ចាប់ខ្លូនមន្រ្តីយោធាថ្នាក់អនុ«គ» ម្នាក់ ពាក់ព័ន្ធការបាញ់សម្លាប់មន្ត្រីអភិរក្សបរិស្ថាន៣នាក់
(មណ្ឌលគីរី)៖ ចាប់ខ្លូនមន្រ្តីយោធាថ្នាក់អនុ«គ» ម្នាក់ ពាក់ព័ន្ធការបាញ់សម្លាប់មន្ត្រីអភិរក្សបរិស្ថាន៣នាក់ ខណៈ អ្នកពាក់ព័ន្ធរត់គេចខ្លួន។ យោងតាមសេចក្តី ថ្លែង ការណ៍ របស់សមត្ថកិច្ចជាន់ខ្ពស់ខេត្តមណ្ឌលគីរី
កាលព្រឹកថ្ងៃទី១ ខែកុម្ភៈ ឆ្នាំ២០១៨បានឲ្យដឹង ថា៖ នគរបាលបានចាប់ខ្លួនមន្រ្តីយោធាការពារព្រំដែនឈ្មោះកើតវេហាហៅឆៃថានៈមេមបញ្ជាការរងកងអនុសេនាធំ ដែលពាក់ព័ន្ធការបាញ់សម្លាប់មន្រ្តីអាវុធហត្ថ មន្រ្តីបរិស្ថាន និងបុគ្គលិកអង្គការ WCS នៅស្រុកអូររាំង ។
បច្ចុប្បន្នជនសង្ស័យរូបនេះ ត្រូវនិងកំពុងសួរនាំ នៅស្នងការដ្ឋាននគរបាលខេត្តមណ្ឌលគិរី ដើម្បីចាត់ការបន្តទៀត។
ប្រភពដដែលបានឲ្យដឹងទៀតថា ដោយឡែកឈ្មោះ ផលពេញនាយនគរបាលប៉ុស្តិ៍អូរលែបាននិងកំពុងរត់គេចខ្លួនមិនទាន់ចាប់បាននៅឡើយទេ។
ជនដៃដល់និងពាក់ព័ន្ធនៃការបាញ់សម្លាប់ជនរងគ្រោះទាំង៣នាក់នេះ ត្រូវបានសមត្ថកិច្ចប្រាប់ថា មាននាយនគរបាលប៉ុស្តិ៍អូរលែ លោក ផល ពេញ បូករួមទាំងឈ្មោះ កើត វេហា និងឈ្មោះ ងួរ ជាមន្ដ្រីយោធាការពារព្រំដែននៅតំបន់អូររលែ។
សូមបញ្ជាក់ថាការបាញ់ប្រហារនេះបានកើតឡើងនៅចំណុចប៉ុស្ដិ៍អូររលែ ក្នុងភូមិសាស្ដ្រភូមិពូហ្យាម ឃុំសែនមនោរម្យ ស្រុកអូររាំង ខេត្តមណ្ឌលគិរី នៅចន្លោះម៉ោង៤ ទៅម៉ោង៥ល្ងាចថ្ងៃទី៣០ ខែមករា ឆ្នាំ២០១៨ បានបណ្ដាលឲ្យស្លាប់មនុស្ស៣នាក់ រួមមាន៖ មន្ដ្រីអាវុធហត្ថលើផ្ទៃប្រទេសម្នាក់, មន្ដ្រីឧទ្យានុរក្ស នៃមន្ទីរបរិស្ថានខេត្តមណ្ឌលគិរី និងបុគ្គលិកអង្គការសមាគម អភិរក្សាសត្វព្រៃ Wildlife Conservation Society (W C S)៕
![]()
![]()
![]()