តើលោក ហ៊ូវ ជីវ៉ៃ ថ្ថ្លើមធំហ៊ានរកស៊ីដឹកឈើខុសច្បាប់ មិនខ្វល់ពីការព្រមានរបស់សម្តេចក្រឡាហោម ស ខេង........!
ខេត្តរតនគិរី) ៖ តាមសេចក្តីរាយការណ៍បានឲ្យដឹងថា៖មេឈ្មួញឈើដ៏ធំល្បីឈ្មោះ ណុប វណ្ណះ និងឈ្មោះ ហូ ជីវ៉ៃ ជាមន្ត្រីអាវុធហត្ថ ដែលទំនងមានការបើកដៃពីសំណាក់លោក ថង សាវុន អភិបាលខេត្តនិងលោក គឹម រស្មី មេបញ្ជាការអាវុធហត្ថខេត្ត បានចំណាយលុយរាប់សិបលានដុល្លារក្នុងមួយខែៗ ទៅឲ្យស្ថារប័នជំនាញពាក់ព័ន្ធចំនួនគ្រប់អង្គភាព ដែលអង្គុយចាំរាប់ក្បាលឡានយកលុយជាធ្វើថ្នូរ មិនបង្ក្រាបមុខជំនួញដឹក ឈើខុសច្បាប់ដឹកទៅលក់នៅឯព្រំដែនវៀតណាមបានយ៉ាងរលូន។
ប្រភពពីពលរដ្ឋបានឲ្យដឹងថាមានការទាក់ទងរកស៊ី និងឃុបឃិតគ្នាកាប់បំផ្លាញព្រៃឈើយ៉ាងគគ្រឹកគ្រេង នៅក្នុងខេត្តរតនគីរីនេះដែល អាជ្ញាធរមានសមត្ថកិច្ចហាក់បីដូចជា បណ្តែតបណ្តោយឲ្យមេឈ្មួញល្បីឈ្មោះប្រចាំខេត្តនេះ បន្តកាប់បំផ្លាញព្រៃឈើ សហគមន៍ជនជាតិភាគតិច ដោយគ្មានរអែងថ្នាក់ដឹកនាំជាតិនោះឡើយ ទោះជាមានការព្រមានពីសម្តេចក្រឡាហោម ស ខេង ក៏ដោយ។
តាមសេចក្តីរាយការណ៍ពីប្រជាពលរដ្ឋនឹងសហគមន៍ភូមិប៉ាដលបានឲ្យដឹងថា សកម្មភាពកាប់បំផ្លាញព្រៃឈើពីក្រុមឈ្មួញមានអំណាចបានធ្វើឡើង នៅចំណុចភូមិមាលូ ភូមិភិ ឃុំញ៉ាង ស្រុកអណ្តូងមាស និងភូមិប៉ាដល ឃុំសេសាន ស្រុកអូរយ៉ាដាវ និងមកពីស្រុកវើនសៃ ខេត្តរតនគិរី។
តាមសេចក្តីរាយការណ៍ពីពលរដ្ឋបន្តថា មេឈ្មួញដឹកឈើដ៏ធំមានអំណាចទាំងពីរនាក់ខាងលើនោះ បានយកលុយពីឈ្មួញឈើជនជាតិវៀតណាម រាប់សិបលានដុល្លារ មកចែកចាយមន្ត្រីជំនាញពាក់ព័ន្ធ កាលពីថ្ងៃទី១៧ ខែធ្នូ ឆ្នាំ២០១៨ ដើម្បីបើកផ្លូវឲ្យពួកគេបានសិទ្ធិដឹកជញ្ជូនឈើខុសច្បាប់ឆ្លងដែនជាថ្មីឡើងវិញហើយ បន្ទាប់ពីផ្អាកមួយរយៈពេលខ្លីក ដោយៗសារតែ បែកធ្លាយព័ត៌មានដល់ថ្នាក់ជាតិ។
