ប៉េអ៊ឹមប៉ោយប៉ែត១០នាក់ព្រួតគ្នាវាយទាត់ធាក់យុវជនម្នាក់ដាច់ពោះវៀនហើយគំរាមមិនអោយគេប្តឹងទៀត!!
បន្ទាយមានជ័យ: អុញនោះពេលនេះរឿងកាន់តែធំទៅៗ ហើយ ការបកស្រាយ របស់លោក នួននីណារ៉ូ មេបញ្ជារការ កងរាជអាវុធហត្ថ ក្រុងប៉ោយប៉ែត ការពារ កូនចៅ រឿងប្រជាពលរដ្ឋ ចោទ ប្រកាន់ថា ប៉េអឹមក្រុងប៉ោយប៉ែត ១០នាក់ព្រួតគ្នា វាយទាត់ធាក់ យុវជនម្នាក់ រង របួសធ្ងន់ដាច់ពោះវៀន ៣កំណាត់ នោះ ពេលនេះជនរងគ្រោះ ត្រូវបានសាច់ញាតិ នាំមកកាន់
ស្នាក់ការសមាគមន៍កាពារសិទ្ធិមនុស្សអាដហុកខេត្តបន្ទាយមានជ័យដើម្បីអោយជួយ អន្តារគមន៍រៀបចំដាក់ពាក្យបណ្តឹងទៅតុលាការបើទោះបីមានការគំរាមកំហែងពីសំណាក់កងរាជអាវុធហត្ថ ថាមិនអោយជនរងគ្រោះប្តឹងយ៉ាងណាក៏ដោយ។
កាលពី ព្រឹក ថ្ងៃទី ១៩ ខែ កុម្ភ: ឆ្នាំ ២០១៨ នេះ សាច់ញាតិ ជនរងគ្រោះ ដែលអះអាងថា ត្រូវបាន
កងកម្លាំងកងរាជអាវុធហត្ថក្រុងប៉ោយប៉ែតមួយក្រុមមានគ្នា១០នាក់ដែលបានវាយទាត់ធាក់បណ្តាលឲ្យដាច់ពោះវៀនជា៣កំណាត់អស់រយ:ពេលជិត១ខែមកហើយមិនទាន់ទទួលបានយុត្តិធម៌នោះពេលនេះត្រូវបាន សាច់ញាតិ នាំមកកាន់ស្នាក់ការ សមាគមន៍ កាពារសិទ្ធិមនុស្ស អាដហុកប្រចាំ ខេត្ត បន្ទាយមានជ័យដើម្បីអោយជួយអន្តារគមន៍។
គួរបញ្ជាក់ថា: ជនរងគ្រោះខាងលើឈ្មោះ សាន គឹមសេង ភេទប្រុស អាយុ២៤ឆ្នាំ ជាកម្មករ មានទីលំនៅភូមិក្បាលស្ពាន២សង្កាត់ និងក្រុងប៉ោយប៉ែត។ ជនរងគ្រោះបានរងរបួសចំណុចត្រង់ពោះត្រូវវះកាត់ដេរជាច្រើនថ្នេរនៅមន្ទីរពេទ្យមិត្តភាពកម្ពុជា-ជប៉ុនមង្គលបូរី។
ជុំវិញបញ្ហាខាងលើនេះ ជនរងគ្រោះអះអាងថា កាលពីយប់ថ្ងៃទី២១មករា មានការប្រគំតន្ត្រីស្រាបៀរមួយនៅក្នុងភូមិ-កើតហេតុខាងលើ លុះម៉ោងជាង៩យប់ថ្ងៃដដែលមានករណីផ្ទុះជម្លោះ គឺបងប្រុសបង្កើតរបស់ខ្លួនឈ្មោះ សាន គឹមសែន ភេទប្រុស អាយុ២៨ឆ្នាំ ផ្ទុះជម្លោះជាមួយអ្នកយាមកម្មវិធី។
ជនរងគ្រោះបន្តថា ដោយសារឃើញជម្លោះប្រវាយប្រតប់រវាងបងប្រុស និងអ្នកយាមកម្មវិធីនោះ ខ្លួនក៏បានស្ទុះទៅឃាត់ ព្រោះមិនចង់ឲ្យមានបញ្ហាកើតឡើង តែដឹងអីភាគីម្ខាងសង្ស័យមានខ្សែទុយោបានរាយការណ៍ទៅសមត្ថកិច្ច ។ មួយសន្ទុះក្រោយមកស្រាប់តែមានសមត្ថកិច្ចមួយក្រុមចុះដល់កន្លែងកើតហេតុ មិនសួរនាំអ្វីទាំងអស់ បែរជាចាប់បងប្រុសរបស់ខ្លួនវាយខ្នោះហើយខ្លួនដែលរារាំងសមត្ថកិច្ចPMក្រុងប៉ោយប៉ែតមិនអោយចាប់បងប្រុស ស្រាប់PM មួយក្រុមដែលមានគ្នា ១០នាក់នោះចោមរោមព្រួតគ្នាវាយទាត់ធាក់ពេលដួលប្រើស្បែកជើងម៉ៃហ្វកទាត់ឈូស ចំ ពោះរហូតរបួសធ្ងន់ធ្ងរដាច់ពោះវៀននិងត្រូវបញ្ជូនទៅមន្ទីរពេទ្យបង្អែកក្រុងប៉ោយប៉ែតសង្គ្រោះបឋមដោយរបួសធ្ងន់ពេកត្រូវគេបញ្ជូនមកកាន់ មន្ទីពេទ្យបង្អែកមិត្តភាព កម្ពុជា ជប៉ុន ស្រុកមង្គលបូរី បន្ត។
