណុំ បញ្ជូនទៅការិ.ជំនាញគ្រឿងញៀនខេត្តដើម្បីចាត់ការតាមនីតិវិធីបន្ដ៕
![]()
![]()
![]()