ក្រៅពីកាប់បំផ្លាញព្រៃឈើ សហគមន៍ទាំងបីភូមិខាងលើនេះ ព្រៃឈើក្នុងឧទ្យានជាតិវិរៈជ័យក្នុងស្រុកតាវែង និងស្រុកសេសាន ព្រៃអភិរក្ស ព្រៃសហគមន៍ក្នុងស្រុកកូនមុំ ស្រុកលំផាត់ និងស្រុកវើនសៃ ក៍ត្រូវបានមេឈ្មួញដុះស្លែល្បីឈ្មោះ ប្រចាំខេត្តរតនៈគិរីទាំងពីរូបនេះ ចេញមុខកាងឲ្យគេចូលកាប់បំផ្លាញយ៉ាងគគ្រឹកគ្រេង ដឹកយកទៅលក់នៅព្រំដែនវៀតណាម ដោយមួយចំនួនធំចេញតាមច្រករបៀង និងមួយចំនួនទៀតចេញតាមច្រកទ្វារអន្តរជាតិអូរយ៉ាដាវ។ ទៀតផង។
ហើយ ទោះបីកន្លង មានអង្គភាពសារព័ត៌មានទាំងក្នុងស្រុក និងក្រៅស្រុកធ្វើការចុះផ្សាយ ពីសកម្មភាពរកស៊ីដឹក ឈើខុសច្បាប់ របស់មេឈ្មួញល្បីឈ្មោះទាំងពីរនាក់ខាងលើនោះ តែហាក់គ្មានសញ្ញាណាមួយថា ចៅហ្វាយ ខេត្តលោក ថង សាវុន និងលោក គឹម រស្មី យកវិធានការច្បាប់ទៅអនុវត្តន៍លើបុគ្គលទាំងពីររូបនេះឡើយ ។
លោក អ៊ូច ឡេង វីរៈ ជនបរិស្ថានពិភពលោកឆ្នាំ២០១៦បានថ្លែងថា បទល្មើសព្រៃឈើមិនអាចទប់ស្កាត់បានទេ ពីព្រោះ នេះជាមុខរបរជា ចម្បងរបស់បុគ្គលមានអំណាចរកស៊ីដឹកឈើដុះស្លែ ដែលមានការឃុបឃិតគ្នា ជាប្រព័ន្ធតាំងពីថ្នាកក្រោម ដល់លើ តាំងពីក្នុងព្រៃរហូតឆ្លងដែន ជាពិសេសមេឈ្មួញមកពីវៀតណាមនិងចិន ដែលធ្វើការនាំចេញទៅទីផ្សារអន្តរជាតិ នានា ជាមូលហេតុនៃវិនាសកម្មព្រៃឈើនៅកម្ពុជា ដែលមិនអាចទប់ស្កាត់បាននោះទេ។
លោកបន្តថា អំពើពុករលួយ និងការឃុបឃិតគ្នា របស់មន្ត្រីជំនាញគឺមិនអាចបំបាត់បានពីព្រោះមន្ត្រីទាំងនោះសុទ្ធតែមានការជួយសម្រួលគ្នា ពីថ្នាក់លើ នៅក្នុងជំនួញ រត់ពន្ធឈើ នេះ។ផង។
សកម្មជនបរិស្ថានរូបនេះបន្ថែមថា នៅកម្ពុជាយើងសំខាន់គឺលុយ យកលុយ គឺពុករលួយ លុយជាច្បាប់ លុយជាការអនុញ្ញាត ហើយមន្ត្រីជំនាញ សហការជាមួយកងកំលាំង នៅជួយការពារ យាមកាមអ្នកកាប់ឈើ យ៉ាងតឹង រ៉ឹង ហាមឃាត់ មិនឲ្យអ្នកក្រៅ ចេញចូលទៅក្នុងតំបន់ កាប់ឈើបាន។ពាក់ព័ន្ធនឹងសកម្មភាពរកស៊ីឈើដឹកខុសច្បាប់នេះ បានបង្កឲ្យមានការមន្ទិលសង្ស័យថាលោក ថង សាវុន និងលោក គឹម រស្មី អាចជាម្ចាស់ភាគហ៊ុនមួយដ៏ធំក្នុងជំនួញឈើខុស ច្បាប់ក្នុងខេត្តរតនគិរី៕
![]()
![]()
![]()