លោកឧត្តមសេនីយ៍ត្រី ឃួន ជឿន វរៈសេនាតូច ៥០៣ កំពុងតែបំបាក់មុខមាត់ប្រទេសកម្ពុជា ដោយសារលួចបើក ច្រករបៀងចំនួន ០៦ ស្ងាត់​ៗ !

បន្ទាយមានជ័យៈ រឿងអាស្រូវបានផ្ទុះឡើង ដោយសារលោក ឃួន ជឿន ជាមន្ត្រីយោធាការពារព្រំដែន បានលួច បើកច្រៀករបៀង បញ្ចេញទំនិញគេចពន្ធ ដូចជាៈ ម៉ូតូ រថយន្តទំនើបៗ ឈើគ្រញូង ពូក និងទំនិញគេចពន្ធជាច្រើនទៀត ។ ចំណែក នាំចូលប្រទេសថៃវិញ នាំពលករចំណាក់ស្រុក មកពីបណ្តារខេត្តផ្សេងៗ ចូលតាមច្រករបៀងនោះ ។

លោក ឃួន ជឿន ជាមន្ត្រីយោធា ដែលមានលោក ប៊ុន សេង មេបញ្ជាការភូមិភាគ៥ ជាខ្នងបង្អែកនៅពីក្រោយ បាន ច្រករបៀង ដោយមិនខ្លាច ការណែនាំ សម្តេចក្រឡាហោម ស ខេង ជាឧបនាយកមន្ត្រី ជារដ្ឋមន្ត្រីក្រសួងមហាផ្ទៃ ដែលបានណែនាំឲ្យបិទច្រករបៀង តាមបណ្តោយព្រំដែន កម្ពុជា ថៃ មិនអនុញ្ញាតឲ្យជនណាមួយយកច្រករ​បៀង ធ្វើអាជីវកម្ម ឬ ពាណិជ្ជកម្មផ្ទាល់ខ្លួនឡើយ  ។ (សូមរង់ចាំអានបន្ត)

លោក ឃួន ជឿន ជាមន្ត្រីយោធាផង ជាអ្នកពាណិជ្ជកម្មផង  ដោយ បានគ្រប់គ្រងច្រក ចំនួន ០៦ ចាប់ពីសិលាខ្មែរ   ឃុំអូរបីជាន់ ស្រុកអូរជ្រៅ រហូតដល់ ច្រករបៀងចំការ គ ស្ថិតក្នុងភូមិសាស្ត្រស្រុកស្វាយចេក ខេត្តបន្ទាយមានជ័យ លោក ឃួន ជឿន បានលួចបើកច្រករបៀង ចំនួន ០៦ ច្រក នៅក្នុងភូមិសាស្ត្រខាងលើ មានៈ

១. ច្រករបៀងភូមិ សិលាខ្មែរ ស្ថិតនៅក្នុងឃុំអូរបីជាន់ ស្រុកអូរជ្រៅ

២. ច្រករបៀង ភូមិទំនប់ដាច់ ស្ថិតនៅក្នុងឃុំអូរបីជាន់ ស្រុកអូរជ្រៅ

៣. ច្រករបៀង គុម្ពឬស្សី ស្ថិតនៅក្នុងឃុំអូរបីជាន់ ស្រុកអូរជ្រៅ

៤. ច្រករបៀង ព្រៃច័ន្ទ ហៅ តំបន់ ៥ ស្ថិតនៅក្នុងឃុំអូរបីជាន់ ស្រុកអូរជ្រៅ

៥. ច្រករបៀង តោពីរ ហៅ តំបន់១ ស្ថិតនៅក្នុងឃុំអូរបីជាន់ ស្រុកអូរជ្រៅ

៦. ច្រករបៀងចំការគ ស្ថិតនៅក្នុងភូមិស្វាយចេក ស្រុកស្វាយចេក

នៅមានច្រករបៀងតូចៗជាច្រើនទៀត ដោយមិនទាន់រាប់ បញ្ចូលផង

ច្រករបៀងធំៗទាំង ៧ នេះ មានការចេញទំនិញគេចពន្ធ ដែលនាំឲ្យខាតបង់ថវិកាជាតិ ជាច្រើន  ដែលចេញពីប្រ ទេសថៃ ហើយនាំចូលពលករ ឆ្លងដែនខុសច្បាប់ ។

