សមត្ថកិច្ចខេត្តបន្ទាយមានជ័យអនុវត្តន៍លើសបញ្ជារសម្តេចតេជោធ្វើឲ្យរាស្ត្រក្តៅក្រហាយដូចកំពុងហែកសន្លឹកឆ្នោតគណបក្សប្រជាជនកម្ពុជា

បន្ទាយមានជ័យ:   កន្ទេលធំបន្លំដេក ក្បាលទំពែក បន្លំកោរ ជាសុភាសិត មួយឃ្លា​ ដែលចាស់បុរាណបានចងក្រង តែមកដល់ថ្មីៗនេះ សមត្ថកិច្ច ខេត្ត បន្ទាយមានជ័យ ។ យកប្រើដើម្បី ប្រមូលផលប្រយោជន៍ ផ្ទាល់ខ្លួន។ស្របពេល ដែល សម្តេចតេជោ ហ៊ុនសែន ដាក់បទបញ្ជារអោយ អាជ្ញាធរ ខេត្តនិងស្រុកទូទាំងប្រទេស អនុវត្តន៍ បង្ក្រាប រថយន្ត ធុនធំតទ្រុង ខុស លក្ខណះ បច្ចេកទេស អោយខានតែបាន បែជានគរបាលចរាចរណ៍ខេត្ត នេះអនុវត្តន៍ លើសអនុសាសន៍សម្តេចដោយជំរិតទារប្រាក់ពីរថយន្តដឹកទំនិញគ្រប់ប្រភេទដែលឆ្លងកាត់ដើម្បីយកលុយដាក់ហោប៉ៅធ្វើអោយរាស្ត្រក្តៅក្រហាយដូចហែកសន្លឹកឆ្នោតគណបក្សប្រជាជនកម្ពុជា។

ប្រជាពលរដ្ឋ អ្នករកស៊ី ដឹកទំនិញ ពីក្រុងប៉ោយប៉ែត មកកាន់ខេត្ត បន្ទាយមានជ័យ បានត្អូញត្អែរ ប្រាប់ អ្នកសារព័ត៌មានខ្មែរជាយដែន ថា​:  តាំងពី មាន អនុសាសន៍ របស់ សម្តេច តេជោ ហ៊ុនសែន អោយអាជ្ញាធរ សមត្ថកិច្ច គ្រប់ខេត្ត ក្រុងក្នុង ព្រះរាជាណាចក្រ កម្ពុជា បង្ក្រាប​រថយន្តធុនធំ តទ្រុងខុសលក្ខណះ  បច្ចេកទេសចាប់ពី ម៉ោង០០ ថ្ងៃ០៩ ខែកុម្ភះ ឆ្នាំ ២០១៨ នេះតទៅ បើសិនជាមានមន្ត្រីអ្នកមានអំណាចណាមួយ ហ៊ានកាងមិនព្រមអនុវត្តន៍ គឺប្រឈមនិងការដកបុណ្យ

សក្កិនិងមុខតំណែងផងដែរ។គ្រាន់តែសម្តេចប្រកាសមិនបានប៉ុន្មានម៉ោងផងឃើញលោក អុំរាត្រី អភិបាលរងខេត្ត នេះបានប្រជុំបង្កើតគណះកម្មការចំរុះចុះបង្ក្រាបភ្លែតតែម្តង។ តែអ្វីដែលធ្វើអោយគេហួសចិត្ត នោះគឺ ការអនុវត្តន៍នេះបែជាលើសបទបញ្ជារ សម្តេច តេជោទៅទៀត។ ដោយកាក់ទាំងរថយន្តទាំងតូចទាំងធំសុំលុយដាក់ហោប៉ៅយ៉ាងត្រជាក់ចិត្ត។ប្រភពបន្តអោយដឹងទៀតថា; រថយន្តកាមរីតាក់ស៊ីមិនថាដឹកមនុស្សឬដឹកទំនិញ គឺលោកប៉ូលីសចរាចរណ៍ ទារប្រាក់ចំនួន១០០០០រៀល (មួយម៉ឺនរៀល)។ដែលធ្វើឲ្យពួកគាត់ ហួសចិត្តមែនទែនព្រោះតែសមត្ថកិច្ចខេត្តសៀមរាបគេអនុវត្តន៍តាមអនុសាសន៍របស់សម្តេចតេជោហ៊ុនសែនបានត្រឹមត្រូវដោយគេធ្វើការបង្ក្រាបតែចំពោះរថយន្ត ធុនធំ តទ្រុង ខុសើលក្ខណះ បច្ចទេសប៉ុណ្ណោះ ចំពោះរថយន្ត តាក់ស៊ីដឹកទំនិញគេមិនបានកាក់ទារប្រាក់ឡើយ។

ទោះជាយ៉ាងណាមជ្ឈដ្ឋាននានា បានលើកឡើងថាសមត្ថកិច្ច ខេត្ត បន្ទាយមានជ័យ កំពុងតែយកស្នៀតកន្ទៀលធំបន្លំដេក ក្បាលទំពែក បន្លំកោរ ជាសុភាសិត មួយឃ្លា​ ដែលចាស់បុរាណបានចងក្រង ទុកនោះមកប្រើ ដើម្បី ប្រមូលផលប្រយោជន៍ ផ្ទាល់ខ្លួន។ស្របពេល ដែល សម្តេចតេជោ ហ៊ុនសែន ដាក់បទបញ្ជារអោយ អាជ្ញាធរ ខេត្តនិងស្រុកទូទាំងប្រទេស អនុវត្តន៍ បង្ក្រាប រថយន្ត ធុនធំតទ្រុង ខុស លក្ខណះ បច្ចេកទេស អោយខានតែបាន បែជានគរបាលចរាចរណ៍ខេត្ត នេះអនុវត្តន៍ លើសអនុសាសន៍សម្តេចដោយជំរិតទារប្រាក់ពីរថយន្តដឹកទំនិញគ្រប់ប្រភេទដែលឆ្លងកាត់ដើម្បីយកលុយដាក់ហោប៉ៅធ្វើអោយរាស្ត្រក្តៅក្រហាយដូចហែកសន្លឹកឆ្នោតគណបក្សប្រជាជនកម្ពុជាតែប៉ុណ្ណោះ។