នគរបាលប៉ុស្តិ៍រដ្ឋបាលនិរោធឃាត់ខ្លួនជនសង្ស័យ២នាក់ពីបទបើកល្បែងស៊ីសងខុសច្បាប់ទៅកាន់តុលាការ!
ភ្នំពេញ៖ កម្លាំងនគរបាលប៉ុស្តិ៍រដ្ឋបាលនិរោធ ខណ្ឌច្បារអំពៅបានបង្រ្កាបឃាត់ខ្លួនជនសង្ស័យ០២នាក់ជាក់ស្តែង ពីបទបើកល្បែងស៊ីសងខុសច្បាប់(ស្ទួចខ្លងប្រេងកូឡា)បញ្ជូនទៅកាន់តុលាការចាត់ការតាមច្បាប់។
ប្រតិបត្តការនេះធ្វើឡើងនៅវេលាម៉ោង២១និង០០នាទីថ្ងៃទី២១ខែមករាឆ្នាំ២០១៨នៅរោងកម្មករ
សំណង់ ស្នាក់នៅបុរីប៉េងហួត ភូមិបឹងឈូក សង្កាត់និរោធ ខណ្ឌច្បារអំពៅ។
សមត្ថកិច្ច បង្ហើបអោយដឹងថា៖ជនសង្ស័យទាំង២នាក់ ដែលត្រូវបានសមត្ថកិច្ចឃាត់ខ្លួននោះរួមមាន៖ ១-ជនសង្ស័យឈ្មោះយឹម ច្រឹប ភេទស្រី អាយុ៤៩ឆ្នាំ ជាតិខ្មែរមុខរបរបើកល្បែងស៊ីសងស្នាក់នៅផ្ទះលេខ
១១៧ ផ្លូវលេខ៨០ ភូមិ២៣ សង្កាត់ស្រះចក ខណ្ឌដូនពេញ។ ២-ជនសង្ស័យឈ្មោះពេជ្រ ស្រីខួច ភេទ ស្រី អាយុ២០ឆ្នាំ ជាតិខ្មែរ មុខរបរ ភ្នាក់ងារ ស៊ីសង ស្នាក់នៅផ្ទះជួល ផ្លូវបេតុង សង្កាត់ឬស្សីកែវ ខណ្ឌឬស្សីកែវ។ ដកហូតបានវត្ថុតាងរួមមាន ៖ ធុងសម្រាប់ស្ទួចខ្លងប្រេងកូឡា១, គ្រាប់ខ្លង ប្រេងកូឡា១២គ្រាប់, ក្រណាត់កៅស៊ូក្រាល ចាក់លេខ១ផ្ទាំង, លុយ ១៦ ៥០០រៀល, ខ្សែដៃប្លាកទីន១ខ្សែ,ចិញ្ជៀនប្លាកទីនដាំត្បូងពណ៌ស១វង់, ចិញ្ជៀនកាឡៃ២វង់,ខ្សែ ជើងប្លាទីន១ខ្សែ និងកាបូបពណ៌ក្រហម១។
ចំណែកអ្នកលេងល្បែងបានរត់គេចខ្លួនបាត់អស់នៅពេលសមត្ថកិច្ចចុះទៅដល់ហើយបច្ចុប្បន្នជនសង្ស័យនិងវត្ថុតាងកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌច្បារអំពៅ ដើម្បីសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
![]()
![]()
![]()