កុដិ១ខ្នង២ជាន់ត្រូវអគ្គីភ័យឆេះអស់ទាំងខូចខាតទ្រព្យសម្បត្តិរបស់វត្តរាប់មឺុនដុល្លានៅស្រុកស្វាយចេក
បន្ទាយមានជ័យ៖ សុខៗឆេះកុដិ១ខ្នងមានកំពស់២ជាន់ ដែលបណ្តាលអោយខូចខាតទ្រព្យសម្បត្តិរបស់
វត្តរាប់មឺុនដុល្លាដោយមិនដឹងមូលហេតុខណៈដែលកុដទុកចោលនោះមានតែមនុស្សឆ្កួតស្នាក់នៅលុះបាត់មនុស្សឆ្កួតកុដក៏ត្រូវភ្លើងឆេះតែម្តង។
ហេតុការណ៍នេះបានកើតឡើងនៅវេលាម៉ោង៦ព្រឹក ថ្ងៃទី២២ ខែមករាឆ្នាំ២០១៨ នៅភូមិវត្តស្រះចែង ស្ថិតក្នុងភូមិប្រីយ៍ ឃុំទ្រាស ស្រុកស្វាយចេក ខេត្តបន្ទាយមានជ័យ ។
លោកវរសេនីយ៍ទោជ័យសុកាមេបញ្ជាការមូលដ្ឋានកងរាជអាវុធហត្ថស្រុកស្វាយចេកបានឲ្យដឹងថាកុដិដែលត្រូវភ្លើងឆេះអស់ទាំងស្រុងនេះ គឺធ្វើអំពីឈើប្រក់ស័ង្កសី មានទំហំ២៨ម៉ែត្រ X ៩ម៉ែត្រ កំពស់២ជាន់ កុដិនេះរាល់ថ្ងៃមានមនុស្សប្រុសឆ្កួតម្នាក់មកស្នាក់នៅ ។លោកវរសេនីយ៍ទោជ័យសុកាបានបញ្ជាក់ឲ្យដឹងទៀតថានៅមុនពេលកើតហេតុនោះនៅវេលាព្រឹកព្រលឹមស្រាងៗភ្លើងក៏បានឆេះយ៉ាងសន្ធោរសន្ធៅចេញពីក្នុងកុដិភ្លាមៗនោះក៏មានព្រះសង្ឃនិងប្រជាពលរដ្ឋនៅក្បែរនោះចេញមកជួយពន្លត់ភ្លើងយ៉ាងសស្រាក់សស្រាំផងដែរតែភ្លើងនៅតែបន្តឆេះដដែលមួយសន្ទុះក្រោយមកទើបឃើញមានរថយន្តពន្លត់អគ្គីភ័យទៅដល់ជួយធ្វើអន្តរាគមន៍បាញ់ទឹកពន្លត់យ៉ាងញាប់ដៃញាប់ជើងប្រើប្រាស់ទឹកអស់ចំនួន៣រថយន្តទើបភ្លើងរលត់អស់ទាំងស្រុងតែសំណាងណាស់មិនរាលដាលឆេះដល់កុដិនៅជិតបន្តទៀត។
លោកវរសេនីយ៍ទោជ័យសុកាបានឲ្យដឹងទៀតថាពេលដែលភ្លើងឆេះកុដិនេះមនុស្សឆ្កួតដែលធ្លាប់នៅកុដិនោះមិននៅទេគេពុំដឹងថា មូលហេតុច្បាស់លាស់ដែលភ្លើងឆេះកុដិនេះនៅឡើយសមត្ថកិច្ចកំពុងធ្វើការស្រាវជ្រាវ ចំពោះសម្ភារៈដែលខូចខាតនោះរួមមាន សរសរចំនួន៤០ដើម ឈើក្របចំនួន២០ម៉ែត្រគីប ក្តារចំនួន១៥ម៉ែត្រគីបនិងស័ង្កីចំនួន១.៨៩០សន្លឹកនិងសម្ភារៈនៅក្នុងកុដិមួយចំនួនធំ ផងដែរ៕
![]()
![]()
![]()