ជនរងគ្រោះប្រាប់ថា ខ្លួនចង់ដាក់បណ្តឹងទាមទាររកយុត្តិធម៌ដែរ ប៉ុន្តែមិនហ៊ាន ព្រោះយល់ថា គេជាសមត្ថកិច្ច ឯគ្រួសារខ្លួនជាអ្នកក្រខ្លាចមិនអាចទទួលបានភាពយុត្តិធម៌។សុខចិត្ត វ័ណ្ឌ ក ដោយសារចងការប្រាក់គេមកមើលជម្ងឺកូនអស់ជាង១០០០ដុល្លា ។ដោយសារភាពព្រៃផ្សៃ របស់ មន្ត្រី កងរាជអាវុធហត្ថក្រុងប៉ោយប៉ែតនេះបានបែកធ្លាយក្រោយពីមានសារព័ត៌មានក្នុងស្រុកបានចុះផ្សាយជាបន្តបន្ទាប់ធ្វើអោយផ្អើលដល់សមត្ថកិច្ច កងរាជអាវុធហត្ថ ក្រុងប៉ោយប៉ែតក៏បានទៅជួប ហ្នឹងម្តាយជនរងគ្រោះស្មានតែ ជួយ រកយុត្តិធម៌អោយបែទៅគំរាមជនរងគ្រោះ បន្ថែមទៀតថាកុំអោយ ប្តឹង។
ស្របពេលនោះដែរបែជាលោក នួននីណារ៉ូ មេប៉េអ៊ឹម ក្រុងប៉ោយប៉ែត ឆ្លើយបដិសេធ ដោយ បកស្រាយតាមរយះ សារព័ត៌មាន ក្នុងស្រុកមួយចំនួន ពាក់ព័ន្ធទៅនឹងករណី ខាងលើនេះដែរ លោកនួន នីណារ៉ូ មេបញ្ជាការ មូលដ្ឋានកងរាជអវុធហត្ថ ក្រុងប៉ោយប៉ែត បានប្រាប់អង្គភាព នាគមាសព័ត៌មានថា៖ ចំពោះករណី ដែលពលរដ្ឋ ធ្វើការចោទប្រកាន់ កងកម្លាំងរបស់លោក គឺមិនមែនជាការពិតនោះទេ ហើយលោក តែងតែ ណែនាំ ដល់កងកម្លាំងរបស់លោក ក្នុងមូលដ្ឋាន ឱ្យសហការណ៍ ជាមួយនឹង ពលរដ្ឋជានិច្ច គឺមិនឱ្យមានហឹង្សា ទៅលើ បុគ្គលណាម្នាក់ នោះឡើយ ។
លោកនួន នីណារ៉ូ បានបន្តទៀតថា៖ បើសិន ជា កងកម្លាំងរបស់លោក បានប្រព្រឹត្ត មែននោះ លោកនឹង អនុវត្តទៅតាមផែនការ ច្បាប់របស់អង្គភាព នឹងធ្វើការដាក់ទោស ទៅលើបុគ្គលនោះ ជាក់ជា មិនខាននោះឡើយ ។ ដោយមើលឃើញនៅភាពមិនទទួលខុសត្រូវនឹងកាងកូនចៅបែបនេះធ្វើអោយក្រុមគ្រួសារសាច់ញាតិជនរងគ្រោះមិនអស់ចិត្តក៏បាននាំគ្នាមកកាន់ស្នាក់ការសមាគមន៍ការពារសិទ្ធិមនុស្សអាដហុកដើម្បីសុំការអន្តារគមន៍រៀបចំនិតិវិធីបណ្តឹងទៅតុលការដើម្បីទាមទាររកយុត្តិធម៌តែម្តង។
ទោះជាយ៉ាងណា លោក ស៊ុំច័ន្ទគា អ្នកសម្របសម្រួល សិទ្ធិមនុស្សនៃ សមាគមន៍ អាដហុកប្រចាំខេត្ត បន្ទាយមានជ័យ បានអោយដឹងថា ពេលនេះ លោកបានទទួលបណ្តឹង ពីជនរងគ្រោះ និងសាច់ញាតិជនរងគ្រោះ ដែលត្រូវបានកម្លាំងអាវុធហត្ថក្រុងប៉ោយ ប៉ែតមួយក្រុមមានគ្នា១០នាក់ព្រួតគ្នាវាយទាត់ធាក់របួសធ្ងន់ដាច់ពោះវៀន៣កំណាត់នេះហើយៗលោកក៏កំពុងតែចុះអង្កេតលើករណីនេះផងដែរ។
ក្នុងនោះក្រុមកាងាររបស់លោកក៏កំពុងរៀបចំឯកសារនិតិវិធីធ្វើបណ្តឹងជូនជនរងគ្រោះទៅតុលាការផងដែរ។លោក បញ្ជាក់ថា កំហុសទី១ គឺ ខ្លួនជា កងកម្លាំងសមត្ថកិច្ចមិនគួរណាប្រើអំពើរហឹង្សាមកលើជនស្លូតត្រង់ដែលជាអំពើរហឹង្សាដោយចេតនាមានស្ថានទំងន់ទោស។ហើយកំហុសទី២គឺបទគំរាមមិនអោយគេប្តឹងក៏ជាបទល្មើសមួយទៀតគួរតែតុលាការចាត់ការបន្ទាន់កុំអោយមជ្ឈដ្ឋាននានាគេចោទប្រកាន់ថា តុលាការមានស្តងដារពីរ៕
![]()
![]()
![]()