បទបញ្ជាសម្តេចតេជោ ក្លាយជាមុខរបររកលុយកាក់របស់មន្ត្រីខិលខូច
បន្ទាយមានជ័យ: នៅលើតាមដងផ្លូវជាតិលេខ ៥ ពី ខេត្តបន្ទាយមានជ័ មានប៉ូលិសចរាចរ និងមន្ត្រីគយ ប៉ូលិសបង្ក្រាបបទល្មើស សេដ្ឋកិច្ច ។ គ្រាន់តែមន្ត្រីគយ ដាក់កុងត្រូលចាំស្ទាក់ចាប់ឡានដឹកទំនិញផ្សេងៗ មានចំនួន ៤ កន្លែង ចម្ងាយដីត្រឹម ៤៨ គ.ម ប៉ុណ្ណោះ ដោយមិនទាន់បានរាប់បញ្ចូល ប៉ូលិសចរាចរ ប៉ូលិសសេដ្ឋកិច្ច មន្ត្រីកាំកុងត្រូល និងជំនាញផ្សេងៗ ជាច្រើនទៀត ។
ក្រោយីសម្តេចតេជោ បានដាក់ឱសានវាទមិនឲ្យរថយន្តច្នៃដែលខុសបច្ចេកទេស មិនទាន់ផុតពីមាត់ផង ។ មន្ត្រីប៉ូលិសគ្រប់ខេត្ត បានអនុវត្តនូវបទបញ្ជានេះ ដូចៗគ្នា ហើយបានបើកកុងត្រូលរង់ចាំតាមផ្លូវជាតិ ដើម្បីចាំចាប់ឡានច្នៃវែងៗខុសបច្ចេកទេស ដែលដឹកធ្ងន់លើសកំណត់ បំផ្លាញផ្លូវ ថ្នល់ កន្លងមក ។ ក្នុងការ អនុវត្តបទបញ្ជាសម្តេច តេជោនេះ នៅខេត្តបន្ទាយមានជ័យ មន្ត្រីប៉ូលិស ក៍បានអនុវត្ត ចាប់ឃាត់រថយន្ត ខ្នាត វែងខុសលក្ខណះបច្ចេកទេសនេះ ដោយមាន លោក អភិបាលរង ខេត្តបន្ទាយមានជ័យ ផងដែរ ។ ចំណាត់ការទៅលើរថយន្ត ដែលច្នៃខុសលក្ខណ:បច្ចេកនេះ មិនមែនជាលើកទីមូយទេ កន្លងមកក៍សម្តេចតេជោ ធ្លាប់បានលើកដែរ តែមន្ត្រីថ្នាក់ក្រោម បានអនុវត្តតាមបទបញ្ជាត្រឹមមួយស្របក់ ក៍ឈប់ ដោយសារ រថយន្តច្នៃខុសបច្ចេកទេស ដឹកលើសកំណត់ ជាកម្មសិទ្ធិរបស់លោក ឧកញ៉ា អ្នកមានលុយកាក់ និងអ្នកមានអំណាចទៀតផង ។
មន្ត្រីសមត្ថកិច្ច ខិលខូច នៅខេត្តបន្ទាយមានជ័យ កំពុងសប្បាយរីករាយ ក្នុងការប្រមូលលុយកាក់ពី រថយន្តតូច ធំ ដឹកទំនិញ តាមផ្លូវជាតិ ក្នុង ១ឡាន ត្រូវបង់លុយកាក់ ជូនមន្ត្រីសមត្ថកិច្ចទាំងអស់នោះ ។ ប្រភពអ្នកបើកឡានដឹកទំនិញបាននិយាយថា: មន្ត្រីសមត្ថកិច្ច កំពុងតែប្រមូលលុយកាក់ពីឡានដឹកទំនិញយ៉ាង សកម្ម ព្រោះបទបញ្ជាសម្តេចតេជោ កំពុងបានផ្តល់ផលប្រយោជន៍ ដល់មន្ត្រីសមត្ថកិច្ច ខិលខូច ។ ក្នុងពេលដាក់កុងត្រូលស្ទាក់ឡាន ធ្វើតាមបញ្ជា តែយកលុយឡានដឹកទំនិញ១ឡាន ចាប់ពី២ម៉ឺនរៀល ទៅ៣ម៉ឺនរៀល តើធ្វើតាមបញ្ជារបស់សម្តេចតេជោដែរទេ ? ។ ក្នុងខេត្តបន្ទាយមានជ័យ ខាងលិចស្ពានទឹកថ្លា តាមបណ្តោយផ្លូវជាតិ លេខ៥ ពីក្រុងសិរីសោភ័ណ ទៅប៉ោយប៉ែត ជាកន្លែងខ្លាញ់ដែលសមត្ថកិច្ច កំពុងតែកាក់កបលើបទបញ្ជារបស់សម្តេចតេជោ តើលោកស្នងការនគរបាល និងមេបញ្ជាការរាជអាវុធ ខេត្តមព្រមទាំង មន្ត្រីពាក់ព័ន្ធ បានបំបែកបទបញ្ជាសម្តេចតេជោ ទៅជាកន្លែងអាចច្នៃចេញជាលុយ???៕
