បាតុកម្មអហិង្សាសំណល់ពីលោកអភិបាលក្រុងចាស់ ចូលដល់អភិបាលក្រុងថ្មី លើកទី១០៥

ប៉ោយប៉ែតៈ ប្រជាពលរដ្ឋដែលរងគ្រោះ ដោយសារតែការស្ថាបនាសាងសង់ផ្លូវរថភ្លើង បាននាំគ្នា ធ្វើបាតុកម្មអហិង្សា នៅមុខសាលាក្រុងប៉ោយប៉ែត ទាមទារឲ្យលោកអភិបាលក្រុងប៉ោយប៉ែតថ្មី លោក សាន ស៊ានហូ ជួយដោះស្រាយសំណងផលប៉ៈពាល់ជូនដល់ ពួកគាត់ ។

តំណាងប្រជាពលរដ្ឋបានឈរនៅខាងមុខ សាលាក្រុងប៉ោយប៉ែត បានផ្តល់បទសំភាសន៍ជាមួយ សារព័ត៌មានខ្មែរជាយដែន ដោយនិយាយថាៈ ពួកខ្ញុំជាអ្នករស់នៅរងផលប៉ៈពាល់ ដោយសារតែ ការស្ថាបនាផ្លូវរថភ្លើង ពួកខ្ញុំមកធ្វើបាតុកម្មដោយអហិង្សានេះ ដើម្បីឲ្យអាជ្ញាធរ មានលោកអភិ បាលក្រុងប៉ោយប៉ែត លោកជួយដោះស្រាយគោលនយោបាយ ដែលរងផលប៉ៈពាល់នេះ ។ ពួក ខ្ញុំសង្ឃឹមថាលោក សាន ស៊ានហូ អភិបាលក្រុងប៉ោយប៉ែត ទើបឡើងថ្មី លោកនឹងដោះស្រាយ ជូនពួកយើងខ្ញុំ ។

លោក សាន ស៊ានហូ ជាអភិបាលក្រុងប៉ោយប៉ែត ទើបឡើងថ្មី តែបញ្ហាដោះស្រាយជូនប្រជា ពលរដ្ឋផ្លូវរថភ្លើងនោះ មិនជារឿងថ្មីទេ  ។ កាលពីឆ្នាំ២០០៧ លោកនៅជាចៅសង្កាត់ប៉ោយប៉ែត ក៏ធ្លាប់ចូលរួមពិភាក្សាក្នុងវេទិកាសាធារណៈផងដែរ ។

ក្នុងពេលលោក ចូលកាន់ដំណែងជាអភិបាលក្រុងប៉ោយប៉ែតនេះ សហគមន៍ផ្លូវរថភ្លើង បានធ្វើ បាតុកម្មអហិង្សា ២លើកមកហើយ  ។ ចំណែកអភិបាលក្រុងប៉ោយប៉ែត ក៏បានសន្យាថា នឹងដោះ ស្រាយជូនប្រជាពលរដ្ឋ ដែលរង់ផលប៉ៈពាល់ផ្លូវរថភ្លើងនោះ ។

ប្រជាពលរដ្ឋរង់ផលប៉ៈពាល់ដោយការស្ថាបនាផ្លូវរថភ្លើងនេះ កំពុងតែរង់ចាំការសន្យារបស់លោក អភិបាលក្រុង ហើយការធ្វើបាតុកម្មអហិង្សាថៃ្ងនេះ ជាសារក្រើនរំលឹកដល់ លោកអភិបាលក្រុង បានដឹង៕