ប្រជាពលរដ្ឋរិះគន់ថាប៉េអ៊ឺមទំនើងដោយសារមេកាង
បន្ទាយមានជ័យ: ប្រជាពលរដ្ឋ ក្រុងប៉ោយប៉ែត រិះគន់ មេបញ្ជាការ កងរាជអាវុធហត្ថខេត្ត បន្ទាយមានជ័យ ថា: ជួយបិទបាំងរឿងអាស្រូវរបស់កូនចៅដូចកំពុងជម្រុញឲ្យកូនចៅបានប្រព្រឹត្ត បទល្មើសផ្សេងៗនិង ប្រើអំពើរហឹង្សា លើប្រជាពលរដ្ឋតាមចិត្ត។
ប្រភព ព័ត៌មានបានរាយការណ៍ឲ្យអ្នកសារព័ត៌មាន ខ្មែរជាយដែន ដឹងថា: បច្ចុប្បន្ន នេះ កងកម្លាំង កងរាជអាវុធហត្ថខេត្ត បន្ទាយ មានជ័យ ក្រោមការគ្រប់គ្រង របស់ លោក ឧត្តមសេនិយ៍ ត្រី បោនប៊ិន កំពុងតែបានភាពអនាធិបតេយ្យ ខ្លាំងជាងសម័យ លោកឧត្តមសេនិយ៍ ត្រីឱបូរិន្ទ ទៅទៀត។ ដោយសាតែ មានការបើកដៃ ពីមេបញ្ជាការខេត្តនេះហើយបានជា កូនចៅ ហ៊ានប្រព្រឹត្ត បទល្មើសនិង ប្រើអំពើរហឹង្សាមកលើប្រជាពលរដ្ឋតាមទំនើងចិត្តតែម្តង។
ប្រភព បានបន្តឲ្យដឹងទៀតថា:ថ្មីៗនេះបែកធ្លាយរឿងអាស្រូវសមត្ថកិច្ច (អាវុធហត្ថ)ក្រុងប៉ោយប៉ែត មួយក្រុម ព្រួតវាយធ្វើបាប បុរសម្នាក់រងរបួសធ្ងន់រហូតដាច់ពោះវៀន បន្ទាប់ពីមានជម្លោះពាក្យសំដីបន្តិចបន្តួចមួយកាលពីចុងខែមករា ឆ្នាំ២០១៨ ក្នុងកម្មវិធីនៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត។
ជួបជាមួយអ្នកសារព័ត៌មានខ្មែរជាយដែន កាលពីថ្ងៃទី១៣ខែកុម្ភះឆ្នាំ ២០១៨ នៅក្នុងពេលដែលមកសម្រាកព្យាបាល នៅក្នុង មន្ទីពេទ្យ មិត្តភាព កម្ពុជា-ជប៉ុនស្រុកមង្គលបូរីឈ្មោះ សាន គឹមសេង ភេទប្រុស អាយុ២៤ឆ្នាំ ជាកម្មករ មានទីលំនៅភូមិក្បាលស្ពាន២សង្កាត់ និងក្រុងប៉ោយប៉ែតខេត្តបន្ទាយមានជ័យ។បានអះអាងថា រូបគេ ពេលនេះមិនទាន់ជាសះស្បើយនៅឡើយទេក្រោយពីចេញពីមន្ទីពេទ្យ មួយរយះ ជម្ងឺក៏បានរើឡើង វិញ។ដោយពោះវៀនមិនដំណើរការ ដូចដើម ទើបពេទ្យអោយទៅសម្រាកព្យាបាលបន្ត។រូបគេនិយាយ ទាំងឈឺចាប់ថា ប៉េអ៊ឹម សម័យនេះពិតជា ឃោឃៅមែន មិននិយាយខុសត្រូវ សោះបានព្រួតគ្នាមកវាយ រូបខ្លួនទាំងហ្វូងតែម្តង។
