យុទ្ធសាស្រ្តយកដីធ្លីរបស់ពលរដ្ឋពីសំណាក់ក្រុមហ៊ុន លី សំអាន នៅស្រុកថ្មពួក ដោយមានឃុបឃិតពីមន្ត្រី យោធា និង កងរាជអាវុធហត្ថ ស្រុក !!

បន្ទាយមានជ័យៈ ថ្ងៃទី ០៧ ខែ ធ្នូ ឆ្នាំ ២០១៨ ប្រជាពលរដ្ឋរងគ្រោះដោយសារដីធ្លី ចំនួន ១៧០ គ្រួសារ ដែលត្រូវលោក លី សំអាន ជាប្រធានក្រុមហ៊ុន លី សំអាន រំលោភយក ហើយថែមទាំងប្តឹងចោទប្រ កាន់មកលើប្រជាពលរដ្ឋ ជាម្ចាស់ដី ពីបទព្រហ្មទណ្ឌ ។

ប្រជាពលរដ្ឋបាននិយាយថាៈ  ដីរបស់ពួកខ្ញុំមានទំហំ ២៩៣.១៤ហិកតា ដែលមានប្រជាពលរដ្ឋចំនួន ១៧០គ្រួសារ ។ ដោយសារតែជីវភាពប្រជាពលរដ្ឋក្រីក្រ បាននាំគ្នាចូលកាន់កាប់អាស្រ័យផល ជាក់ស្តែង មានទំហំ ១៨០ ហិកតា ។ នៅលើដីនោះពួកយើងខ្ញុំបានកាន់កាប់អាស្រ័យផល ជាប់រហូត មិន ដែលមានអ្នកណាមកអះអាងថា ដីរបស់ពួកយើងខ្ញុំពាក់ព័​ន្ធជាមួយគេឡើយ ។ ស្រាប់តែកំពុងធ្វើដី ស្រឡះហើយអាស្រ័យផល មានការអាជ្ញាធរមកប្រាប់ថា ជាដីរបស់ក្រុមហ៊ុន ។

 ក្រុមហ៊ុន លោក លី សំអានបានឲ្យប្រជាពលរដ្ឋចំនួន ១៤ គ្រួសារ ជាអ្នកឈរឈ្មោះជំនួស ដើម្បីចូល មករំលោភយកដីរបស់ប្រជាពលរដ្ឋ ។ សព្វថ្ងៃនេះដីទាំងអស់នោះ ត្រូវបានគណកម្មការសុរិយោដី ខេត្តចេញប្លង់អស់ហើយ ទៅឲ្យភាគីលោក លី សំអាន ដែលជាម្ចាស់ក្រុមហ៊ុន លី សំអាន មានទាំង លុយ និង ទាំងអំណាច ហើយក្នុងបំពេញឯកសារទំនាក់ទំនងគតិយុត្តិ ងាយស្រួលបំផុត សូម្បីអាជ្ញាធរ ក៏បានចូលរួមបំពេញបែបបទជូនដែរ ។ ចំណែកប្រជាពលរដ្ឋក្រីក្រ ងាយស្រួលរងគ្រោះ ដោយសារតែ ជីវភាពក្រីក្រ ក្នុងការបំពេញបែបបទ ដើម្បីទទួលបាននូវការកម្មសិទ្ធិដីធ្លី ឬ ការដាក់ពាក្យបណ្តឹងតវ៉ា ក៏មិនសូវមានការយកចិត្តទុកដាក់ពីអាជ្ញាធរដែរ ។

ក្រុមសង្គមស៊ីវិល អ្នកឃ្លាំមើលករណីទំនាស់ដីធ្លី បានលើឡើងថាៈ យុទ្ធសាស្ត្ររបស់ក្រុមហ៊ុន ក្នុងការចូលរំលោភយកដីរបស់ប្រជាពលរដ្ឋនោះមានៈ

១. ដោយប្រើយន្តការរបស់តុលាការ ដើម្បីធ្វើការចោទប្រកាន់មកលើប្រជាពលរដ្ឋ ជាម្ចាស់ដី នៅសហគមន៍នោះ ប្រជាពលរដ្ឋចំនួន ១៦ ចំនួន ២០ករណី រងការចោទប្រកាន់ពីសំណាក់តុលាការ ។ ជាការបំ បាក់ស្មារតី ដល់ប្រជាពលរដ្ឋជាម្ចាស់ដី ។

២. ក្រុមហ៊ុន មិនចូលទៅប្រើកំលាំងបាយរំលោភដោយខ្លួនឯងទេ ដោយប្រើជាលក្ខណៈជួលដីធ្លីឲ្យ ប្រជាពលរដ្ឋ ចុះភ្ជួរនៅដីរបស់ប្រជាពលរដ្ឋម្ចាស់កំពុងតែកាន់កាប់ ដែលធ្វើឲ្យប្រជាពលរដ្ឋឈ្លោះគ្នា រវាងប្រជាពលរដ្ឋ និងប្រជាពលរដ្ឋ  ។ យុទ្ធសាស្ត្រនេះ ជាយុទ្ធសាស្ត្របញ្ជ្រាបចូលយកដីពលរដ្ឋ បាន ស្រួល ។ សព្វថ្ងៃនេះ ដីរបស់ប្រជាពលរដ្ឋ ត្រូវបានក្រុមហ៊ុន បានជួយដីឲ្យលោក អៀម មុត ទំហំ ២ ហិកតា តំលៃ១៦០០០បាត  ដែលលោក អៀម មុត ត្រូវបានលោក ដុំ ចិត្រ ជាមេបញ្ជាការ PM ស្រុកថ្មពួក ជាអ្នកជួយកាងពីខាងក្រោយ ។

ចំណែក សេង សឺម ក៏បានជួលដីពីក្រុមហ៊ុន ដែរ បានទទួលដីជួលបានដី  ដើម្បីអាច ចូលធ្វើការភ្ជួរលើដីរបស់ប្រជាពលរដ្ឋបាន ក៏មានខាងទាហ៊ានកងពលលេខ៥១ ជាអ្នកកាងពីក្រោយ ។ តែបើយុទ្ធសាស្ត្រនេះ បានជោគជ័យនោះ ក្រុមហ៊ុន ទទួលលទ្ធផលពីរៈ ទី១ បានទទួលផលពីការជួលដី និង ទទួល បានដីដោយមិនចាំបាច់ ឈ្លោះជាមួយប្រជាពលរដ្ឋ ។

ចំពោះករណីនេះ អាជ្ញាធរ ស្រុកខេត្ត កំពុងតែឱបដៃឈរមើល ឲ្យប្រជាពលរដ្ឋឈ្លោះគ្នា  បើសិនមិន មានការបញ្ជាពីថ្នាក់លើនោះទេ ។ អាជ្ញាធរគួរតែត្រូវយកចិត្តទុកដាក់ដោះស្រាយបញ្ហានេះ ឲ្យបាន ចប់  ដើម្បីសក្តិសម ជាអ្នកបំរើរាស្ត្រ ៕