សមត្ថកិច្ចពាក់ព័ន្ធក្នុងខេត្តសៀមរាបដែល បណ្តោយឲ្យឈ្មោះសាំងហាក់ដឹកឈើរអត់ច្បាប់គ្មានអ្នកបង្ក្រាបអង្គភាពប្រឆាំងអំពើពុករលួយគួរបើកការស៉ើបអង្កេត!
សៀមរាបៈល្មមដល់ពេលអង្គភាពប្រឆាំងអំពើពុករលួយ បើកស៉ើបអង្កេតម្តងហើយ ខណៈមន្ត្រី រដ្ឋបាលព្រៃឈើ និងសមត្ថកិច្ចពាក់ព័ន្ធក្នុងខេត្តសៀមរាប បណ្តោយអោយលោក សាំងហាក់ អាយុប្រហែល៣២ឆ្នាំ បច្ចុប្បន្នរស់នៅក្នុងខេត្តសៀមរាប ដែលជាឈ្មួញរកស៊ីដឹកឈើប្រណិតតាមរថយន្តម៉ាក កាមរី វីហ្គូ នីកសាន់ តាកូម៉ា ដ៏ល្បីល្បាញម្នាក់ជាយូរឆ្នាំណាស់មកហើយនោះ ឥឡូវឈានដល់ប្រើរថយន្តរូរ៉េធំៗ ដឹកឈើស្ទើរបាក់ថ្នល់ ពីស្រុកស្វាយលើចូលមកលក់ចែកចាយអោយដេប៉ូតាមផ្លូវក្រវ៉ាត់ក្រុងសៀមរាបគ្មានសមត្ថកិច្ច ឬជំនាញណាចេញមុខបង្ក្រាបទាល់តែសោះ។
ប្រភពព័ត៌មានបានអោយដឹងថា សាំងហាក់ បានប្រើរថយន្តកូរ៉េ (ដូចក្នុងរូបភាព) ដឹកឈើប្រណិតរាប់សិបម៉ែត្រគូបស្ទើរជារៀងរាល់ថ្ងៃ បង្កប់ក្រោមបាវឬការ៉ុងសំពីងសំពោងដើម្បីបំភាន់ភ្នែកសមត្ថកិច្ច ដឹកចេញពីព្រំប្រទល់ខេត្តព្រះវិហារ ឆ្លងកាត់ស្រុកស្វាយលើខេត្តសៀមរាប ចូលក្រុងសៀមរាប លក់អោយដេប៉ូមួយចំនួនតាមផ្លូវក្រវ៉ាត់ក្រុង ដែលរងចាំទទួលទិញតែឈើពីឈ្មួញសង្គមងងឹត លោតឆ័ត្រ មិនបង់ពន្ធជូនរដ្ឋ បង់តែលុយក្រោមតុអោយមន្ត្រីលេមលើមមួយចំនួនដែលដឹងរឿងតែប៉ុណ្ណោះ ជាថ្នូរក្នុងការបិតបាំងព័ត៌មាន។
សូមរំលឹកផងដែរថា កាលពីកំឡុងឆ្នាំ២០១១លោក សាំងហាក់ និងបក្ខពួកធ្លាប់បានប៉ុនប៉ងសម្លាប់អ្នកកាសែតម្នាក់ ដោយប្រើដំបង និងពូថៅកាប់ក្បាលអ្នកកាសែតរូបនោះ រហូតដល់សមត្ថកិច្ចចាប់ខ្លួនបញ្ញូនទៅតុលាការដាក់គុគបានមួយស្របក់ ក៏ដោះលែងអោយមានសេរីភាពទៅរកស៊ីឈើវិញរហូតដល់សពថ្ងៃនេះ។ ជនរងគ្រោះដែលត្រូវបានគេវាយនិងកាប់ រងរបួសស្រាំលលាក្បាល ឈឺរាំរៃរហូតដល់ស្លាប់ទៅវិញ តែមិនបានទទួលសំណងពីលោកសាំងហាក់សូម្បីមួយកាក់មួយសេនឡើយ។
លោក សាំងហាក់ បានគំរាមប្តឹងលោក ម៉េង ហួត ចាងហ្វាងកាសែតសៀមរាបថ្មី ដោយទាមទាសំណងជំងឺចិត្ត៨០លានរៀល បន្ទាប់ពីលោកម៉េងហួតទំលាយ រឿងរបររកស៊ីដឹកឈើអត់ច្បាប់របស់លោកសាំងហាក់ និងរំលឹករឿងលោកសំាងហាក់ធ្លាប់បានប៉ុនប៉ងធ្វើមនុស្សឃាតទៅលើអ្នកកាសែតមិនបានសម្រេច តែចុងក្រោយឈឺស្លាប់ដដែល។
រដ្ឋបាលព្រៃឈើ និងសមត្ថកិច្ចពាក់ព័ន្ធក្នុងខេត្តសៀមរាបគួរតែចាត់ការឡានដឹកឈើរបស់លោក សាំងហាក់ ផងកុំទុកអោយគាត់ធ្វើភ្យុះធ្វើភ្លៀងស្រេចតែអំពើចិត្តពេក។ជៀសវាងមហាជនរិះគន់ថាស៊ុំគ្រលំ
បើកដៃអោយជាមួយឈ្មួញខិលខូចរូបនេះ។
ទោះជាយ៉ាងណា មជ្ឈដ្ឋាននានាលើកឡើងថា៖ ល្មមដល់ពេលអង្គភាពប្រឆាំងអំពើពុករលួយ បើកស៉ើបអង្កេតម្តងហើយ ខណៈមន្ត្រី រដ្ឋបាលព្រៃឈើ និងសមត្ថកិច្ចពាក់ព័ន្ធក្នុងខេត្តសៀមរាប បណ្តោយអោយលោក សាំងហាក់ ធ្វើព្យុះភ្លៀងតាមចិត្តនេះបានសូកប៉ាន់សមត្ថកិច្ចនិងស្ថាប័នណាខ្លះបានជាធ្វើការដឹកជញ្ជូនឈើរឆ្លងខេត្តបានរលូនបែបនេះ?៕
![]()
![]()
![]()