រូបគេបញ្ជាក់ថា នៅថ្ងៃទី២១ខែមករាឆ្នាំ២០១៨ មានការប្រគំតន្ត្រី របស់ ទូរទស្សន៍ បាយ័ន្ត ហើយនៅម៉ោងជាង៩យប់ថ្ងៃដដែលក៏មានករណីផ្ទុះជម្លោះ គឺបងប្រុសបង្កើតរបស់ខ្លួនឈ្មោះ សាន គឹមសែន ភេទប្រុស អាយុ២៨ឆ្នាំ ផ្ទុះជម្លោះជាមួយអ្នកយាមកម្មវិធី។
ជនរងគ្រោះបន្តថា ដោយសារឃើញជម្លោះប្រវាយប្រតប់រវាងបងប្រុស និងអ្នកយាមកម្មវិធីនោះ ខ្លួនក៏បានស្ទុះទៅឃាត់ ព្រោះមិនចង់ឲ្យមានបញ្ហាកើតឡើង តែដឹងអីភាគីម្ខាងសង្ស័យមានខ្សែទុយោបានរាយការណ៍ទៅសមត្ថកិច្ច ។ មួយសន្ទុះក្រោយមកស្រាប់តែមានសមត្ថកិច្ចមួយក្រុមចុះដល់កន្លែងកើតហេតុ មិនសួរនាំអ្វីទាំងអស់ បែរជាចាប់បងប្រុសរបស់ខ្លួនវាយខ្នោះ ហើយខ្លួនដែលរារាំងសមត្ថកិច្ចត្រូវគេព្រួតវាយទាត់ធាក់ រហូតរបួសធ្ងន់ធ្ងរដាច់ពោះវៀន និងត្រូវបញ្ជូនទៅមន្ទីរពេទ្យមង្គលបូរីតែម្តង។ ជនរងគ្រោះបញ្ជាក់ថាដំបូងឡើយខ្លួនមិនចង់ដាក់បណ្តឹងទាមទាររកយុត្តិធម៌ទេព្រោះយល់ថា គេជាសមត្ថកិច្ច ឯគ្រួសារខ្លួនជាអ្នកក្រខ្លាចមិនឈ្នះគេ។
តែ មកដល់ពេលនេះនឹកឃើញភាពព្រៃផ្សៃរបស់ប៉េអ៊ឹមដែលមបំពានច្បាប់បែបនេះហើយមេបែជាកាន់ជើងជួយលាក់បាំងទៀតធ្វើអោយគាត់អត់ទ្រាំលែងបានកំពុងរៀបចំដាក់បណ្តឹងទៅតុលាការនិងអង្គការក្រៅរដ្ឋាភិបាលអោយជួយអន្តារគមន៍វិញម្តង។
ទោះជាយ៉ាងណា ប្រជាពលរដ្ឋ រស់នៅក្រុងប៉ោយប៉ែត បានលើក ឡើងថា មេបញ្ជាការ កងរាជអាវុធហត្ថខេត្ត បន្ទាយមានជ័យ ជួយបិទបាំងរឿងអាស្រូវរបស់កូនចៅដូចកំពុងជម្រុញឲ្យកូនចៅបានប្រព្រឹត្ត បទល្មើសផ្សេងៗនិង ប្រើអំពើរហឹង្សា លើប្រជាពលរដ្ឋតាមចិត្ត។ ពួកគាត់បញ្ជាក់ថា សព្វថ្ងៃនេះ មន្ត្រី កងរាជអាវុធហត្ថ ខេត្តបន្ទាយជ័យមួយចំនួន កំពុងតែ ប្រព្រឹត្តបទល្មើសពាក់ព័ន្ធនិងការ បើកល្បែង អនឡាញ នៅក្នុងក្រុងប៉ោយប៉ែតដោយមានការបិទបាំងពីលោកបោនប៊ិនដូចជា លោក ម៉ែន ភិរម្យ ប៊ុនណាំអៀងហៅបារាំង លោក រស់សាហាន សូម្បីតែលោកនួន នីណារ៉ូ ដែលជា មេបញ្ជាការកងរាជអាវុធហត្ថក្រុងប៉ោយក៏ជាប់ពាក់ព័ន្ធនិងការបើកបនល្បែងអនឡាញដែលជួលកន្លែងលោក បោនប៊ិនដែលជាមេបញ្ជាការកងរាជអាវុធហត្ថខេត្តបន្ទាយមានជ័យផ្ទាល់តែម្តង៕
![]()
![]()
![]()