ក្រុមហ៊ុនចិនធ្វើផ្លូវខ្ជីខ្ជារដាក់របាំងបិតផ្លូវនៅពេលយប់មិនដាក់ស្លាកសញ្ញានិងភ្លើងបំភ្លឺប្រជាពលរដ្ឋសំណូមពរអោយសមត្ថកិច្ចអាជ្ញាធរក្រុងប៉ោយប៉ែតយកចិត្តទុកដាក់កុំឲ្យគ្រោះថ្នាក់ដល់អ្នកដំណើរ!
បន្ទាយមានជ័យ: ប្រជាពលរដ្ឋរស់ នៅក្រុងប៉ោយប៉ែត បានធ្វើការ រិះ គន់ ដល់ ក្រុមហ៊ុន ចិនដែលស្ថាបនា ផ្លូវជាតិលេខ៥៨ (ផ្លូវក្រវ៉ាត់ ព្រំដែន) ថាធ្វើការខ្ជីខ្ជារដាក់របាំងកណ្តាលផ្លូវនៅពេលយប់ មិនដាក់ស្លាកសញ្ញា និងភ្លើងបំភ្លឺធ្វើអោយអ្នកធ្វើដំណើរមើល មិនឃើញពេលខ្លះ អាចនឹងបង្ករជាគ្រោះថ្នាក់ចរាចរណ៍ថែមទៀតផង។
ប្រភព ព័ត៌មាន ពីប្រជាពលរដ្ឋ បានរាយការណ៍ ឲ្យ ដឹងថា ក្រុមហ៊ុន ចិន ដែលស្ថាបនា ផ្លូវជាតិ លេខ៥៨ ផ្លូវ ព្រំដែន ដែលតភ្ជាប់ ជាមួយផ្លូវ ជាតិ លេខ៥ ត្រង់ចំណុច ភូមិ ស្ទឹងបត់ សង្កាត់ផ្សារកលណ្តាល ក្រុង ប៉ោយប៉ែត បន្ទាយមានជ័យ។
ដែលកំពុងតែធ្វើរង្វង់មូលលើផ្លូវជាតិលេខ៥ដែលផ្លូវនេះមានអ្នកដំណើរស្កាត់មកពីបណ្តា ខេត្ត ផ្សេងៗ ឆ្លងកាត់ ចូលមកក្រុងប៉ោយប៉ែតនិងពីទីក្រុងប៉ោយប៉ែត ទៅលេងស្រុកកំណើតជាពិសេសក្នុងឱកាស បុណ្យ ចូលឆ្នាំចិន តែម្តង។ ប្រជាពលរដ្ឋ ភាគច្រើនក្រោយ ពីសែនព្រេនតាមទំនៀមទំលាប់របស់បងប្អូនជនជាតិ ចិន-វៀតណាម ថ្ងៃបន្ទាប់ពួកគាត់ក៏បាន ដើរកំសាន្ត ទៅតាមរមណីយដ្ឋានផ្សេងៗដោយចេញ ពីទីក្រុងប៉ោយប៉ែតលុះយប់ទើបគាត់ធ្វើដំណើរត្រឡប់មកវិញ។ តែអ្វីដែលគួរអោយហួសចិត្ត នោះ ពេលថ្ងៃក្រុមហ៊ុនចិន ធ្វើផ្លូវ បានបើកអោយរថយន្តធ្វើចរាចរណ៍តាមបណ្តោយផ្លូវជាតិលេខ៥ធម្មតា លុះព្រលប់ៗបែជាកម្មករធ្វើផ្លូវនោះយករបាំង មកបិទផ្លូវត្រង់ដោយអោយបើកបរ វាង រង្វង់មូលដែលគេកំពុងស្ថាបនា តែគេសង្កេតឃើញថា នៅត្រង់ ចំណុចដាក់របាំងនោះងងឹតឈឹងគ្មានភ្លើងបំភ្លឺឬស្លាកសញ្ញាចរាចរណ៍ទេដែលធ្វើអោយមានឧបស័គ្គ ដល់អ្នកធ្វើដំណើរពេលខ្លះបុករបាំងបង្ករជាគ្រោះថ្នាក់ផ្សេងៗ ព្រោះតែភាពខ្ជីខ្ជារ របស់ក្រុមហ៊ុនចិន ធ្វើផ្លូវនេះជាញ៉ឹកញាប់ទៀតផង។
ជាចុងក្រោយពួកលគាត់សំណូមពរ ដល់ សមត្ថកិច្ច ពាក់ព័ន្ធ និង អាជ្ញាធរក្រុងប៉ោយប៉ែត គួរតែយកចិត្តទុកដាក់ពិនិត្យមើលត្រង់ ចំណុចការដ្ឋានសាងសង់ ជារង្វង់មូលតភ្ជាប់ពីផ្លូវ ជាតិ៥៨(ផ្លូវព្រំដែន)មកផ្លូវជាតិលេខ៥ ត្រង់ចំណុច ភូមិស្ទឹងបត់ សង្កាត់ផ្សារកណ្តាលក្រុងប៉ោយប៉ែត នេះផងទាន!ដោយឲ្យក្រុមហ៊ុនចិន ដាក់ស្លាកសញ្ញានិងភ្លើងបំភ្លឺត្រង់កន្លែងការដ្ឋានឲ្យបានត្រឹមត្រូវជាងវាងបង្ករជាគ្រោះថ្នាក់ដល់ប្រជាពលរដ្ឋ បន្តទៅទៀត៕
![]()
![]()
![]()