ច្រករបៀងធំៗទាំង ៦នេះ ក្នុងការគ្រប់គ្រងរបស់លោក ឃួន ជឿន បានលួចបើកច្រករបៀងស្ងាត់ៗ  ដើម្បីប្រមូល លុយកាក់ពីច្រករបៀងនោះ ដាក់ហោប៉ៅរបស់ខ្លួន ហើយនិងចែកជាមួយ លោក ប៊ុន សេង ជាខ្នងបង្អែករបស់ខ្លួន ទៀតផង ។ លោក ឃួន ជឿន បានច្រកទាំង៦ ស្ងាត់ៗនេះ បានប៉ៈពាល់ដល់កិត្តិយស របស់ប្រទេសកម្ពុជា យ៉ាង ខ្លាំង មានទំនិញខ្លះជាទំនិញខូចគុណភាព ដែលនាំឲ្យប៉ៈពាល់សុខភាព ប្រជាពលរដ្ឋកម្ពុជា ទំនិញគេចពន្ធគ្រប់ ប្រ ភេទ មានទាំងម៉ូតូ និងរថយន្តចង្កូតស្តាំ សេរីថ្មី ព្រមទាំឈើគ្រញូង កំពុងតែហូរចូលមក កម្ពុជា តាមច្រកអូរបីជាន់ ជាច្រកធំមួយ ដែលលោក ឃួន ជឿន គ្រប់គ្រងផងដែរ ។

ចំពោះច្រករបៀង ដែលចេញទំនិញតូចតាច មានតែច្រកគុម្ពឬស្សី មិនសូវចេញទំនិញធំដុំទេ តែក៏អាចទទួលបានលុយកាក់ អាចក្លាយជាអ្នកមានអ្នកបានផងដែរ  នេះគ្រាន់ជាច្រកតូចមួយ ។ ចំណែកច្រករបៀងធំៗ ចំនួន ៥ ទៀតនោះ ដែលមានទំនិញគេចពន្ធ ហូរចេញមកកម្ពុជា ដូចបាក់ទំនប់ ទាំងទំនិញផ្សេងៗ ម៉ូតូ រថយន្ត ។ ចំណែកនាំចូលទៅប្រទេសថៃវិញ មានពលករចំណាក់ស្រុកខុសច្បាប់  ភាគច្រើនពលករចំណាក់ស្រុកចូលតាមច្រកចំការគ ក្នុងឃុំ ស្វាយចេក ស្រុកស្វាយចេក ជាពលរដ្ឋ ទៅស៊ីឈ្នួលកាប់ឈើគ្រញូង នៅទឹកដីប្រទេសថៃ ។

ច្រកនីមួយៗ ដែលលោក ឃួន ជឿន លួចបើកច្រករបៀងស្ងាត់ៗនេះ បានមានការឃុបឃិតគ្នា ជាលក្ខណៈជាប្រព័ន្ធ  ទាំងភាគីថៃ និង ខាងភាគីខ្មែរ ។ ចំណែកភាគីខ្មែរមាន លោក ឧត្តមសេនីយ៍ ប៊ុន សេង មេបញ្ជាការយោធភូមិភាគ ៥ និង អាជ្ញាធរ ខេត្តបន្ទាយមានជ័យ ។ ចំណែក នៅ ប្រទេសថៃ មានយោធាថៃ ឬ តម្រួតថៃ នៅជាប់ព្រំដែនកម្ពុជា មានអាជ្ញាធរ ស្រុកអារញ្ញ ខេត្តស្រះកែវ ប្រទេសថៃ ជាអ្នកឃុបឃិតប្រព្រឹត្តបទល្មើសរួមគ្នា ។

សារព័ត៌មានខ្មែរជាយដែន នៅតែសង្ឃឹមថា រាជរដ្ឋាភិបាលកម្ពុជា ដែលមានសមាសភាព គ្រប់ជំនាញ រួមទាំងក្រ សួងការពារជាតិ ផងនោះ ពិនិត្យនឹងពិចារណា ទៅមន្ត្រីយោធា ដែលបានលួចបើកច្រករបៀងស្ងាត់ៗ ដែលកំពុង តែបំពានលើគោលនយោបាយរាជរដ្ឋាភិបាល និង បាត់បង់ចំណូលពន្ធរាប់សែនលាន ដុល្លារក្នុង១ខែ ព្រមទាំង ប៉ៈ ពាល់ដល់កិត្តិយស កេរ្តិ៍កម្ពុជា ឲ្យមន្ត្រីយោធា ការពារព្រំដែន បែរទៅជាលួចបើកច្រករបៀង ប្រព្រឹត្តបទល្មើស ទៅវិញ ៕