ដោយមិនទាន់ទទួលដំណឹងជាវិជ្ជមាន ធ្វើបាតុកម្មបន្ត

បន្ទាយមានជ័យៈ កាលពីថ្ងៃទី ១៩ ខែ កុម្ភៈ ឆ្នាំ២០១៨ ប្រជាពលរដ្ឋរងគ្រោះ ដោយសារតែស្ថាបនាផ្លូវរថភ្លើង បានធ្វើបាតុកម្មអហិង្សា ដើម្បីឲ្យលោកអភិបាលក្រុង​ប៉ោយប៉ែត ខេត្តបន្ទាយមានជ័យ ដោះស្រាយសំណងជូនពួកគាត់ឲ្យបានឆាប់ ។

ប្រជាពលរដ្ឋរងគ្រោះ ដោយសារតែការស្ថាបនាផ្លូវដែក តភ្ជាប់កម្ពុជា ថៃ បាននាំគ្នាធ្វើបាតុកម្មអហិង្សា ដើម្បីជាសារជូនដល់ លោកអភិបាលក្រុងប៉ោយប៉ែត ថាពួកគាត់ត្រូវការលំនៅដ្ឋានជាចាំបាច់ ។ កន្លងមកលោក អភិបាល ក្រុងប៉ោយប៉ែត សាន ស៊ានហូ ធ្លាប់បានសន្យាជាមួយប្រជាពលរដ្ឋយ៉ាងច្បាស់ថា លោកមិនអាចឲ្យរថភ្លើងបើក ប៉ៈពាល់ដល់លំនៅដ្ឋានរបស់ប្រជាពលរដ្ឋឡើយ ។  ក្នុងសកម្មភាពលោកអភិបាលក្រុងកន្លងមក កំពុងតែសង្គ្រោះ ក្រុងប៉ោយប៉ែត ចេញពីគំនរសំរាម និង ភក់ជ្រាំ ហើយក្លាយជាក្រុងស្អាត ប្រដំប្រសងជាមួយនិងប្រទេសជិតខាង ។

ក្នុងការធ្វើបាតុកម្មអហិង្សាជាបន្តបន្ទាប់នេះ មិនមានមន្ត្រី ណាមួយ ដែលអាចលើកហេតុផល ដើម្បីឲ្យប្រជាពល រដ្ឋបានយល់ឡើយ មានតែលោក អភិបាលក្រុង តែម្នាក់ ។ ប្រជាពលរដ្ឋនៅតែមានការព្រួយបារម្ភ ចំពោះការដោះ ស្រាយសំណងគោលនយោបាយ ជូនដល់ពួកគាត់ ដោយសារតែ ដំណើរការស្ថាបនាផ្លូវរថភ្លើងមានល្បឿនជាង លោកអភិបាលក្រុងប៉ោយប៉ែត ដោះស្រាយជូនប្រជាពលរដ្ឋ ៕