ជនសង្ស័យបីនាក់ពាក់ព័ន្ធនឹងអំពើរមនុស្សឃាត តុលាការខេត្តបន្ទាយមានជ័យ ដាក់ ឲ្យនៅក្រៅឃុំ ក្រសួងយុត្តិធម៌ស្នើឲ្យពិនិត្យនិងចាត់ការ ឡើងវិញ!
បន្ទាយមានជ័យ៖ អុញនោះពេលនេះកក្រើកទៀតហើយឯកឧត្តម«អង្គវង្សវឌ្ឍានា»រដ្ឋមន្ត្រីក្រសួងយុត្តិធម៌ បានស្នើអោយសាលាដំបូងខេត្ត បន្ទាយមានជ័យពិនិត្យនិងចាត់ការជាសមត្ថកិច្ចតាមនិតិវិធីច្បាប់ និងរាយការណ៍ បំភ្លឺមក ក្រសួងដើម្បី ក្រសួងមានមូលដ្ឋានចាត់ការបន្តក្នុងសំណុំរឿងប៉ុនប៉ងមនុស្សឃាត និងគំរាមថានឹងសម្លាប់។
យោង តាមលិខិតលេខ០៤៤៨ របស់ក្រសួងយុត្តិធម៌ចុះថ្ងសអង្គា១៣រោច ខែមាឃ ឆ្នាំរកានព្វស័ក ព.ស.២៥៦១ ត្រូវនិងថ្ងៃទី១៣ខែ កុម្ភៈឆ្នាំ២០១៨បានជម្រាបមកសាលាដំបូងខេត្តបន្ទាយមានជ័យនោះដោយយោងតាមពាក្យបណ្ដឹងរបស់ជនរងគ្រោះឈ្មោះកៅសេងអានមានទីលំនៅនៅភូមិសាមគ្គីមានជ័យសង្កាត់ប៉ោយបតក្រុងប៉ោយប៉ែតខេត្តបន្ទាយមានជ័យ។
ត្រូវបានឈ្មោះអ៊ុងម៉ាប់និងបក្ខពួកឈ្មោះអ៊ុង សុខឃី និងឈ្មោះមុំរតនាមានទីលំនៅភូមិសាមគ្គីមានជ័យ
សង្កាត់និងក្រុងប៉ោយប៉ែតខេត្តបន្ទាយមានជ័យបានយកកាំបិតធ្វើសកម្មភាពប៉ុនប៉ងមនុស្សឃាតនិងគំរាមថានឹងសម្លាប់មកលើឈ្មោះកៅ សេងអាន កាលពីថ្ងៃទី 18 ខែ 3 ឆ្នាំ 2017 វេលាម៉ោង 9 និង 00 នាទីព្រឹកដែលប្រព្រឹត្តនៅភូមិសាមគ្គីមានជ័យសង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យក្នុងពេលកំពុងប្រព្រឹត្តឈ្មោះអ៊ុង ម៉ាប់ ឈ្មោះ អ៊ុង សុខឃី និងឈ្មោះមុំរតនាត្រូវបានកម្លាំងកងរាជអាវុធហត្ថចាប់ឃាត់ខ្លួនហើយបញ្ជូនទៅតុលាការខេត្តបន្ទាយមានជ័យចាត់ការតាមនីតិវិធីនៃច្បាប់ ។
ម្ចាស់បណ្ដឹងអះអាង បញ្ជាក់ថានៅថ្ងៃទី 19 ខែ 3ឆ្នាំ2017ជនដែលប្រព្រឹត្តិនោះបានត្រលប់មកនូវផលវិជ្ចហើយបង្ហាញអាកប្បកិរិយាគួរឲ្យភ័យខ្លាចធ្វើឱ្យរួចខ្លួនមានការព្រួយបារម្ភពីសុវត្ថិភាពយ៉ាងខ្លាំង។
ហេតុដូចនេះក្រសួងក៏ចាត់បញ្ជូនពាក្យសុំអនរាគមន៍និងឯកសារពាក់ព័ន្ធមកកាន់សាលាដំបូងខេត្តបន្ទាយមានជ័យពិនិត្យនិងចាត់ការជាសមត្ថកិច្ចតាមនិតិវិធីច្បាប់ និងរាយការណ៍ បំភ្លឺមក ក្រសួងដើម្បី ក្រសួង
មានមូលដ្ឋានចាត់ការបន្ត ។
ទោះជាយ៉ាងណាមហាជនកំពុងរងចាំមើលតើតុលាការ ខេត្តបន្ទាយមានជ័យដែលល្បីថាជាតុលាការគំរូ
ផ្ដល់យុត្តិធម៌ដល់ជនរងគ្រោះបានដល់កម្រិតណា៕
