រថយន្តហាយឡិនឌ័រលួចបង្កប់ឈើរគ្រញូងជាប់អន្ទាក់សមត្ថកិច្ច!
ខេត្តកំពង់ចាម ៖ ឈើរប្រណិតគ្រញូង ចំនួន ៤១ដុំ ស្មើ ២៤១គីឡូត្រូវបានគេលួចបង្កប់ក្រោមបាតរថយន្ត ហាយឡិនឌ័រត្រូវបានកំលាំងការិយាល័យ នគរបាលប្រឆាំង បទល្មើសសេដ្ឋកិច្ច សហការជាមួយ កំលាំងជំនាញ ការិយាល័យ ចរាចរណ៍ជើងគោក បង្ក្រាបបាន កាលពីវេលាម៉ោង ៩និង១៥ នាទី ថ្ងៃទី១៩ ខែមីនា ឆ្នាំ២០១៨ ក្នុងភូមិសាស្ត្រ ភូមិវាលខ្សាច់ ឃុំរអាង ស្រុកកំពង់សៀម ខេត្តកំពង់ចាម។
ក្នុងប្រតិបត្តិការនេះសមត្ថកិច្ច ដកហូតវត្ថុតាង រួមមាន រថយន្ត ០១គ្រឿង ម៉ាកហាយឡិនឌ័រ ពណ៌ស ស្លាកលេខ ២A ៩២១៦និង ឈើប្រណិតគ្រញូង ចំនួន ៤១ដុំ ស្មើ ២៤១គីឡូ ហើយអំឡុងពេល បង្ក្រាបនោះ ម្ចាស់រថយន្ត បានរត់គេចខ្លួន បាត់ស្រមោល។ ចំពោះវត្ថុតាង សមត្ថកិច្ច បានប្រគល់ជូន មន្ត្រីជំនាញ រដ្ឋបាលព្រៃឈើ ដើម្បីចាត់ការបន្ត តាមនីតិវិធី៕
![]()
![]()
![]()