ឧកញ៉ា វ៉ាន់រ៉ាម៉ុន ថៅកែ កំពង់ចម្លងភ្នំពេញ-អរិយក្សត្រ បានយកអាវុធខ្លីK៥៩បាញ់សម្លាប់ខ្លួនឯង មិនដឹងមូលហេតុ
កណ្តាល៖ ប្រទះឃើញសាកសពលោកឧកញ៉ា វ៉ាន់រ៉ាម៉ុន ថៅកែ កំពង់ចម្លងភ្នំពេញ-អរិយក្សត្រ ដេកស្លាប់លើគ្រែដែក ក្រាលពូក និងហូរឈាមពេញ លេីឥដ្ឋការ៉ូ ដោយជើងម្ខាងគងនៅលើកៅអី បង្អែក ក្នុងសភាព ពាក់ស្បែកជើង និង ស្រោមជើង ដែលគេសង្ស័យថា៖ជនរងគ្រោះបានយកអាវុធខ្លីK៥៩បាញ់សម្លាប់ខ្លួនឯង។
ហេតុការណ៍នេះងានបង្ករអោយមានការភ្ញាក់ផ្អើលឡើងនៅវេលាម៉ោង១៧និង១៥នាទីថ្ងៃអង្គារ៍ ១២រោច ខែកត្តិក ឆ្នាំច សំរឹទ្ធិស័កព.ស ២៥៦២ ត្រូវថ្ងៃទី០៤ ខែធ្នូ ឆ្នាំ២០១៨នៅចំណុចក្នុងបន្ទប់ផ្ទះ(ទីស្នាក់ការ)សពជនរងគ្រោះ ស្ថិតនៅ កំពង់ចម្លង ភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល។
បើយោងតាមប្រភពព័ត៌មានពីស្នងការដ្ឋាននគរបាលខេត្តកណ្ដាលបានអោយដឹងថា៖ជនរងគ្រោះឈ្មោះ វ៉ាន់ រ៉ាម៉ុន ភេទប្រុស អាយុ៥៧ ឆ្នាំ ជនជាតិ ខ្មែរ មុខរបរ នាយករង នាយកដ្ឋាន អន្តោប្រវេសន៍ និងជាម្ចាស់ភាគហ៊ុន កំពង់ចម្លងទូកដរ អរិយក្សត្រ-ភ្នំពេញមានទីលំនៅផ្ទះលេខ ៣៣៤EOZ ភូមិ៤ ផ្លូវកម្ពុជាក្រោម សង្កាត់មិត្តភាព ខណ្ឌ៧មករា រាជធានីភ្នំពេញ។
វត្ថុតាងគេឃើញមាន៖ អាវុធខ្លី ០១ដេីម ម៉ាក K ៥៩ លេខ ៣១១៧,បង់ ០៣,គ្រាប់ ១៧ គ្រាប់,សំបកគ្រាប់ ០១, ក្បាលគ្រាប់ ០១ សមត្ថកិច្ចបន្តថានៅថ្ងៃកើតហេតុវេលាម៉ោង១៧និង១៥នាទីឈ្មោះ វ៉េង ដារិទ្ធជាតំណាងឲ្យឈ្មោះ វ៉ាន់ រ៉ាម៉ុន ក្នុងការមើលខុសត្រូវកំពង់ចម្លង បានចូលក្នុងផ្ទះរបស់ឈ្មោះវ៉ាន់ រ៉ាម៉ុន ដើម្បីបូមប្រេង ពេលចូលទ្វាររបង បិទខ្ទាស់គន្លឹះក្នុងជាប់ ឈ្មោះវ៉េង ដារិទ្ធ ក៏ ផ្លោះរបងចូល រៀបទុយោប្រេង ហើយឈ្មោះវ៉េង ដារិទ្ធក៏បានទៅគោះទ្វារបន្ទប់ឈ្មោះ វ៉ាន់ រ៉ាម៉ុន តែមិនឮ ក៏ច្រានទ្វារចូលទៅ ឃើញឈ្មោះវ៉ាន់ រ៉ាម៉ុន ដេកស្លាប់លើគ្រែដែក ក្រាលពូក និងហូរឈាមពេញ លេីឥដ្ឋការ៉ូ បន្ទាប់មកក៏រាយការណ៍ជូនសមត្ថកិច្ច ។
ករណីនេះ កម្លាំងជំនាញបច្ចេកស្រុក សហការ ជាមួយកម្លាំងជំនាញបច្ចេកទេសខេត្ត និង ពេទ្យ មណ្ឌលសុខភាពអរិយក្សត្រ មេឃុំ ភូមិ បានចូលរួម ពិនិត្យសាកសព ។
បើយោងតាមការសន្និដ្ឋានបានឱ្យដឹងថាជនរងគ្រោះធ្វេីអត្តឃាត សម្លាប់ខ្លួន បាញ់ខ្លួនឯង ដោយប្រើបាស់អាវុធខ្លី K៥៩របស់ខ្លួនឯង បាញ់ចំនួន ០១គ្រាប់ ចំណុចលើសៀតផ្កាខាងស្ដាំ ធ្លាយមកសៀតផ្កា ខាងឆ្វេង ស្លាប់នៅលើគ្រែ ជើងម្ខាងគងនៅលើកៅអី បង្អែក ក្នុងសភាព ពាក់ស្បែកជើង និង ស្រោមជើង៕
![]()
![]()
![]()