សាខាគយ និងរដ្ឋាកររាជធានីភ្នំពេញ បន្តឃាត់រថយន្ដអត់ពន្ធដូចភ្លៀងរលឹម!
ភ្នំពេញ៖ រថយន្តទំនើប Lexus 570 ឆ្នាំ២០១៦ គ្មានពន្ធមួយគ្រឿង ត្រូវបាន សាខាគយ និងរដ្ឋាកររាជធានីភ្នំពេញចុះទៅបង្រ្កាបបាននៅស្តុបទេពផន នេះជាការផ្ញើថា សមត្ថកិច្ចកំពុងលេងធម៌ក្តៅហើយ ដូចពាក្យចាស់មួយឃ្លាបានចែងថា៖កុំឌឺមុខដឹង កុំរឹងមុខសឹកទិញឡានមានពន្ធទៅ ទើបជាការប្រសើរពលរដ្ឋគោរពច្បាប់!។
សាខាគយ និងរដ្ឋាកររាជធានី ភ្នំពេញ នៅថ្ងៃទី២២ ខែធ្នូ ឆ្នាំ២០១៨នេះ បានចុះឃាត់រថយន្តទំនើប Lexus 570 ឆ្នាំ២០១៦ គ្មានពន្ធចំនួនមួយគ្រឿង នៅស្តុបទេពផន ក្នុងភូមិសាស្ត្ររាជធានី ភ្នំពេញ ដោយមានកិច្ចសហការពីកងរាជអាវុធហត្ថ។
សាខាគយ និងរដ្ឋាកររាជធានីភ្នំពេញ ក៏សូមអំពាវនាវឲ្យប្រជាពលរដ្ឋគ្រប់រូបមេត្តា ជួយបំពេញកាតព្វកិច្ច ពន្ធអាករគ្រប់ទំនិញទាំងអស់ដែលនាំចូលពីបរទេស។
ជាមួយគ្នានេះ សាខាគយ និងរដ្ឋាកររាជធានីភ្នំពេញ នឹងបន្តយុទ្ធនាការការងារនៅក្នុងរាជធានីភ្នំពេញកាន់តែខ្លាំងផងដែរ។ទោះជាយ៉ាងណាមហាជនលើកឡើងថា៖សមត្ថកិច្ចកំពុងលេងធម៌ក្តៅហើយ ដូចពាក្យចាស់មួយឃ្លាបានចែងថា៖កុំឌឺមុខដឹង កុំរឹងមុខសឹកទិញឡានមានពន្ធទៅ ទើបជាការប្រសើរពលរដ្ឋគោរពច្បាប់!៕
![]()
![]()
![]()