លោកហ៊ុយទូចបង្ក្រាបគ្រឿងក្នុងជ្រូកជាង២តោនដែលមន្ត្រីកាំកុងត្រូលបណ្តោយអោយឈ្មួញនាំចូលពីថៃតាមច្រកទ្វារអន្តរជាតិប៉ោយប៉ែតដូចស្រាតខោលោកសាន វិជ្ជាសារ៉ាវុធកណ្ដាលផ្សារ!
បន្ទាយមានជ័យ ៖ ក្រដាស់ មិនអាចខ្ចប់ភ្លើងបានទេលើលោកនេះគ្មានទេរឿងអាថកំបាំងយ៉ាងណាមិញ សាច់មាន់ឆ្អឹងមានមាន់គ្រឿងក្នុងជ្រូកដែលជាអាហារខូចគុណភាព រាប់តោនក្នុងមួយថ្ងៃៗ ត្រូវបានឈ្មួញខិលខូចលួចនាំចូលពីច្រកទ្វាអន្តរជាតិប៉ោយប៉ែតក្រោមការបើកភ្លើងខៀវពីសំណាក់មន្ត្រីជំនាញ កាំកុងត្រូលតែ ត្រូវបានមន្ត្រី បសុពេទ្យ បង្ក្រាបជំនួសវិញ ដូចស្រាតខោ លោកសានវិជ្ជាសារ៉ាវុធ ទាំងកណ្តាលផ្សារ។
ប្រជាពលរដ្ឋ អស់ជំនឿទៅលើមន្ត្រីជំនាញកាំកុងច្រកទ្វារ អន្តជាតិប៉ោយប៉ែត ដែលបណ្តែតបណ្តោយ អោយ ចំណីអាហារ ចូលមកតាមចិត្តដោយ មន្ត្រីជំនាញបែជាគាំងត្រកៀកក្នុងការង្ក្រាបទៅវិញជាក់ស្តែង
គ្រឿងក្នុងជ្រូកជាង2តោនត្រូវបានមន្ត្រីជំនាញការិយាល័យបសុព្យាបាលខេត្តចាប់ឃាត់នៅចំណុចរង្វង់មូលផ្លូវបំបែកផ្លូវជាតិលេខ5 និងផ្លូវជាតិលេខ58 ក្នុងភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត កាលពីព្រលប់ថ្ងៃទី2 ខែធ្នូ ឆ្នាំ2018 ដើម្បីរក្សាទុកយកសំណាកវិភាគទៅពិត្យនៅមន្ទីរពិសោធន៌មុនបន្តទៅចូលទីផ្សារ ព្រោះជម្ងឺថ្មីមួយកំពុងកើតឡើង និងបង្កក្តីកង្វល់ដល់ពិភពលោក(ជម្ងឺប៉េះអាហ្វ្រិក) ។
គ្រឿងក្នុងជ្រូកដែលមន្ត្រីជំនាញឃាត់រក្សាទុកខាងលើមានទម្ងន់2250គីឡូក្រាមដឹកតាមរថយន្តម៉ាកសាំយ៉ុងមួយគ្រឿងចង្កូតឆ្វេង ពាក់ផ្លាកលេខ បាត់ដំបង 2B-1549 បើកបរដោយឈ្មោះ ហៃ មី ភេទប្រុស អាយុ35ឆ្នាំ មានទីលំនៅភូមិ-ឃុំនរាណ៌ ស្រុកសង្កែ ខេត្តបាត់ដំបង ។ គ្រឿងក្នុងជ្រូកចម្រុះទាំងនេះគេបិទឃ្លុំបេកេះស្នោជិតៗ ប្រៀបដូចដឹកទំនិញផ្សេងៗចឹង ។
លោក ហ៊ុយ ទូច ប្រធានការិយាល័យផលិតកម្ម និងបសុព្យាបាលនៃមន្ទីរកសិកម្មខេត្តប្រាប់ថា ដោយសាថ្មីៗនេះមានជម្ងឺដ៏សាហាវថ្មីមួយគឺជម្ងឺ(ប៉េះអាហ្វ្រិក)ដែលជម្ងឺនេះជាជម្ងឺកាចសាហាវអាចឆ្លងពីសត្វទៅសត្វ និងពីសត្វទៅមនុស្ស ឬពីមនុស្សទៅសត្វ ហើយនៅប្រទេសថៃថ្មីៗនេះគេពិនិត្យលើសាច់ក្រក2គីឡូក្រាមនៅព្រលានយន្តហោះដែលភ្ញៀវម្នាក់នាំចូលពីក្រៅប្រទេសរកឃើញមានពាក់ព័ន្ធជម្ងឺប៉េះអាហ្វ្រិកនោះផងដែរ ។
