បែកធ្លាយប៉ូលិសសេដ្ឋកិច្ចខេត្តបាត់ដំបងប្រព្រឹត្តអំពើរពុករលួយប្រជាពលរដ្ឋសំណូមពរអោយអង្គភាព ប្រឆាំងអំពើរពុករលួយស៉ើបអង្កេត!
ខេត្តបាត់ដំបង៖លោក ម៉ៅ រង្សី គឺជាអ្នកកាន់កាប់និងទទួលខុស ត្រូវក្នុងការស៊ើប អង្កេតនិង បង្ក្រាបបទល្មើសសេដ្ឋកិច្ចនៅ ក្នុងខេត្តបាត់ដំបង ទាំងមូលពិសេសទំនិញ ដែលឆ្លងកាត់ ផ្លូវជាតិលេខ៥រងការចោទប្រកាន់ថា៖បានប្រព្រឹត្តអំពើរពុករលួយបង្កើតកុងត្រូលជជុះដើម្បីប្រមូលប្រាក់បទល្មើសផ្សេងៗដាក់ហោប៉ៅយ៉ាងត្រជាក់ចិត្ត។
យោងតាមប្រភពបែកធ្លាយបានអោយដឹងថាក្រុមមន្ត្រីតូចតាចចំណុះ ស្នងការខេត្តបាត់ដំបងបាន លួចបង្ហើបឱ្យដឹងថា ពេលខ្លះ លោកម៉ៅ រង្សី បាន អនុវត្ត ហួសពីការកំណត់របស់លោកអ៊ុចសុខុនជា ស្នងការនគរបាលខេត្តបាត់ដំបងបានដាក់ចុះដែលបញ្ហានេះនាំឱ្យមានភាពចម្រូងចម្រាស់ផងដែរ។នគរបាលសេដ្ឋកិច្ចរបស់លោកម៉ៅ រង្សី មួយក្រុមបានឈរជើងនៅស្រុកបវេលត្រង់ចំណុចស្ពានពង្រដែលទីតាំងពួកនេះគឺចាំស្ទាក់រាប់ក្បាល ឡានដឹកជញ្ជូន ទំនិញមកពីចំណុចភ្នំព្រឹកសំពៅលូនកំរៀងហើយនឹងបានដាក់ប៉ុស្តិ៍ជជុះមួយចំនួនទៀតនៅក្នុងទីរួមខេត្តបាត់ដំបង
ជាចំហរគឺមិន ត្រឹមតែជម្រិតយកលុយពីទំនិញដែលដឹកមកពីតាមបណ្តាព្រំដែនឆ្លងកាត់ខេត្តបាត់ដំបងឬឆ្លងកាត់ផ្លូវជាតិលេខ៥ប៉ុណ្ណោះទេសូម្បីតែទំនិញ ភាគច្រើនដែលបង់ពន្ធ នាំចូល ពីប្រទេស វៀតណាមហើយដឹកពី ភ្នំពេញឆ្លងកាត់ ផ្លូវជាតិលេខ៥ចូលខេត្តបាត់ដំបងក៏ត្រូវកម្លាំងរបស់លោក ម៉ៅ រង្សី បង្ខំឱ្យបង់លុយដោយគ្មានការយោគយល់អ្វី ទាំងអស់បើតាមក្រុមឈ្មួញបានឱ្យដឹងទៀតថាលោក ម៉ៅ រង្សី បានកេណ្ឌប្រមូលឈ្មួញរកស៊ី ធំៗក្នុងខេត្តមួយចំនួន ជាពិសេស ក្រុមឈ្មួញរកស៊ីលោតឆ័ត្រ ដោយតម្រូវចរចារឱ្យបង់លុយហើយបើមិនបង់វិញ និងត្រូវបង្ក្រាបយកស្នាដៃជាញឹកញាប់លោក ម៉ៅ រង្សី តែងរអ៊ូប្រាប់ក្រុមឈ្មួញអំពីផល លំបាករបស់ គាត់ ដែលមានតួនាទីប្រមូលលុយសម្រាប់បង់ឱ្យថ្នាក់លើក្នុងកម្រិតខ្ពស់។ ប៉ុន្តែគេពុំបានដឹងថាលោក ម៉ៅ រង្សីប្រឹងប្រមូលលុយយកទៅបង់ឱ្យថ្នាក់ណាខ្លះទេ។ប្រភពពីក្រុមឈ្មួញវិញបាននិយាយថាជាធម្មតាឡានដឹកទំនិញស្របច្បាប់ត្រូវបង់ប្រាក់ឱ្យទៅកម្លាំងរបស់លោកម៉ៅរង្សីក្នុង មួយឡានចាប់ពី ១០០បាត ទៅ៥០០បាតហើយសម្រាប់ទំនិញបង់ពន្ធមិនគ្រប់និងទំនិញនាំចូលមិនស្របច្បាប់ដូចជាសាច់មាន់ ខូចគុណភាពជ្រូកក្រហមសាច់ប្រហិត រួមទាំងការ នាំចូលនូវត្រីចាបត្រីឆ្តោរសុទ្ធតែមានការហាមឃាត់គឺបែរជាកម្លាំងរបស់លោកម៉ៅ រង្សី ឃុបឃិតត្រូវរ៉ូវចំពោះឈ្មួញដែលមានខ្សែឯចំពោះក្រុម ឈ្មួញ ដែលគ្មានខ្សែវិញ និងត្រូវ ម៉ៅ រង្សី ជម្រិតបង្ខំឱ្យបង់លុយតាមតែអំពើចិត្ត។ជុំវិញព័ត៌មានផ្ទៃក្នុងវិញបានធ្វើការរិះគន់លោកម៉ៅ រង្សី ថាបានផ្តល់ គម្រូអាក្រក់ ដល់នគរបាលសេដ្ឋកិច្ច ខេត្តបាត់ដំបងនាំឱ្យគ្រប់ៗគ្នាគិតតែពីផលប្រយោជន៍ផ្ទាល់ ខ្លួនផ្ទុយអំពីចំណាត់ការរបស់ថ្នាក់ លើដែលពេលខ្លះ លោក ម៉ៅ រង្សី បានបញ្ជា កម្លាំងឱ្យដេញចាប់ទំនិញនិងរាប់ក្បាលឡានយកលុយមានទ្រង់ទ្រាយធំជាងជំនាញគយនិងរដ្ឋាករទៅទៀត។ ហើយដែលបញ្ហានេះទំនងបែប ជាមានការបើកភ្លើងខៀវពីសំណាក់ លោកអ៊ុចសុខុន ស្នងការខេត្តបាត់ដំបងផងដែរ។
ជុំវិញបញ្ហានេះអ្នកសារព័ត៌មានយើងមិនអាចទំនាក់ទំនងសុំការបកស្រាយពីលោក លោក ម៉ៅ រង្សីបាននៅឡើយទេតែយើងនឹងរងចាំការបកស្រាយពីលោកជានិច្ច។
តែទោះជាយ៉ាងណាមជ្ឈដ្ឋាននានាលើកឡើងថាលោកស្នងការខេត្តបាត់ដំបងគួរតែពិនិត្យមើលទង្វើររបស់
កូនចៅពិសេសប៉ូលិសសេដ្ឋកិច្ចទាំងនេះផងដែលដាក់កុងត្រូលជជុះយ៉ាងអាណាធិបតេយ្យដោយកំពុងផ្គើន
បទបញ្ជារសម្តេចក្រឡាហោម«ស.ខេង»ជាចុងក្រោយពួកគាត់សំណូមពរអោយលោកឱមយិនទៀងប្រធានអង្គភាពប្រឆាំងអំពើរពុករលួយគួរតែបើកការស៉ើបអង្កេតលើករណីនេះផងទាន!កុំឱ្យនគរបាលសេដ្ឋកិច្ចខេត្តនេះចេះតែបានចិត្តប្រព្រឹត្តអំពើរពុករលួយតាមទំនើងចិត្តបែបនេះទៀត៕
![]()
![]()
![]()