រថយន្តលុចស៊ីសRX៣៣០បែកកង់ក្រឡាប់ធ្លាក់ចូលស្នាមភ្លោះបណ្តាលអោយប្តីប្រពន្ធ២នាក់រងរបួសធ្ងន់!
ប៉ោយប៉ែត៖យ៉ាងហោចណាស់ប្តីប្រពន្ធ២នាក់រងរបួសធ្ងន់ត្រូវបានគេដឹកទៅសង្គ្រោះនៅមន្ទីរពេទ្យបាងកក ប្រទេសថៃខណៈពេលដែលរថយន្តលុចសុីសRX៣៣០បែកកង់ក្រឡាប់ធ្លាក់ចូលស្នាមភ្លោះ។
ហេតុការនេះបានកើតឡើងនៅវេលាម៉ោង១២និង៣០នាទីនៅថ្ងៃទី២០ខែមីនាឆ្នាំ២០១៨ស្ថិតនៅភូមិនិមិត្ត១ សង្កាត់និមិត្តក្រុងប៉ោយប៉ែតខេត្តបន្ទាយមានជ័យ។ ប្រភពបានប្រាប់ថា៖មុនពេលកើតហេតុគេឃើញ រថយន្តលុចស៊ីស RX.៣៣០ ពាក់ស្លាកលេខ ភ្នំពេញ2AI- 3180 ពណ៌ស បើកបរពីកើតទៅលិច ទិសដៅមកក្រុងប៉ោយប៉ែតស្រាប់តែរថយន្តបែកកង់មុខធ្វើអោយរ៉េចង្កូតធ្លាក់ក្រឡាប់ចូលស្នាមភ្លោះបណ្តាលអោយប្តីនិងប្រពន្ធរងរបួសធ្ងន់តែក្មួយប្រុសម្នាក់ទៀតសំណាងល្អមិនមានរងរបួសអ្វីឡើយ។
ជនរងគ្រោះទី១ឈ្មោះបូរិនអាយុ៣១ ឆ្នាំត្រូវជាប្ដី ទី ២ ឈ្មោះស្រីរ័ត្នអាយុ២៦ឆ្នាំត្រូវជាប្រពន្ធរស់នៅភូមិអូរជ្រៅទី៣ត្រូវជាក្មួយប្រុសមានសំណាងមិនមានរងរបួសអ្វីឡើយ។
ប្រភពបន្តថា៖ជនរងគ្រោះប្តី.ប្រពន្ធរងរបួសធ្ងន់បញ្ជូនទៅកាន់មន្ទីរពេទ្យ ទីក្រុងបាងកក ប្រទេសថៃ។
សមត្ថកិច្ចជំនាញប្រាប់ថាដោយរថយន្តរងគ្រោះខាងលើមិនបានបង្កអោយមានការខូចខាតប៉ះពាល់ទៅលើទ្រព្យសម្បត្តិអ្នកដ៏ទៃ និងទ្រព្យសម្បត្តិសាធារណៈ និងមានសាច់ញាតិមកធានាផងនោះសមត្ថកិច្ចក៏ប្រគល់រថយន្តខាងលើជូនសាច់ញាតិយកទៅជួសជុលដោយខ្លួនឯង៕
![]()
![]()
![]()