លោកហុងលាងបង្កើតកុងត្រូលជជុះជំរិតទារប្រាក់ពីអ្នកដឹកទំនិញតាមច្រករបៀងប្រពលរដ្ឋសំណូមពរអោយអាជ្ញាធរលុបបំបាត់!
បន្ទាយមានជ័យ៖រឿងមួយមិនទាន់បកស្រាយឥឡូវធ្លាយរឿងអាស្រូវមួយទៀតហើយ មន្ត្រីកាំកុងត្រូល សាខាខេត្តបន្ទាយមានជ័យបើកដៃអោយឈ្មួញដឹកទំនិញខូចគុណភាពរួមមានសាច់មាន់ឆ្អឹងមាន់ប្រហិត
គ្រប់ប្រភេទរាប់តោនក្នុងថ្ងៃៗតាមច្រកទ្វារអន្តរជាតិ ប៉ោយប៉ែត ជនពិការ។
ប្រភពព័ត៌មានពីទីក្រុងប៉ោយប៉ែតបានរាយការណ៍ ប្រាប់អ្នកសារព័ត៌មាន ខ្មែរជាយដែន ថា៖ រាល់ថ្ងៃនេះ អាហារខូចគុណភាព រាប់តោន ត្រូវបានឈ្មួញខិលខូច លួចបង្កប់តាមរទេះជនពិការហើយដឹកចេញពីច្រកទ្វារអន្តរជាតិ ប៉ោយប៉ែតតែម្តង។ រួចយកមកស្តុបនៅចំណុចក្បែរ ទីលានត្រួតពិនិត្យ រទេះរបស់គយចល័ត ស្ថិតនៅ ភូមិប៉ោយប៉ែតសង្កាត់
ប៉ោយប៉ែតក្រុងប៉ោយប៉ែត ខេត្តបន្ទាយមានជ័យ។
ដោយយករថយន្តមកផ្ទេររួចដឹកទៅកាន់ខេត្តបន្ទាយមានជ័យនិងបន្តទៅខេត្តសៀមរាបផងដែរ។
ដែលគេសង្ស័យថា៖មានការបើកភ្លើងខៀវពីសំណាក់លោកស៊ានស៉ីណាតនិងលោកហុងលាងទើបបណ្តោយ អោយលោកឆាំងកាដឹកអាហារខូចមកបំផ្លាញសុខភាព ប្រជាពលរដ្ឋ យ៉ាងអនាធិបតេយ្យ។
តែអ្វីដែលធ្វើអោយគេហួសចិត្តនោះគឺពេលថ្មីៗនេះបែកធ្លាយរឿងអាស្រូវលោកហុងលាងអនុប្រធានសាខាកាំកុងត្រូលខេត្តបន្ទាយមានជ័យបង្កើតកុងត្រូលជជុះជំរិតទារប្រាក់ដាក់ខែពីរថយន្តតាក់ស៉ីដឹកទំនិញតាមច្រករបៀងអូរបីជាន់។
ដោយអោយបុគ្គលម្នាក់ឈ្មោះរេនដែលមិនមែនក្របខណ្ឌមន្ត្រីកាំកុងត្រូលមកដាក់ប៉ុស្តិ៍នៅក្នុងឃុំអូរបីជាន់ដើម្បីកៀងត្រីបញ្ចូលសូងអោយមកបង់ខែអោយខ្លួន។
ទោះជាយ៉ាងណាមជ្ឈដ្ឋាននានាបានលើកឡើងថា៖ អាជ្ញាធរខេត្តបន្ទាយមានជ័យគួរតែពិនិត្យមើលលើបញ្ហានេះផងព្រោះតែថ្មីៗនេះក្រសួងមហាផ្ទៃចេញលិខិតលុបបំបាត់ការត្រួតពិនិត្យអនាធិបតេយ្យដើម្បីផ្ដល់សេវាបំរើក៏ដូចជាបង្កលក្ខណៈសម្បត្តិល្អប្រសើរជូនប្រជាពលរដ្ឋក្នុងការធ្វើសកម្មភាពប្រកបរបរលើកស្ទួយជីវភាពប្រចាំថ្ងៃដោយមានភាពកក់ក្ដៅគ្មានការរំខានពីកុងត្រូលជជុះឬប៉ុស្តិ៍ត្រួតពិនិត្យអនាធិបតេយ្យ៕
![]()
![]()
![]()