មន្ត្រីកន្ទេលធំបន្លំដេកកំពុងជួយហែកសន្លឹកឆ្នោតគណបក្សប្រជាជនកម្ពុជា!

ប៉ៃលិន:  កន្ទេលធំបន្លំដេក ក្បាលទំពេក បន្លំកោរ គឺជាសុភាសិតបុរាណបានចងក្រងទុក មកដល់ពេល បច្ចុប្បន្ន នេះ ក៏នៅតែ ឃើញមានអ្នកប្រើប្រាស់ស្នៀតនេះដើម្បី ផលប្រយោជន៍

ដែរជាក់ ស្តែង ក្រោយពី មាន ច្បាប់ចរាចរណ៍ថ្មី ដោយលើកទឹកចិត្ត អោយ មន្ត្រី អនុវត្តន៍ ច្បាប់ ចាប់ផាកពិន័យ បានប្រាក់ដាក់ហោប៉ៅ ខ្លួនឯងច្រើនជាងចូលរដ្ឋនោះ។

បែជាបែកធ្លាយរឿងអាស្រូវពុករលួយរបស់នគរបាលចរាចរណ៍ខេត្តប៉ៃលិនដែលបានអនុវត្តន៍លើសពីអ្វីដែលមានចែងក្នុងច្បាប់ទៅទៀតដើម្បីឆ្លៀតសង្កត់កអ្នកដឹកទំនិញឆ្លងកាត់សូម្បីតែអ្នកស្រុកដឹក ឥវ៉ាន់ពីផ្ទះទៅដាក់លក់ក្នុងផ្សារ ក៏ មិនលើកលែងដោយអាងលេស ថាដឹកខុស បច្ចេកទេស។

ប្រភព ព័ត៌មាន  ពី អ្នកដំណើរ បានរាយការណ៍ ឲ្យដឹងថា កន្លែងដែល ល្បីខ្លាំងខាង ផាកពិន័យ ខ្លាំងជាងគេ នោះ នៅចំណុច ស្រុក សាលាក្រៅ ខេត្តខេត្ត ប៉ៃលិន តែម្តង។ ដែលមានលោក អនុសេនិយ៍ពៅថេមជាអ្នកជំនាញខាងកោសរុះទារប្រាក់ផាកពិន័យទោះបីជារថយន្តនោះមានឈៀកមានក្រដាក់បង់ពន្ធផ្លូវមានប័ណ្ណបើកបរត្រឹមត្រូវគ្រប់លក្ខណះយ៉ាងណាក៏ដោយ ។

ក៏លោកអនុសេនិយ៍ពៅថេមអាចផាកពិន័យបានដែរដោយគាត់លើកឡើងថា:ការដឹកនោះខុសបច្ចេកទេស ដោយលោកនិយាយថា រថយន្ត ហាយឡិនឌ័រ ជាប្រភេទ រថយន្តទេសចរណ៍ មិនអាចយកដឹកទំនិញបានទេ ត្រូវផាកពិន័យ ២៥០០០រៀល។

ប្រភពបានបន្តឲ្យដឹងទៀតថាក្រៅពីផាកពិន័យរថយន្តមិនរើសមុខហើយនោះសូម្បីតែម៉ូតូអ្នកស្រុកក៏ត្រូវបានលោកអនុសេនិយ៍ពៅថេមចាប់ផាកពិន័យឡើងស្ពឹកមុខហើយៗដោយសារតែខ្លាចការផាកពិន័យនេះ អ្នកខ្លះបាន ជិះគេច បង្ករជាគ្រោះថ្នាក់ទៀតផង។

ប្រជាពលរដ្ឋ បានលើកឡើងទាំងហួសចិត្តថា ពួកគាត់មិនយល់ថា លោក អនុសេនិយ៍ ពៅថេម

នេះ យកច្បាប់ ចរាចរណ៍ ពីណាមកអនុវត្តន៍ នោះឡើយ។ព្រោះគ្រាន់តែ ពួកគាត់ យករថយន្ត ហាយឡិនឌ័រដឹកឥវ៉ាន់បន្តិចបន្តួចមិនបានដឹកសំពីងសំពោងនិងលើសទំងន់ផង។បែជាត្រូវបានផាកពិន័យដោយហេតុផល ដឹកខុសបច្ចេកទេសទៅវិញ ។

តែបើរថយន្ត ធុនធំ មានសណ្តោងកន្ទុយ របស់ថៃ ដែលចូលមកទិញ កសិផលដូចជាពោត ដំឡូង

រាប់សិបតោនហូហែរទ្រុងកំពស់មេឃធ្លាក់ពោតដំឡូងពេញផ្លូវមិនត្រូវបានផាកពិន័យសោះព្រោះតែរថយន្តទាំងនោះចុះបង់លុយកាក់អោយជាប្រចាំរៀងរាល់ជើង។មួយវិញទៀតចំពោះរថយន្តសាំយ៉ុងដឹកពលករមកពីថៃដោយដឹកសំពីងសំពោងក៏មិនដែលឃើញផាកដែរដោយគ្រាន់តែតៃកុងរថយន្ត ចុះទៅហុយប្រាក់១០០០០រៀលជាការស្រេចហើយបើកចេញដោយរលូនតែម្តង។

ទោះជាយ៉ាងណាមជ្ឈដ្ឋាននានាលើកឡើងថាលោកអភិបាលខេត្តក៏ដូចជាលោកស្នងការខេត្តប៉ៃលិនគួរតែយកចិត្តទុកដាក់ពិនិត្យមើលលើចំណុចនេះផងជៀសវាងបុគ្គលខិលខូចប្រើស្នៀតកន្ទេលធំបន្លំដេកក្បាលទំពេកបន្លំកោដើម្បីផលប្រយោជន៍ផ្ទាល់ខ្លួនដែលធ្វើអោយប្រជាពលរដ្ឋក្តៅក្រហាយ មិនខុសពីជួយហែកសន្លឹកឆ្នោតគណបក្ស ប្រជាជនកម្ពុជាឡើយ៕