អធិការស្រុកថ្មពួកនិងកូនចៅរងការចោទប្រកឆន់ថា ព្រួតគ្នាវាយយុវជម្នាក់ក្នុងពិធីកាត់ចំណងដៃ!
បន្ទាយមានជ័យៈយុវជនម្នាក់បានចោទ ប្រកាន់ថាលោកអ៊ុកសុផាតអធិការនគរបាលស្រុកថ្មពួកនិងកូនចៅព្រួតគ្នាចាប់ទះកំផ្លៀងនិងប្រើអាយកូមវាយបណ្តាលឲ្យបែកផ្នែកខាងលើដេរអស់៦ថ្នេរ តែលោកអធិការ
ប្រកែកថាលោកគ្រាន់តែក្រវាសដៃចំឈ្មោះសិទ្ធិរ៉េត១ដៃតែវាមិនមែនជាការវាយឬទះនោះទេ។ ដែលហេតុការណ៍នេះបានបង្កឲ្យមានការភ្ញាក់ផ្អើលក្នុងពិធីកាត់ចំណងដៃមួយកន្លែង នៅស្រុកថ្មពួក ខេត្តបន្ទាយមានជ័យ ។
លោក សិទ្ធិ រ៉េត ភេទប្រុស អាយុ២៦ឆ្នាំ រស់ភូមិកំពង់ថ្កូវ ឃុំទឹកជោ ស្រុកព្រះនេតព្រះ ខេត្តបន្ទាយមានជ័យបានអះអាងថាខ្លួនជាជនរងគ្រោះក្នុងហេតុការណ៍វាយតប់ខាងលើនេះ។បានប្រាប់អ្នកកាសែតថារូបលោកត្រូវបានលោកអ៊ុកសុផាតអធិការនគរបាលស្រុកថ្មពួករួមនិងកូនចៅព្រួតគ្នាចាប់ទះកំផ្លៀងនិងប្រើអាយកូមវាយបណ្តាលឲ្យបែកផ្នែកខាងលើដេរអស់៦ថ្នេរនៅចំណុចផ្សារថ្មពួកចាស់ នៃស្រុកថ្មពួក កាលពីយប់ថ្ងៃទី១៨ ខែមករា ឆ្នាំ២០១៨ ។
ជុំវិញការចោទប្រកាន់នេះ លោក អ៊ុក សុផាត អធិការដ្ឋាននគរបាលស្រុកថ្មពួក បានច្រានចោល ការចោទប្រកាន់នេះ។ ពាក់ព័ន្ធនឹងហេតុការណ៍ផ្អើលឆោឡោនៅថ្ងៃកាត់ចំណងដៃ នៅចំណុចខាងលើនេះ លោកទទួលស្គាល់ថា ពិតជាមានមែនតែថ្ងៃនោះខណៈដែលលោកកំពុងទទួលទានអាហារក្នុងពិធីក៏មានសាច់ញាតម្ចាស់ការមកប្រាប់ថាឈ្មោះសិទ្ធិរ៉េតផឹកស្រាស្រវឹងហើយដើររករឿងក្នុងរោងការ សុំឲ្យលោកជួយសម្របសម្រួល លោកក៏ដើរទៅប្រាប់ឈ្មោះ សិទ្ធិ រ៉េត ថា បើប្អូនផឹកស្រវឹងហើយទៅដេកទៅកុំបង្ករឿង តែឈ្មោះ សិទ្ធិ រ៉េតបែរជាមកដំឡើងសរសៃករដាក់លោកទៅវិញ លោកក៏ក្រវាសដៃចំឈ្មោះសិទ្ធិរ៉េត១ដៃតែវាមិនមែនជាការវាយឬទះនោះទេភ្លាមនោះក៏មានបងប្អូនដែលចូលរួមពិសារអាហារ នាំគ្នាចូលមកឃាត់តែម្តង ។
ទោះជាយ៉ាងណាករណីអំពើហឹង្សាបង្កររបួសស្នាមរបស់សមត្ថកិច្ចមកលើពលរដ្ឋនេះនឹងត្រូវបានដោះស្រាយយ៉ាងណាហើយមានភាពយុត្តិធម៌សំរាប់ជនរងគ្រោះដែឬអត់៕
![]()
![]()
![]()