គ្រោះថ្នាក់ចរាចរណ៍កាណូតបុកនិងកាណូតបណ្តាលឱ្យរងរបួសធ្ងន់ម្នាក់!
ខេត្តបាត់ដំបង ៖យ៉ាងហោចណាស់បុរសវ័យចំណាស់ម្នាក់ រងរបួសធ្ងន់បែកក្បាលត្រូវគ្រូពេទ្យដេរ១៤ថ្នេរក្នុងឧប្បត្តិហេតុគ្រោះថ្នាក់ចរាចរណ៍កាណូតបុកនិងកាណូតលើផ្ទៃទឹកបឹងទន្លេរសាប។
ហេតុការណ៍នេះបានកើតឡើងកាលពីវេលាម៉ោង ៧ និង១៥នាទីថ្ងៃទី១៦ខែកុម្ភៈឆ្នាំ២០១៨នៅលើផ្ទៃទឹកបឹងទន្លេសាបក្នុងភូមិសាស្រ្តភូមិ ព្រែកទាល់ ឃុំកោះជីវាំង ស្រុកឯកភ្នំខេត្តបាត់ដំបង។
សមត្ថកិច្ចបានអោយដឹងថា៖មានគ្រោះថ្នាក់មួយបង្ករឡើងដោយកាណូតបុកនិងកាណូតបណ្តាលឱ្យមនុស្សម្នាក់រងរបួសធ្ងន់ជនរងគ្រោះជិះលើកាណូតម្នាក់ត្រូវបានគេដឹកបញ្ជូនយកទៅសង្រ្គោះជីវិតនៅមន្ទីរពេទ្យ។សេចក្តីរាយការណ៍ឱ្យដឹងថាៈគ្រោះថ្នាក់ចរាចរណ៍លើផ្ទៃទឹកបឹងទន្លេសាបរវាងកាណូតស្មាច់ ( កម្លាំង១៨សេះ ) ជាមួយនឹងកាណូតម៉ាស្តា ( កម្លាំង៣០សេះ ) បើកបរនេសាទត្រី ដែលបង្កឡើងដោយឈ្មោះ សុខ ជុំ ភេទ ប្រុស អាយុ ១៦ ឆ្នាំ មុខរបរ នេសាទ រស់នៅភូមិឃុំខាងលើ ( អ្នកបើកកាណូតម៉ាស្តា )។
សេចក្តីរាយការណ៍ឱ្យដឹងទៀតថាៈនៅមុនពេលកើតហេតុគឺ ជនរងគ្រោះឈ្មោះ កុង ហឿង ភេទប្រុស អាយុ ៦៥ឆ្នាំ មុខរបរ នេសាទ្រ រស់នៅភូមិឃុំជាមួយគ្នាកំពុងបើកកាណូតដើម្បីនេសាទត្រីតែម្នាក់ឯងនៅភូមិសាស្រ្តខាងលើ ។
លុះបន្ទាប់មកក៏ស្រាប់តែមានកាណូតម៉ាស្តារបស់ជនបង្ក បានបើកយ៉ាងលឿន ហើយបានជ្រុលទៅបុកពីចំហៀងទៅលើកាណូតជនរងគ្រោះ បណ្តាលឱ្យគ្រឡាប់ផ្ងាក្រោយជនរងគ្រោះបោកក្បាលទៅនឹងដែកកាណូត បែកក្បាលត្រូវគ្រូពេទ្យដេរ១៤ថ្នេរ ។ចំណែកាណូតនិងអ្នកបើកបរបង្កមិនបង្កគ្រោះថ្នាក់នោះទេ។សេចក្តីរាយការណ៍ឱ្យដឹងទៀតថាៈ បច្ចុប្បន្ន ជនរងគ្រោះត្រូវបានសាច់ញាតិយកទៅសម្រាកព្យាបាលនៅឯមន្ទីរពេទ្យ ខេត្តសៀមរាប។ ចំណែកកាណូតទាំងពីរគ្រឿងត្រូវបានសមត្ថកិច្ចនាំយកទៅរក្សាទុកនៅ ស្នាក់ការនគរបាលចរាចរណ៍ជើងទឹក ដើម្បីរង់ចាំធ្វើការដោះស្រាយតាមផ្លូវច្បាប់៕
![]()
![]()
![]()