ស្នាក់ការសហគមន៍ ការពារព្រៃឈើតំបន់ អារ៉ែង ខេត្តកោះកុង ត្រូវអាជ្ញាធរឃុំ សេចក្តីជូនដំណឹង ឲ្យរុះ រើ ឲ្យមុនថ្ងៃទី ២៥ ខែមេសា ឆ្នាំ២០១៨ ខាងមុខនេះ

កោះកុងៈ  នៅការបង្ហោះសារតាមប្រព័ន្ធបណ្តាញទំនាក់ទំនងសង្គម ហ្វេសបុក មានគណនេយ្យ ឈ្មោះថាៈ Sopheak Meangkol  ត្រូវបានគេស្គាល់លោក ឈ្មោះ ញ៉េប សំអឿន ជាអ្នកសំរបសំរួល សមា គមអាដហុក និងជាអ្នកតស៊ូមតិដ៏ឆ្នើម នៅក្នុង ខេត្តកោះកុង ទៀតផង ។ លោកបានសរសេរនៅលើ គណ នេយ្យហ្វេសបុក ផ្ទាល់ខ្លួនលោកថាៈស្នាក់ការសហមន៍អារ៉ែង ស្ថិតនៅភូមិច្រកឬស្សី ឃុំជំនាប់ ស្រុកថ្មបាំង ខេត្តកោះកុង ដែលប្រជាពលរដ្ឋបានសន្សំប្រាក់ទិញឈើធ្វើរួចរាល់កាលឆ្នាំ២០១៥ រហូតតំណាងសហគមន៍ម្នាក់ត្រូវចាប់ដាក់ពន្ធនាគារផងនោះ នៅថ្ងៃទី២១ ខែមីនា ឆ្នាំ២០១៨ រដ្ឋបាលឃុំជំនាប់ ជូនដំណឹងឱ្យរុះរើបានមុនថ្ងៃទី២៥ ខែមេសា ឆ្នាំ២០១៨។

ស្នាក់ការសហគមន៍ការពារ ព្រៃឈើតំបន់អារ៉ែង មានអង្គការមួយ ដែលធ្វើការលើវិស័យនេះ បានតស៊ូ មតិយ៉ាងស្វិតស្វាញ ប្រឈមមុខយ៉ាងខ្លាំងនោះ គឺអង្គការ មាតាធម្មជាតិ ។ អង្គការនេះ ត្រូវបានក្រសួង មហាផ្ទៃរំលាយ ដោយចោទប្រកាន់ថា អង្គការមួយនេះបានធ្វើការផ្ទុយពីច្បាប់ស្តីពី អង្គការ សមាគម  សហជីព ..។ តែតាមពិតដោយសារតែ អង្គការនេះ បានចេញរបាយការណ៍លើក ក្រុមហ៊ុន ដែលមាន មន្រ្តីគ្រាករបស់ខ្មែរមានភាគហ៊ុន ដែលកេងចំណេញលុយ ជាង៧០០ លានដុល្លារ ស្ងាត់ ដោយគ្មាន ស្ថាប័នណាមួយ ចុះធ្វើសវនកម្មលើថវិកាជាតិនេះឡើយ ៕