មេកងរយ យោធាឈុតខ្មៅថៃ១២០១ត្រូវបានពលរដ្ឋនៅជាយដែនសសើរ ព្រោះធ្វើអំពើរល្អ!
បន្ទាយមានជ័យ៖ ពាក្យចាស់លោកពោលថា៖ ចូលមកអោយគេស្រលាញ់ទៅវិញអោយគេរឭក យ៉ាងណាមិញ មេកងរយ យោធាឈុតខ្មៅថៃ ១២០១ ដែលឈរជើងការពារព្រំដែនខ្មែរ-ថៃ នៅខ្លងលឹក ស្រុកអរ័ញ ខេត្តស្រះកែវ ដែលតែងតែ យោគយល់ច្រើនចំពោះពលរដ្ឋខែ្មរដែលជួបបញ្ហានៅលើទឹកដីថៃ ដោយលោកមិនប្រកាន់ឬរើសអើងជាតិសាសន៍ ឡើយដោយលោក តែងតែជួយរកយុត្តិធម៌ជូនជនរងគ្រោះជានិច្ចសូម្បីតែពលករខ្មែរដែលចាញ់បោកមេខ្យល់នាំឆ្លងដែនខុសច្បាប់ដាច់បាយដាច់ទឹក ឬត្រូវបានជនខិលខូច ចាប់ជំរិតយកប្រាក់កាសអស់ពីខ្លួនក៏លោកជួយអោយបាយទឹកនិងប្រាក់កាសត្រឡប់ទៅស្រុកវិញជារឿយៗ។
ប្រភព ព័ត៌មាន ពីពលរដ្ឋខ្មែរដែលរស់នៅ តំបន់ជាយដែនកម្ពុជា-ថៃដែលតែងតែ ចេញចូលទៅរកស៊ីក្នុងទឹកដីថៃបាន ប្រាប់អ្នកសារព័ត៌មានខ្មែរជាយដែន អោយដឹងថា៖ ចាប់តាំងពី លោក ប៊ិន មេកងរយ យោធាឈុតខ្មៅថៃ បានផ្លាស់មកឈរជើងការពារព្រំដែនខ្មែរ-ថៃ នៅខ្លងលឹក ស្រុកអរ័ញ ខេត្តស្រះកែវ មក ពលរដ្ឋខ្មែរមានការងាយស្រួលក្នុងការចេញចូលទៅរកស៊ី
ព្រោះលោកមានការយោគយល់ច្រើនដោយមិនសូវរើសអើងជាតិសាសន៍ អ្វីឡើយ។ ហើយលោកក៏បានទប់ស្កាត់បទល្មើសផ្សេងៗមិនអោយឆ្លងដែនចូលទឹកថៃឡើយ។ ដោយសារអំពើរល្អរបស់លោក មេកងរយថៃរូបនេះបានធ្វើ ប្រជាពលរដ្ឋទាំងពីគឺកម្ពុជានិងថៃមានការគាំទ្រយ៉ាងខ្លាំងដូចពាក្យចាស់លោកពោលថា៖ ចូលមកអោយគេស្រលាញ់ទៅវិញអោយគេរឭក៕