ប្រធានការិយាល័យរូបនេះបន្តថា ដោយព្រួយបារម្មពីជម្ងឺឆ្លងខាងលើ និងជម្ងឺត្រចៀកខៀវថ្នាក់ដឹកនាំក្រសួងក៏ដូចជាអគ្គនាយកដ្ឋានបានជម្រុញឲ្យមន្ត្រីក្រោមឱវាទតាមបណ្តាខេត្តក្រុងពង្រឹងកាត្រួតពិនិត្យលើម្ហូបអាហារដែលនាំចូលពីប្រទេសជិតខាងម្យ៉ាងការដឹកជញ្ជូននេះគ្មានច្បាប់ពីក្រសួងត្រឹមត្រូវទើបឃាត់ទុកគ្រឿងក្នុងជ្រូកទាំងនេះដើម្បីយកសំណាកវិភាគទៅអគ្គនាយកដ្ឋានក្រសួងកសិកម្មពិនិត្យមើលសិនថា តើមានជាប់ពាក់ព័ន្ធនិងជម្ងឺដែរឬទេ?
លោកបន្តថា បើក្រោយយកសំណាកវិភាគទៅពិនិត្យជាលទ្ធផលមិនពាក់ព័ន្ធនឹងមេរោគទាំង2ទេជំនាញនឹងធ្វើការផាកពិន័យពី10ទៅ15លានរៀល និងឲ្យម្ចាស់ឬអ្នកដឹកបញ្ឈប់ធ្វើសកម្មភាពដឹកតទៅទៀត ។
ផ្ទុយទៅវិញបើសិនលទ្ធផលចេញមកវិជ្ជមានម្ចាស់ឬអ្នកដឹកត្រូវមានទោសពី2ខែដល់2ឆ្នាំ និងពិន័យជាប្រាក់ពី10លានរៀលទៅ50លានរៀល ។ គ្រឿងក្នុងជ្រូកទាំងអស់ខាងលើត្រូវបានរក្សាទុកនៅការិយាល័យកសិកម្មក្រុងប៉ោយប៉ែតបណ្តោះអាសន្នរងចាំលទ្ធផលនៃកាពិនិត្យលើសំណាកវិភាគពីអគ្គនាយកដ្ឋានក្រសួងកសិកម្មសិន ។
គួរបញ្ជាក់ថា យោងការសួរនាំអ្នកបើកបរខាងលើនិយាយថា ខ្លួនស៊ីឈ្នួលដឹកគ្រឿងក្នុងជ្រូកឲ្យគ្រួសារមួយពីក្រុងប៉ោយប៉ែតទៅភ្នំពេញជាច្រើនជើងមកហើយ ។ ចំពោះម្ហូបអាហារ និងសាច់នាំចូលពីថៃពិសេសប្រហិតចម្រុះគេឃើញនាំចូលតាមច្រកទ្វារអន្តរជាតិប៉ោយប៉ែតមួយថ្ងៃមិនក្រោមពីជាង10តោនឡើយ ។
ទោះជាយ៉ាងណា មជ្ឈដ្ឋាន នានាលើកឡើងថាក្រដាស់ មិនអាចខ្ចប់ភ្លើងបានទេលើលោកនេះគ្មានទេរឿងអាថកំបាំងយ៉ាងណាមិញ សាច់មាន់ឆ្អឹងមានមាន់គ្រឿងក្នុងជ្រូកដែលជាអាហារខូចគុណភាព រាប់តោនក្នុងមួយថ្ងៃៗ ត្រូវបានឈ្មួញខិលខូចលួចនាំចូលពីច្រកទ្វាអន្តរជាតិប៉ោយប៉ែតក្រោមការបើកភ្លើងខៀវពីសំណាក់មន្ត្រីជំនាញ កាំកុងត្រូលតែ ត្រូវបានមន្ត្រី បសុពេទ្យ បង្ក្រាបជំនួសវិញ មិនខុសពីស្រាតខោ លោកសានវិជ្ជាសារ៉ាវុធ ទាំងកណ្តាលផ្សារនោះឡើយ៕
![]()
![]()
![]()